Iguẹdjọ 7:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọke rẹ ẹko erha rẹ eshare ujori erha na vwo kworo ewanre na nu, Ọrovwohwo na de hirhe aro rẹ ọlọkọ ri kohwo kohwo ku ọrivẹ rọye vwẹ evun rẹ otu ofovwi na ejobi; otu ofovwi na da djẹ shesheri kpo Betshita vwi Zererah, re te ughwru rẹ Abelmehola vwẹ oma ri Tabbat.

Iguẹdjọ 7:22 Referans Kwoze

1 Ivie 4:12

Baana ọmọ rẹ Ahilud, vwi Taanak, Megiddọ, kugbe Bẹtshean ejobi rọ kẹrẹ Zaretan vwẹ obotọ ri Jẹzreel, ji nẹ Bẹtshean re te Abẹl-mẹhola, rhiri re te abọ rivẹ ri Jokmeam;

2 Ikun rẹ Ivie 20:23

Kidie ihwo rẹ Ammọn vi Moab vrẹnri ayen da họrhọ ro ihwo rẹ Ugbenu ri Seir, ayen da ghwọrọ ayen tototo, ọke rẹ ayen rha vwọ ghwọrọ ihwo ri Seir tototo nu, ayen ohwohwo kẹ rhẹriẹ oma ghwọrọ ohwohwo.

1 Ivie 19:16

gba rha vwe evwri ghworo Jehu rẹ ọmọ ri Nimshi ro dia ovie rẹ Izrẹl; kugbe re wọ rha vwẹ evwri ghworo Ilaesha ọmọ ri Shafat rẹ Abelmeholah rọ dia ọmraro vwẹ ẹdia wẹn.

Joshua 6:20

Ọtiọye na ihwo na de kuvwie, e de hworo ewanre na. Rẹ ihwo na ghwe vwo nyo umri rẹ ewanre na, ihwo na ejobi de ghwe kuvwie ghwrọrọrọ, igbẹhẹ na de ghwe ghwie she re kpae, ihwo na da ghwa họrhọ ro evun rẹ orere na, ohwohwo vwọ kpahe ohwo, ayen da reyọ orere na.

Aizaya 19:2

Ke me kpare ihwo re Ijipt vwọ so ohwohwo ayen ke họnre, ọniọvo vwọ so oniọvo, ohwo kohwo ke họnre ọrivẹ rọye, orere vwọ so orere, uvie vwọ so uvie;

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Une rẹ Ejiro 83:9

Ru kẹ ayen kirobo we ru ki Midian, vwọ ke Sisira vi Jabin vwẹ asan urhie ri Kishọn,

Joshua 6:16

Vwẹ obọ righwrẹn na, re irherẹn na vwo hworo owanre na re, Joshua da ta kẹ ihwo na, We kuvwie; kidie Ọrovwohwo phi orere na phihọ owẹ obọ nure.

Joshua 6:4

Irherẹn ighwrẹn ke reyọ owanre rẹ egbo ighwrẹn vwọ ka obaro kẹ ekpeti na; vwẹ ẹdẹ righwrẹn ku we ne udje riariẹ orere na asieghwrẹn, yẹ irherẹn na re hworo ewanre na.

2 Kọrẹnt 4:7

Ẹkẹvuọvo avwanre vwo efe nana vwẹ evun rẹ ochẹ, ro vwo dje nẹ ọrho rọ basa-a na Ọghẹnẹ ọvo ri vworo ọ dianẹ kẹ ọ rẹ avwanre-e.

1 Samuẹl 18:19

Ẹkẹvuọvo ọke ra vwọ vwẹ Merab, ọmọtẹ ri Sọl, vwọ kẹ Devid vwọ rọvwọ, a da vwọ kẹ Adriẹl ohwo ri Meholat vwo ru aye.

Izikiẹl 38:21

Ki mi che se kemu kemu ro muoshọ ejobi rhe rhe vwọ so Gọg, eriyin Ọrovwohwo Ọghẹnẹ tare; ohwo ọvuọvo kọ cha vwẹ ọlọko vwọ so oniọvo rọye.

Habakọk 3:14

Wọ da vwẹ ugbẹn rẹ ọgba vwo duvwu uyovwi rẹ ọgba ofovwi na fi, re rhere kere ogiribo rhe hra vwẹ, rọ ghọghọ kerẹsiẹ ra da bẹbẹ mu ovwiọgbere rọ.

Hegae 2:22

ke kporo ekete rẹ uvie she, Me cha guọghọ ogangan rẹ uvie vẹ ẹgborho na, e mi geri ekpẹrẹ na vẹ otu re gua ayen she teye otọ, ọlọkọ rẹ ọrivẹ rayen kọye cha nyavwe ọrivẹ she.

Joshua 3:16

ame na rọ djẹ nẹ obenu cha de yeri kpenu gogorogo, vwẹ Adam, orere na rọ hẹ orhoma ri Zaretan, ame rọ djẹ kpo obo abadi na vwẹ obo Araba, Abadi rẹ Ughweraka na, da ghwa kpo yamu otọ; ihwo na da wanvrẹn hirharo ku Jeriko.

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Zekaraya 14:13

Vwẹ ẹdẹ yena anegbe rode ko nẹ obọ re Ọrovwohwo rhe rhi she teye ayen, aye ohwohwo ke yọnrọn ohwohwo obọ, aye ohwohwo ke cha họnrọ ohwo.