Iguẹdjọ 6:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọ da ta kẹ nẹ, Biko, Ọrovwohwo, mavọ mi se vwọ sivwi Izrẹl? Nighe, orua mẹ re Me dia ọvwiẹrẹ vwi Manasse na, mẹvwẹ re je ka obuko vwẹ uvwiẹ mẹ.

Iguẹdjọ 6:15 Referans Kwoze

1 Samuẹl 9:21

Sọl da kpahe, Me dia ohwo ri Bẹnjamin, orua rọ ma hanvwe ejobi vwẹ Izrẹl na? ọ dia ekru me re je ma hanvwe vwẹ ekru ri Bẹnjamin na? Kidie sorọ wọ vwọ ta ota kẹ vwẹ vwẹ idjerhe ẹtiọna?

Ẹyano 3:11

Ẹkẹvuọvo Mosis da ta kẹ Ọghẹnẹ, “Mẹvwẹ ono ri mi vwo bru Fẹro ra, ra vwọ rọye emọ rẹ Izrẹl nẹ Ijipt rhe?”

Ẹyano 4:10

Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree.

Jerimaya 1:6

Ọye me da ta, E, Ọrovwohwo Ọghẹnẹ! Nighe me riẹn obo ra ta ota-a, kidie omotete mi ruẹ.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

1 Kọrẹnt 15:9

Kidie mẹvwẹ hẹ ọyinkọn rẹ ọkuko, ro fori re se ọyinkọ-ọn, kidie mi mu kpahe ishọshi rẹ Ọghẹnẹ.

Iyẹnrẹ Esiri ri Luk 1:34

Meri da ta kẹ amakashe na, Komavọ ọnana sa vwọ dia ọtiọye, ye me vẹ ọshare je mroma-a?

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Jerimaya 50:45

Ọtiọye na gbe nyo iroro rẹ Ọrovwohwo jẹn kpahe Babilọn, vẹ obo ro ruru kpahe otọ rẹ ihwo ri Kaldia na: Omuẹro e che kpono igegede itete rayen yanran, Omuẹro obo re phia kẹ ayen che gbe ogba rẹ igegede rayen unu.

1 Samuẹl 18:23

Idibo ri Sọl ke ta ota nana kẹ Devid. Devid da ta, Wo rori nẹ emu otete ra vwọ dia ọgọ rẹ oviẹ, yu wọ riẹnre nẹ mẹvwẹ ovwiogbere re vugheri-i?

Jẹnẹsis 32:10

mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ.

Iguẹdjọ 6:11

Etiyin amakashe rẹ Ọrovwohwo ọvo da rhe o de tidia obotọ rẹ ọhahe vwi Ọfra, ri Joash ọmọ rẹ Abiẹza, vi Gidiọn rẹ ọmọ rọye re wonro eka vwẹ asan re de miẹ udi, rere o ovwo si ayen nu fiki rẹ ihwo ri Midian.