Iguẹdjọ 8:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọke nana Zeba kugbe Zalmunna vẹ otu ofovwi rẹ ayen e he evun ri Karkọr, ayen kerẹ eshare uriori ihwiori, enana ejobi na ihwo re dia obaro ọnre rẹ otu ofovwi ro chekọ; fikiridie eshare uriori ujọri gbe uje ra vwẹ ọlọkọ hwe vwẹ ofovwi na

Iguẹdjọ 8:10 Referans Kwoze

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Ivie rẹ Ivẹ 3:26

Ọke rẹ ovie ri Moab vwọ mrẹ nẹ ofovwi na miovwi kẹ ọye, o de se ituofovwi ujori ighwrẹ re ghwa elọkọ rere ayen ra họrhọ wan ẹbẹre rẹ ovie rẹ Idọm; ẹkẹvuọvo ayen sa wan vrẹ-ẹn.

Iguẹdjọ 20:46

Ọtiọye na eshare ri Bẹnjamin re vwẹ ọlọkọ họnra ri ghwuru vwẹ edẹ yena da dia eshare uriori uje gbe iyori, eshare nana ejobi na egba rẹ ofovwi i ruẹ.

Iguẹdjọ 20:35

Ọrovwohwo de phi Bẹnjamin kua kẹ Izrẹl; etiyin eshare rẹ Izrẹl na de hwe eshare ri Bẹnjamin uriori uje gbe iyori vwẹ ẹdẹ yena; eshare nana ejobi na ihwo re vwẹ ọlọkọ phi ofovwi.

Iguẹdjọ 20:25

Bẹnjamin da ra họnre ayen nẹ obi Gibeah vwẹ ẹdẹ rivẹ na ayen da vwẹ eshare rẹ Izrẹl uriori ihwe gbe ẹrenren vwo gberotọ; eshare nana ejobi na ihwo re vwẹ ọlọkọ họnra.

Iguẹdjọ 20:17

Etiyin eshare rẹ Izrẹl re vwẹ oma ba Bẹnjamini-i, de ji koko eshare uriori ujori ẹne re vwẹ ọlọkọ họnra; eshare nana ejobi na egba rẹ ofovwi iruẹ.

Iguẹdjọ 20:15

vwẹ ẹdẹ yena ihwo ri Bẹnjamin de koko ihwo rẹ irere rẹ ayen ejobi eshare uriori uje gbe esan re sa vwẹ ọlọkọ họnra, kugbe ihwo ri Gibeah re sanọ eshare ujori ighwrẹm

Iguẹdjọ 20:2

Ehọnvwọre ride rẹ Orua rẹ Izrẹl, eshare re vwẹ owọ yan re vwẹ ọlọkọ họnra, uriori uriuvẹ da rhe vwẹ oma phia vwẹ ukoko rẹ ihwo rẹ Ọghẹnẹ

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

2 Ikun rẹ Ivie 28:8

Ihwo rẹ Izrẹl de mu ihwo uriori ujori ivẹ rẹ ihwo rẹ obọ rayen ighuvwu, eya, emeshare, kugbe emetẹ; ayen de ji gborho ekuakua buebu mie ayen ayen da je ghwa ekuakua na kpo Sameria.

2 Ikun rẹ Ivie 28:6

Kidie Peka ọmọ ri Remaiaya de hwe ihwo uriori uje vwi Juda vwẹ ẹdẹ ọvo, ihwo na ejobi na eshare ri yivwaro, fikiridie ayen sen Ọrovwohwo na, Ọghẹnẹ rẹ esẹ rayen.

2 Ikun rẹ Ivie 13:17

Abijah vẹ ihwo rọye de hwe ayen ehwe rode gangan; ọtiọye na ihwo rẹ Izrẹl re hweri ri sheri da dia uriori ujori iyori rẹ ihwo ra sanọre.

Iguẹdjọ 7:22

Ọke rẹ ẹko erha rẹ eshare ujori erha na vwo kworo ewanre na nu, Ọrovwohwo na de hirhe aro rẹ ọlọkọ ri kohwo kohwo ku ọrivẹ rọye vwẹ evun rẹ otu ofovwi na ejobi; otu ofovwi na da djẹ shesheri kpo Betshita vwi Zererah, re te ughwru rẹ Abelmehola vwẹ oma ri Tabbat.

Iguẹdjọ 6:5

Fikiridie ayen vẹ uchuru rẹ ayen kugbe itughẹ rẹ ayen, Me ghwiẹ rhe kerẹ otu rẹ ebaka re se keri-i ayen kugbe iyesi buebu re se keri-i, ayen Me rhe guọghọ otọ na fiotọ.

Iguẹdjọ 8:11

Gidiọn da ra wan idjerhe rẹ iyesi vwẹ obaro ọnre vwi Nọba vi Jogbeha, o de re hwe otu ofovwi na; kidie otu ofovwi na sioma nu vẹrhe.

Iguẹdjọ 7:13

Ọke ri Gidiọn vwọ rhe nu, nighe, ọshare ọvo ko gbe ikun rẹ evwerhẹ rọ vwerhẹre ke ọrivẹ rọye, tanẹ, Nighe, Me da vwerhẹ evwerhẹ ọvo; kọye ukori ri ikara ri bali de rhi she tehe erhọn ri Midian, ọ da rhe utughẹ na, ọ da tehọ she, ọ da gare uyovwi vi otọ, utughẹ na da riẹn nene otọ.