Iguẹdjọ 9:57 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁷ je ọtiọye na Ọghẹnẹ vwọ hwosa re umwemwu rẹ ihwo ri Shikẹm ejobi ruru vwọ kẹ ayen kugbe iyori ri Jotam ọmọ ri Jerubbaal duvwuru da sẹ vwẹ uyovwi rayen.

Iguẹdjọ 9:57 Referans Kwoze

Iguẹdjọ 9:20

ẹkẹvuọvo ọ gbe dia eriyi-in, e gbe jẹn erhanre nẹ oma rẹ Abimẹlẹk rhe torhẹ ihwo rẹ Shikẹm, kugbe Bẹtmillo; gbe jẹn erhanre la phia vwẹ oma rẹ ihwo ri Shikẹm, kugbe Bẹtmillo, rere ọ torhẹ Abimẹlẹk.

1 Ivie 16:34

Vwẹ ọke rọye Hiel ri Bẹtẹl da bọn Jeriko; Abiram rẹ ọmọkpako rọye o hwe vwọ uchivwo rẹ orere na viotọ, o de rhe hwe Segub ubrevwiẹ rọye vwọ ghwẹ unurhoro rọye phihọ, kirobo rẹ ota rẹ Ọrovwohwo rọ wan unu ri Joshua ọmọ ri Nọn ta epha.

Iguẹdjọ 9:45

Abimẹlẹk da họnre orere na vwẹ ọsoso rẹ ẹdẹ yena; o de phi orere na kua, o de hwe ihwo rẹ orere na, o da guọghọ orere na fiotọ o de tue ughwe-raka phihọ

Joshua 6:26

Joshua de duvwu iyori kẹ ihwo na ejobi vwẹ ọke yena, tanẹ, Ekan kẹ kohwo kohwo vwẹ obaro rẹ Ọrovwohwo ro vrẹnri nẹ ọye ra bọn orere na, Jeriko ọmọkpako roye kọye o hwe vwo mu uchivwo rọye vi. Ubrevwiẹ rọye kọye o rhe hwe vwọ ghwẹ edọvi phihọ anurhoro rọye.

Iguẹdjọ 9:24

rere umwemwu ro ru kpahe emeshare ujorha gbe ihwe ri Jerubbaal kugbe rere a reihri rẹ ọbara rọye vwẹ uyovwi rẹ Abimẹlẹk rẹ ọmọsẹ rayen, ro hwe ayen, kugbe uyovwi rẹ ihwo ri Shikẹm, ri phi ogangan phihọ abọ rọye ro vwo hwe emesẹ rọye.

Iguẹdjọ 9:56

Enẹ kọye Ọghẹnẹ vwọ hwosa rẹ umwemwu rẹ Abimẹlẹk ruru vwọ kpahe ọsẹ rọye kugbe emesẹ rọye ujorha gbe ihwe ro hwe kufia;

Iguẹdjọ 10:1

Ọke rẹ Abimẹlẹk vwo no nu, osivwi ọvo de rhi mu vwẹ Izrẹl, Tola ọmọ ri Pua, ọmọ ri Dodo, ohwo rẹ Issaka ọ da dia evun ri Shama vwẹ ugbenu rẹ Ifrem.

1 Ivie 2:32

Ọrovwohwo che krun oghwa rẹ uruemu rẹ ọbara ro ruru na nyẹ uyovwi, fikiridie, ọ vuẹ ọsẹ mẹ Devid tavwe rọ ke de vwẹ ọlọkọ hwe eshare ivẹ re dia ọvwata nọ ekpuyovwi rọye, Abna ọmọ ri Nẹr, onotu rẹ ofovwi rẹ Izrẹl, kugbe Amasa ọmọ ri Jẹtẹr, onotu rẹ ofovwi ri Juda.

Iguẹdjọ 1:7

Etiyin Adonibẹzẹk da ta nẹ Me nyavwe irhiabọ ride kugbe irhiawọ ride rẹ ivie ujorha gbe ihwe kufia dẹvure re rhọrọ ivwuvwu rẹ emu ria vwẹ obotọ rẹ imẹjẹ mẹ, kirobo ri mi ru ihwo, ọye Ọghẹnẹ hwosa rọye ke vwẹ na. Ayen de muo rhe obi Jerusalẹm, o de ghwu phihọ oboyi.

2 Samuẹl 3:39

Owenẹ a vwẹ ovwẹ mu ovie dede, oma ghwọrọ ovwẹ nonẹ na. Ihwo nana rẹ emọ ri Zeruyah na ganọ kẹ vwẹ. Ọrovwohwo hwosa kẹ ohwo ro ru obo re brare kerẹ ọtiobo rẹ umwemwu rọye epha.

Une rẹ Ejiro 7:17

Ke me kẹ Ọrovwohwo ẹkpẹvwẹ ro fo kẹ ọvwata rọye, ke me so une rẹ ejiro kẹ odẹ rẹ Ọrovwohwo, ro me Kpenu.

Une rẹ Ejiro 94:23

O cha rhoma reyọ orukuruku rayen vwọ nyẹ ayen kọ hwerhe ayen kufia fiki rẹ uvumwemwu rayen, Ọrovwohwo Ọghẹnẹ rẹ avwanre che hwerhe ayen kufia.

Isẹ 5:22

Orukuruku rẹ orumwemwu na gbarọ riariẹ, ufi rẹ oma ẹlaghọ rẹ umwemwu rọye muro.

Aizaya 3:11

Ekan kẹ oruimwemwu! kọ cha bra kẹ, kidie obo rẹ abọ rọye ruru ke eriyin e ji ru kẹ.