Iguẹdjọ 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Fikiridie ayen vẹ uchuru rẹ ayen kugbe itughẹ rẹ ayen, Me ghwiẹ rhe kerẹ otu rẹ ebaka re se keri-i ayen kugbe iyesi buebu re se keri-i, ayen Me rhe guọghọ otọ na fiotọ.

Iguẹdjọ 6:5 Referans Kwoze

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Iguẹdjọ 8:10

Ọke nana Zeba kugbe Zalmunna vẹ otu ofovwi rẹ ayen e he evun ri Karkọr, ayen kerẹ eshare uriori ihwiori, enana ejobi na ihwo re dia obaro ọnre rẹ otu ofovwi ro chekọ; fikiridie eshare uriori ujọri gbe uje ra vwẹ ọlọkọ hwe vwẹ ofovwi na

Jerimaya 49:32

Kamẹl rayen ka cha kua ayen reyọ, ekru rẹ uchuru rayen ke gborho ayen reyọ. Me hra ayen kẹ odju kodju ayen otu ri bru akakọ rẹ ẹton rayen na, ke me cha vwẹ okpetu so ayen nẹ asan kasan ejobi rhe eriyin Ọrovwohwo tare.

Jerimaya 49:29

Itughẹ rayen vẹ ekru rẹ igegede rayen na, emwa rẹ anurhoro vẹ ekuakua rayen ejobi kamel rayen ejobi e che mu ayen jẹn ayen vwo, ihwo ki che kperi kẹ ayen: Oshẹọdjẹ kọ dia vwẹ asan ejobi!

Jerimaya 46:23

Ayen cha guọghọ egbo rọye te otọ, eriyin Ọrovwohwo tare, owenẹ e se dje uyovwi phihọ dede-e, fikiridie ayen bu nọ ebaka, e se kere aye-en.

Aizaya 60:6

Urogho rẹ iyesi ko rhurhu we pitiki, upene re iyesi ri Midian kugbe Ephah, otu ri Sheba ejobi cha rhe. Ayen cha ghwẹ oro vẹ adjija rhe, ayen ke che ghwoghwo urinrin rẹ Ọrovwohwo.

Aizaya 13:20

A gbe sa vwọ reuku bẹdẹ-ẹ eyẹ e gbi yere vwẹ uvwiẹ na bẹdẹ-ẹ, ohwo rẹ Arebia ọvuọvo gbe sa bọn utughẹ phihọ-ọ ọsuigodẹ ọvuọvo sa vwẹ igodẹ rọye sherhe otọ vwẹ ẹtiyi-i.

Solomon 1:5

Mi biri gangan je me pha yoyovwi, E emetẹ ri Jerusalẹm, kerẹ utughẹ ri Kedar, kerẹ amwa rẹ anurhoro ri Solomọn.

1 Samuẹl 30:17

Devid de hwe ayen nẹ ọke phoro phoro rẹ ovwọnvwọn re te ovwọnvwọn rẹ ẹdẹ rivẹ; ọvuọvo rẹ ihwo na djẹ vabọ-ọ, jopka re imighele ujori ẹne ri pho ro emu ri karmel djẹ kpo.

Iguẹdjọ 8:21

Etiyin Zeba vi Zalmunna da tanẹ, Gbe vrẹn kẹ oma wẹn, rere wo she nyẹ avwanre; kidie kirobo rẹ ohwo ẹpha, ọtiọye ọgangan rọye je epha. Gidiọn de vrẹn o de hwe Zeba vi Zalmunna; ọ da reyọ ekuakua rẹ eheri rẹ ohọnre rẹ iyesi rayen.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Jerimaya 51:14

Ọrovwohwo rẹ otuofovwi vwẹ oma rọye ve nure; Omuẹro me cha ghwẹ we vọn vẹ ihwo, kirobo rẹ ebaka buẹ ye, ayen che do edo rẹ ephiokparobọ vwẹ enu wẹn.