Iguẹdjọ 7:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọke ri Gidiọn vwọ rhe nu, nighe, ọshare ọvo ko gbe ikun rẹ evwerhẹ rọ vwerhẹre ke ọrivẹ rọye, tanẹ, Nighe, Me da vwerhẹ evwerhẹ ọvo; kọye ukori ri ikara ri bali de rhi she tehe erhọn ri Midian, ọ da rhe utughẹ na, ọ da tehọ she, ọ da gare uyovwi vi otọ, utughẹ na da riẹn nene otọ.

Iguẹdjọ 7:13 Referans Kwoze

1 Kọrẹnt 1:27

ẹkẹvuọvo Ọghẹnẹ jẹ otu rẹ akpọ se ọvwugheghẹ na reyọ rere ọ vwọ phọphọ ọvwẹghwanre, Ọghẹnẹ jẹ obo rẹ akpọ se ọvwiẹre reyọ rere ọ vwọ phọphọ otu re ganre.

Iguẹdjọ 6:15

Ọ da ta kẹ nẹ, Biko, Ọrovwohwo, mavọ mi se vwọ sivwi Izrẹl? Nighe, orua mẹ re Me dia ọvwiẹrẹ vwi Manasse na, mẹvwẹ re je ka obuko vwẹ uvwiẹ mẹ.

Iguẹdjọ 4:21

Ẹkẹvuọvo Jael aye ri Heber da reyọ ubibẹ rẹ utughẹ na, kugbe ubrogba vwẹ obọ, ọ da bẹbẹ yanran bro o de hwe ubibẹ na phihọ afọnrhe rọye, ọ da ruọ fiotọ, vwọ ọke rẹ oma vwọ ghwọrọ rẹ ovwerhe vwo muo kokodo. Etiyin o de ghwu.

Iguẹdjọ 4:9

Ọ da ta kẹ nẹ, mi nene uwe ra, ẹkẹvuọvo urinrin rẹ oyan ri idjerhe na cha dia ọwẹ-ẹn, kidie Ọrovwohwo na shẹ Sisira phihọ obọ rẹ aye nure. Etiyin Dẹbora de vrẹn o de nene Barak kpo obi Kadẹsh.

Iguẹdjọ 3:31

Ọke yena vwọ wan nu Shamga ọmọ re Anat, o da vwẹ ugbọphogho hwe ihwo ri Filistia ujori esan okpuyovwi rọye de ji sivwi Izrẹl.

Iguẹdjọ 3:15

Ẹkẹvuọvo ọke rẹ ihwo rẹ Izrẹl na vwo kperi se Ọrovwohwo na, Ọrovwohwo da vwẹ osivwi ọvo, Ehud, ọmọ rẹ Gera, ohwo ri Bẹnjamin, ọhwẹrobọ rẹ ọshare vwo mu kẹ ayen. Ihwo rẹ Izrẹl de toro arhọghọ vwọ kẹ vwo rhe Ẹglọn ovie ri Moab na.

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Iguẹdjọ 7:14

Otu rọye na da kpahe kẹ nẹ, Ọnana dia emu ọfa-a ẹkẹvuọvo ọlọkọ ri Gidiọn ọmọ ri Joash, ọshare rẹ Izrẹl na, obọ rọye Ọghẹnẹ phi Midian kugbe otu ofovwi na ejobi phihọ.

Iguẹdjọ 8:10

Ọke nana Zeba kugbe Zalmunna vẹ otu ofovwi rẹ ayen e he evun ri Karkọr, ayen kerẹ eshare uriori ihwiori, enana ejobi na ihwo re dia obaro ọnre rẹ otu ofovwi ro chekọ; fikiridie eshare uriori ujọri gbe uje ra vwẹ ọlọkọ hwe vwẹ ofovwi na