Iguẹdjọ 8:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Eriyin na ọ da ta kẹ eshare ri Sukọt na nẹ, Bikọ, vwẹ ikori rẹ ikara kẹ ihwo ri nene uvwe na; kidie oma rhọ ayen, yẹ me vwọ tua Zeba vẹ Zalmunna, ivie ri Midian na.

Iguẹdjọ 8:5 Referans Kwoze

Jẹnẹsis 33:17

Ẹkẹvuọvo Jekọp de mu oyan vwo kpo Sukọt, ọ da bọn uwevwi kẹ oma rọye, ọ da rha bọn itughẹ kẹ uchuru rọye; fiki rẹ ọtiọye na e de se odẹ rẹ asan na Sukọt.

Une rẹ Ejiro 60:6

Ọghẹnẹ veri vwẹ evun rẹ ẹshẹ rọye: Omavwerhe me vwọ ghare Shikẹm Me ghare iyara ri Sukọt ẹkẹnkẹn.

1 Samuẹl 25:18

Kpata kpata Abigail, da ghwa reyọ ikara ujori ivẹ, kugbe egọ rẹ udi ivẹ, kugbe igodẹ iyori ra va nure, kugbe ovwanvwọn iyori rẹ ọka re duvwuru, kugbe erheghe ri razin ujori, kugbe ikara rẹ a vwẹ owe ru ujori ivẹ, o de kru ayen kpahe ekẹtẹkẹtẹ.

Urhi Rivẹ 23:4

fikiridie ọke ri wo vwo nẹ otọ rẹ Ijipt cha, ayen reyọ ikara vẹ ame rhe vwọ vwa wẹ vwẹ idjerhe-e, fikiridie ayen durhie Balam ọmọ rẹ Beor nẹ Petor ri Mesopotemia rhe, rhe duvwu iyori hwe ovwan.

Jẹnẹsis 14:18

Melkizẹdẹk ovie ri Salẹm da vwẹ ọkuọka vi wain vwo rhe, ọye orherẹn rẹ Ọghẹnẹ ro Me Kpenu.

Iguẹdjọ 8:10

Ọke nana Zeba kugbe Zalmunna vẹ otu ofovwi rẹ ayen e he evun ri Karkọr, ayen kerẹ eshare uriori ihwiori, enana ejobi na ihwo re dia obaro ọnre rẹ otu ofovwi ro chekọ; fikiridie eshare uriori ujọri gbe uje ra vwẹ ọlọkọ hwe vwẹ ofovwi na

Iguẹdjọ 8:12

Zeba vi Zalmunna da djẹ; ọ da vwo tua ayen o de mu ivie ivẹ ri Midian na, Zeba vi Zalmunna, ọ da jẹ uguegue phihọ ayen oma.

Iguẹdjọ 8:15

O de bru eshare ri Sukọt na rhe, ọ da ta nẹ, Nighe ri Zeba vi Zalmunna, ihwo rẹ ovwan vwọ wanrie ovwẹ, tanẹ, E phi Zeba vi Zalmunna phihọ obọ wẹn nure, rere avwanre vwọ vwẹ ikara kẹ ihwo rẹ oma rhọ?

Iguẹdjọ 5:23

Harhọn Merọz, Ọtiọye amakashe rẹ Ọrovwohwo tare, harhọn ihwo rọye ejobi gangan, fikiridie ayen rhe chọ Ọrovwohwo na uko-o, ayen rhe chọ Ọrovwohwo na uko vwọ họnre egba na-a.