Iguẹdjọ 8:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ọnyẹn rẹ isan rẹ erhọ rẹ oro ra vwọ kẹ na da họhọ te ovwanvwọn rẹ oro ri Shekel uriori kugbe ujori ighwrẹn; ji kugbe ekuakua rẹ eheri buebu, kugbe ikoro rẹ ehọvwore, kugbe emwa rẹ ivie ri Midian na vwo rhuo, kugbe ejọnrọn rẹ ọhọre rẹ iyesi rayen.

Iguẹdjọ 8:26 Referans Kwoze

Ẹvwọphia 18:16

Eghwo, eghwo, wẹ orere rode na rọ vwẹ esada iyoyovwi rhuo, vẹ orhurhu kugbe isene, rọ vwẹ oro rhuẹrẹ, vẹ ivie kugbe irhu!

Ẹvwọphia 18:12

oghwaeki rẹ oro, idọnọ efuanfon ivie kugbe irhu, esada iyoyovwi, orhurhu, esada kugbe ododo, irhe ri gbo ọnrhe ororo ejobi, ekuakua rẹ akoeni ejobi, ekuakua rẹ irhe eghaghare ejobi, ẹrovwo, itehru kugbe eragha ri lo wrowro,

Iyẹnrẹ Esiri ri Jọn 19:5

Ọtiọye na Jesu da yan phia, vẹ erhu rẹ odjigbẹ na ro vwo tughẹ kugbe adagba rẹ orhurhu na. Pailet da ta kẹ ayen, Ohwo na ọna!

Iyẹnrẹ Esiri ri Jọn 19:2

Isodje na da wọn erhu rẹ odjigbẹ, e de vwo tughẹ uyovwi rọye, ayen de ku adagba rẹ orhurhu phihọ oma;

Jerimaya 10:9

Idọnọ re duvwuru a ghwẹ ayen nẹ Tashishi rhe, kugbe oro ro nẹ Ufaz rhe. Ayen iruo rẹ ọwena kugbe e rẹ odjogun, emwa rayen orhurhu kugbe ododo, ayen ejobi iruo rẹ ewena

Ẹsta 8:15

Etiyin Modekai da yan phia nẹ obaro rẹ ovie na vẹ edagba rẹ uvie e rẹ ọgiọgiọ vẹ efuanfon, vẹ erhu rẹ uvie rẹ oro kugbe adagba rẹ esada oyoyovwi kugbe isene, jẹ orere ri Susa kperẹ ghọghọ.

Ẹvwọphia 17:4

Aye na da vwẹ efenudu ọvwavware rhuo, ọ da vwẹ iro vẹ omamọ rẹ evwarha vwọ rhuẹrẹ oma, ọ da vwẹ uko rẹ oro rọ vọnre vẹ omaetuo kugbe inuhu rẹ igberadja vwọ yọnre obọ;

Izikiẹl 27:7

Vwẹ emwa rẹ e rhuori ri nẹ Ijipt rhe ọye e vwo ru aphiana, rọ dia oka wẹn, ọgiọgiọ kugbe orhurhu ro nẹ erhuru rẹ Elishah rhe kọye ebọn wẹn.

Iyẹnrẹ Esiri ri Luk 16:19

Ọdafe ọvo herọ, ro rhuo ifenudu kugbe esada iyoyovwi rọ ria okpọre kẹdẹ kẹdẹ.

Iguẹdjọ 8:21

Etiyin Zeba vi Zalmunna da tanẹ, Gbe vrẹn kẹ oma wẹn, rere wo she nyẹ avwanre; kidie kirobo rẹ ohwo ẹpha, ọtiọye ọgangan rọye je epha. Gidiọn de vrẹn o de hwe Zeba vi Zalmunna; ọ da reyọ ekuakua rẹ eheri rẹ ohọnre rẹ iyesi rayen.

Iguẹdjọ 8:25

Ayen da kpahe tanẹ, Avwanre vwẹ ayen kẹ wẹ vẹ ivun avwerhe. Ayen da vwẹ ewun ọvo hwotọ, dohwo disan rẹ erhọ ro vwori da ghwiẹ phihọ,

Iguẹdjọ 8:27

Gidiọn da vwo ko ibuluku o de phihọ otorho rọye, vwi Ọfra; Izrẹl ejobi ki vwo gbe ẹgua vwe oboyi, o de rhi hirhe phihọ ufi kẹ Gidiọn vẹ uwevwi rọye.

Isẹ 31:22

Ọye ọvo ri kọ emwa rọ ghwa; emwa rọye kẹ isada vẹ ifenudu.

Aizaya 3:18

Vwẹ ẹdẹ yena Ọrovwohwo ko che si erhuvwu rẹ erọvwọ re abọ no te umuyovwi, te osunsun;