Iguẹdjọ 7:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọrovwohwo da ta kẹ Gidiọn nẹ, ihwo na ji bunọ; reyọ ayen rhe asan ame na rere Me davwẹ ayen ni kẹ wẹ vwẹ oboyi; ohwo re me ta kẹ wẹ nẹ, Ọnana ri che nene uwe ra, ohwo yena kọye ri che nene uwe yanran; ohwo re me ta kẹ wẹ nẹ, ohwo nana nene uwe-e; o gbi che nene uwe ra-a.

Iguẹdjọ 7:4 Referans Kwoze

Une rẹ Ejiro 33:16

Ovie ọ dianẹ ke unuofovwi rọye ri se sivwo-o; ọgba rẹ ofovwi ọ dianẹ kẹ ogangan rọye ri sivwo-o,

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.

ỌBE RẸ JOB 23:10

Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

Une rẹ Ejiro 66:10

Kidie wẹ, E Ọghẹnẹ, re davwẹ avwanre wọ davwẹ avwanre kirobo ra wran idọnọ.

Une rẹ Ejiro 7:9

E jẹn umwemwu rẹ ohwo umwemwu rhi vwo oba, ẹkẹvuọvo vwẹ owọ rẹ ọvwata muotọ, wẹ rọ davwa udu vẹ iroro na, wẹ Ọghẹnẹ rẹ ọvwata.

Jẹnẹsis 22:1

Rẹ imu nana ejobi vwọ wan nu Ọghẹnẹ da davwe Ebraham ni, ọ da ta kẹ, Ebraham; O de nyo nẹ, Mẹvwẹ na.

Iguẹdjọ 7:5

Etiyin ọ da reyọ ihwo na rhe asan ame na; Ọrovwohwo da ta kẹ Gidiọn nẹ, Kohwo kohwo rọ bọvwọ unu rhu ame vwẹ ẹrẹvwe da ame, kerẹ eranko, wọ mi phi ohwo yena phihọ akakọ; ọtiọye wọ je sanọ kohwo kohwo ro rhuẹ djokoro da ame phihọ akakọ