Iguẹdjọ 7:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ayen dohwo dasan rọye de mudia riariẹ erhọn na phihọ, otu ofovwi na ejobi da djẹ; ayen de kperi phia ayen da djẹ.

Iguẹdjọ 7:21 Referans Kwoze

Isẹ 28:1

Orumwemwu de djẹ yẹ ohwo ọvuọvo vwọ tua-a, ẹkẹvuọvo udu rẹ ọvwata epha kokoroko kerẹ okpohrokpo.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 30:7

Kidie ọchuko rẹ Ijipt fi emuovo-o, odiodi gheghe, kọye mi vwo mu odẹ kẹ nẹ Rahab ro di tidia gbiẹi.

2 Ikun rẹ Ivie 20:17

Wọ rha lagha oma họnra vwẹ ofovwi nana-a, wa gbro phihọ, we hwe oma mu, re wọ mrẹ ẹkparọ obọ rẹ Ọrovwohwo cha vwọ kẹ wẹ, E Juda vi Jerusalẹm. Wọ djẹ oshọ-ọ, wo jẹ ofu dje we-e; odẹ rọ cha na kpare ofovwi bru ayen, Ọrovwohwo nene uwe dia.

Ẹyano 14:25

adjugẹ rẹ akpẹrẹ rayen de bruro ibehre ọtiọye na kẹ ayen djẹ tẹgbẹ tẹgbẹ; ihwo rẹ Ijipt na da ta, E jẹn a djẹ nẹ oma rẹ ihwo rẹ Izrẹl na, kidie Ọrovwohwo yen họnra ihwo rẹ Ijipt kẹ ayen na.

Hibru 11:34

ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

Iguẹdjọ 7:20

usun erha na de hworo ewanre ayen de hwe ototo na, ayen da vwẹ obọhwẹre yọnrọn irhukpẹ na ayen da vwẹ obọrhe na yọnre ewanre hworo; ayen de kperi nẹ, ọlọkọ rẹ Ọrovwohwo na kugbe ọ ri Gidiọn!

1 Ivie 20:20

Ọ vuẹ ohwo rọye de hwe ihwo ri Siria na da djẹ Izrẹl da vwọ tua ayen, ẹkẹvuọvo Bẹnhadad ovie ri Siria ghwe pho ro iyesi ọ vẹ ihwo re gua iyesi kẹ da djẹ vabọ.

2 Ikun rẹ Ivie 20:15

Ọ da ta, Kerhọn, ovwan Juda ejobi kugbe ihwo ri Jerusalẹm, kugbe Ovie Jehoshafat; E nẹ Ọrovwohwo ta kẹ wẹ, wọ djẹ oshọ-ọ; wo jẹ ofu rẹ urogho rode na dje we-e; kidie ofovwi na dia ọwẹ-ẹ ẹkẹvuọvo ọ rẹ Ọghẹnẹ.