Iguẹdjọ 7:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Iguẹdjọ 7:12 Referans Kwoze

Iguẹdjọ 8:10

Ọke nana Zeba kugbe Zalmunna vẹ otu ofovwi rẹ ayen e he evun ri Karkọr, ayen kerẹ eshare uriori ihwiori, enana ejobi na ihwo re dia obaro ọnre rẹ otu ofovwi ro chekọ; fikiridie eshare uriori ujọri gbe uje ra vwẹ ọlọkọ hwe vwẹ ofovwi na

Iguẹdjọ 6:5

Fikiridie ayen vẹ uchuru rẹ ayen kugbe itughẹ rẹ ayen, Me ghwiẹ rhe kerẹ otu rẹ ebaka re se keri-i ayen kugbe iyesi buebu re se keri-i, ayen Me rhe guọghọ otọ na fiotọ.

Iguẹdjọ 6:3

Kidie ọke rẹ ihwo rẹ Izrẹl da kọn ekankọn phihọ otọ nu ihwo ri Midian kugbe ihwo rẹ Amalẹk vẹ ihwo re dia obaro rẹ ọnre na Me kpare ohọnre bru ayen rhe;

Joshua 11:4

Ayen da yan phia, vẹ unuofovwi rayen ejobi, urogho rode na, buebu kerẹ ehavwo rọ oma rẹ urhie, vẹ iyesi buebu kugbe idjighere rẹ ofovwi.

Une rẹ Ejiro 33:16

Ovie ọ dianẹ ke unuofovwi rọye ri se sivwo-o; ọgba rẹ ofovwi ọ dianẹ kẹ ogangan rọye ri sivwo-o,

Une rẹ Ejiro 3:1

E Ọrovwohwo, mavọ ivwighrẹ mẹ bute! Buebu vrẹn vwọ so vwẹ,

1 Ivie 4:30

ọtiọye na aghwanre ri Solomọn da nọ aghwanre rẹ ihwo ejobi re dia obaro-ọnre na, kugbe aghwanre rẹ Ijipt ejobi.

Iguẹdjọ 6:33

Ọke yena ihwo rẹ Midian ejobi kugbe ihwo rẹ Amalẹk, kugbe re obaro rẹ ọnre de sioma koko, ayen da wan vrẹn Jọdan, re mu erhọn phihọ iyara ri Jẹzreel

Iguẹdjọ 7:13

Ọke ri Gidiọn vwọ rhe nu, nighe, ọshare ọvo ko gbe ikun rẹ evwerhẹ rọ vwerhẹre ke ọrivẹ rọye, tanẹ, Nighe, Me da vwerhẹ evwerhẹ ọvo; kọye ukori ri ikara ri bali de rhi she tehe erhọn ri Midian, ọ da rhe utughẹ na, ọ da tehọ she, ọ da gare uyovwi vi otọ, utughẹ na da riẹn nene otọ.

1 Samuẹl 30:17

Devid de hwe ayen nẹ ọke phoro phoro rẹ ovwọnvwọn re te ovwọnvwọn rẹ ẹdẹ rivẹ; ọvuọvo rẹ ihwo na djẹ vabọ-ọ, jopka re imighele ujori ẹne ri pho ro emu ri karmel djẹ kpo.

Jerimaya 46:23

Ayen cha guọghọ egbo rọye te otọ, eriyin Ọrovwohwo tare, owenẹ e se dje uyovwi phihọ dede-e, fikiridie ayen bu nọ ebaka, e se kere aye-en.

1 Samuẹl 13:5

Ihwo ri Filistia da rhe ghwẹ koko rhe họnre Izrẹl, akpẹrẹ uriori ọgban, ihwo re gua iyesi uriori esan, unuofovwi kerẹ ekpẹn rẹ oma rẹ urhie gbidiki; ayen da rhe rhi mu erhọn vwi Mikmash, vwẹ abọ rọ obaro ọnre vwi Bẹtavẹn.

1 Ivie 20:27

A da ghwẹ ihwo rẹ Izrẹl koko gbidi, ayen je ghwa emuọre cha oma, ayen da ra ghare oma; ihwo rẹ Izrẹl de re mu erhọn phihọ obaro rẹ ayen kerẹ emekrun rẹ ẹvwe ivẹ, ẹkẹvuọvo ihwo ri Siria da rhe vọn asan ejobi kpisi.