Iguẹdjọ 7:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Eriyin Gidiọn kugbe eshare ujori re vẹ ọye herọ na da rhe orhoma rẹ erhọn na, vwẹ ẹtuọhọ rẹ erhẹrẹ rẹ uherevie, rẹ ayen ghwe vwo mu ẹrhẹrẹ na phihọ nu; ayen de hworo ewanre na ayen da teye etoto re abọ rayen na hwe,

Iguẹdjọ 7:19 Referans Kwoze

Ẹvwọphia 16:15

(Nighe, me cha kerẹ oji. Ebruba kẹ ohwo rọ sa hẹrhẹ, rọ sẹro rẹ iwun rọye rere o vwo je ban phihọ a da rha mrẹ ẹbẹban!)

1 Tẹsalonaika 5:2

Kidie ekpuyovwi rẹ ovwan riẹnre gbagba nẹ ẹdẹ rẹ Ọrovwohwo cha kerẹ oji vwẹ ason.

Matiu 25:6

Ẹkẹvuọvọ ro rhi vwo te uherevie ason e de kuvwie nẹ, Nighe ọpha na cha re! Wa yanrhe re a ra vwa ọpha na.

Une rẹ Ejiro 2:9

Wọ vwẹ ọkpọ rẹ utehru vwo vwirhi ayen, ku wọ ghwọrọ ayen vworo vworo kerẹ ema rọ mẹma na.

Iguẹdjọ 7:16

Ọ da ghare eshare ujori erha na phihọ ẹko ofovwi erha, o de phi ewanre kugbe ọtoto ifefe phihọ abọ rayen, irhukpẹ da evun rẹ ọtoto na.

Ẹyano 14:24

Vwẹ ọke rẹ ohẹrhẹ rẹ irhiọke Ọrovwohwo da wan osunsun rẹ egho vẹ erhanre na ni ihwo rẹ Ijipt, o de phi ozighi phihọ urogho rẹ Ijipt na,

Iguẹdjọ 7:18

Ọke mi de hworo owanre te mẹvwẹ te ihwo ejobi re vẹ ovwẹ gba herọ na, ovwan gbe hworo ewanre vwi kasan kasan vwẹ erhọn na ejobi, rere ovwan kperi tanẹ, Fiki rẹ Ọrovwohwo na kugbe Gidiọn

Iguẹdjọ 7:20

usun erha na de hworo ewanre ayen de hwe ototo na, ayen da vwẹ obọhwẹre yọnrọn irhukpẹ na ayen da vwẹ obọrhe na yọnre ewanre hworo; ayen de kperi nẹ, ọlọkọ rẹ Ọrovwohwo na kugbe ọ ri Gidiọn!

Une rẹ Ejiro 90:4

Kidie ikpe uriori vwẹ obaro wẹn e họhọ odẹ ro kpori na, eyẹ kerẹ ohẹrhẹ vwẹ evun rẹ ason.