Iguẹdjọ 6:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ayen Me gba yariẹ ayen phihọ ayen Me guọghọ emu rẹ otọ na, shesheri re te ubrotọ ri Gaza, ayen gbi je emu vwọ kẹ Izrẹli-i, igegede eyẹ irhuẹn kugbe ekẹtẹkẹtẹ ọvuọvo gbi chekọ-ọ

Iguẹdjọ 6:4 Referans Kwoze

Livitikọs 26:16

ke enẹ mi che ru ovwan ke Me vwẹ oshọ ri kpregede mu ovwan, te emiavwe rẹ udu, vẹ ekpae ro rhuẹ ẹro ri ruẹ ohwo muẹ dọn. Ovwan da kọn ekankọn kọ kọn kufia, kidie ivwighrẹn rẹ ovwan ke cha re ayen,

Urhi Rivẹ 28:51

ọ cha re emọ rẹ uchuru rẹ ovwan kugbe emamọ rẹ otọ rẹ ovwan, bẹsiẹ ra vwọ ghwọrọ ovwan nu; o ji che je eka, vi wain, kugbe evwri vwọ kẹ ovwa-an, ebuo rẹ uchuru rẹ ovwan eyẹ emọ rẹ igegede rẹ ovwan bẹsiẹ rẹ ayen vwọ nẹrhẹ owẹ ghwọrọ.

Maika 6:15

Wọ cha kọn, ẹkẹvuọvo wọ che vu-un, wo che chiyi oliv ẹkẹvuọvo wọ cha vwẹ evwri rọye ghworo oma-a; wo che chiyi grep, ẹkẹvuọvo wọ cha da udi rọye-e.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Isẹ 28:3

Ogbere rọ shenyẹ ogbere ọ họhọ okposio ro toro emu ghwọrọ-ọ.

Jẹnẹsis 13:10

Lọt da kpare opharo, ọ da mrẹ ushekpotọ ri Jọdan na rọ pha djidjiro wọnwọn kiri udju rẹ Ọrovwohwo, kiri otọ rẹ Ijipt vwẹ ọke re de kpo obi Zoar, kẹ enẹ ọ epha tavwe rẹ Ọrovwohwo ke rhe ghwọrọ Sodọm vi Gomora.

Jẹnẹsis 10:19

Otọ rẹ ihwo ri Kenan da hẹre nẹ Sodọm vwẹ ẹbẹre ri Gẹra, re te Gaza, vwẹ abọ ri Sidọn, Gomora, Adma kugbe Zẹboiim, rhiri re te Lasha.

Ọbe rẹ Ọmraro Ọbadaya Obadaya 1:5

Ọ da dianẹ iji bru we rhe, ọ da dianẹ i rhi ugborho uwe vwẹ ason– komavọ ayen a guọghọ owẹ te– ayen e gbi rhe cho obo re da ayen ẹro kẹ oma raye-en? Ọ da dianẹ ihwo re kọrọ otie bru we rhe, ayen rhe yan jẹ ibi efafa vwo?

Iguẹdjọ 6:3

Kidie ọke rẹ ihwo rẹ Izrẹl da kọn ekankọn phihọ otọ nu ihwo ri Midian kugbe ihwo rẹ Amalẹk vẹ ihwo re dia obaro rẹ ọnre na Me kpare ohọnre bru ayen rhe;

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.