Iguẹdjọ 9:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ O de kpo uwevwi rẹ ọsẹ rọye vwẹ obi Ọfra, o de re hwe emesẹ rọye emọ ri Jerubbaal, eshare ujorha gbe ihwe, phihọ enu rẹ oragha ọvo; ẹkẹvuọvo Jotam rẹ ubrevwiẹ ri Jerubbaal kọye ọvo ri chekọ kidie o si oma nu jovwo

Iguẹdjọ 9:5 Referans Kwoze

2 Ikun rẹ Ivie 21:4

Ọke ri Jehọram rhi vwo tidia ekete rẹ uvie rẹ ọsẹ rọye nure rẹ owọ rọye vwo muotọ nu, ọ da vwẹ oda nyavwe iniọvo rọye na hwe, ji kugbe ẹvo vwẹ isun rẹ Izrẹl.

Iguẹdjọ 6:24

Etiyin Gidiọn da bọn agbada ọvo kẹ Ọrovwohwo na, o de muo odẹ kẹ nẹ, Ọrovwohwo Ufuoma. Asan na je herọ vwi Ọfra, rẹ ihwo rẹ Abiẹza rhi te ẹdẹ ri nonẹ.

Matiu 2:20

Vrẹn wo mu ọmọ na kugbe oni rọye, ri we rhivwi kpo otọ rẹ Izrẹl, kidie ọvweghrẹ rẹ ọmọ na ghwu nure.

Matiu 2:16

Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Ivie rẹ Ivẹ 10:17

Ro rhi vwo te Sameria, o de hwe ihwo rẹ Ehab ri chekọ vwi Sameria, bẹsiẹ ro rhi vwo phoro ayen ejobi nẹ otọ na, kirobo rẹ ota rẹ Ọrovwohwo epha rọ ta kẹ Ilaija.

Iguẹdjọ 9:2

Ta phihọ erhọ rẹ emọ rẹ orho ri Shikẹm na ejobi nẹ, Ọvo ri je ovwan, rere emọ ujorha gbe ihwe ri Jerubbaal rẹ eshare sun ovwan, gbenẹ ọvo ri sun ovwan? Karohọ nẹ mẹvwẹ ubeku kugbe uvwo rẹ ovwan.

Iguẹdjọ 8:30

Gidiọn de vwo emeshare ujorha gbe ihwe, rọ vwẹ orhẹn rọye vwiẹ, kidie ọ vwo eya buebu

Iguẹdjọ 9:6

Emọ rẹ orho ri Shikẹm ejobi de sioma koko, kugbe ihwo ri Bẹtmillo, ayen da ra vwẹ Abimẹlẹk mu ovie vwẹ asan ọhahe rọ kẹrẹ osusu vwẹ obi Shikẹm.

Iguẹdjọ 9:18

ovwan de rhi mu kpahe uwevwi rẹ ọsẹ mẹ vwẹ ẹdẹ ri nonẹ na, ovwan de hwe emọ rọye rẹ eshare ujorha gbe ihwe phihọ enu rẹ oragha ọvo, ovwan da vwẹ Abimẹlẹk rẹ ọmọ rẹ ọsen, vwo mu ovie kẹ ihwo ri Shikẹm, fikiridie omoni rẹ ovwan o ruẹ–

Ivie rẹ Ivẹ 10:7

Ọke rẹ ọbe na vwo te ayen obọ, ayen da reyọ emeshare rẹ ovie na, ayen de hwe ayen ihwo ujorha gbẹ ihwe na, ayen da kua iyovwi rayen phihọ evun rẹ ibere, ayen da vwẹ ayen kpo obo Jẹzril.

Iguẹdjọ 6:11

Etiyin amakashe rẹ Ọrovwohwo ọvo da rhe o de tidia obotọ rẹ ọhahe vwi Ọfra, ri Joash ọmọ rẹ Abiẹza, vi Gidiọn rẹ ọmọ rọye re wonro eka vwẹ asan re de miẹ udi, rere o ovwo si ayen nu fiki rẹ ihwo ri Midian.

1 Ivie 1:12

Asakiephana gba mọ, re me jẹ iroro kẹ wẹ, rere we vwo sivwi oma wẹn ọ vẹ arhọ rẹ ọmọ wẹn Solomọn.

1 Ivie 1:21

Ọ rha dia ọtiọye-e ọke rẹ ọrovwovwe ovie da tọn kpo obo ro nurhe re bru esẹ wẹn e de rhi se vwe vẹ ọmọ mẹ ihwo okpetu.

Ivie rẹ Ivẹ 11:3

Ọ vẹ ọye da dia ẹgbukpe esan, ro vwo sionu vwẹ evun rẹ uwevwi rẹ Ọrovwohwo yẹ Atalaya ria uvie vwẹ otọ na.