Iguẹdjọ 6:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Gidiọn da ta kẹ nẹ, Biko ọrovwovwe, ọ da dianẹ Ọrovwohwo vẹ avwanre herọ kidie nẹrhẹ emu nana ejobi vwo she kpahe avwanre? Tivọ iruo rẹ igbunu ejobi rẹ esẹ rẹ avwanre keri kẹ avwanre na epha, tanẹ, ọ dianẹ Ọrovwohwo na re reyọ avwanre nẹ Ijipt rhe? Ẹkẹvuọvo Asakiephana Ọrovwohwo djẹ avwanre kufia, o de phi avwanre phihọ obọ ri Midian.

Iguẹdjọ 6:13 Referans Kwoze

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Une rẹ Ejiro 44:1

Avwanre vwẹ erhọn rẹ avwanre nyo E Ọghẹnẹ, esẹ rẹ avwanre ta kẹ avwanre, iruo ru wo ruru vwẹ ọke rayen, vwẹ ọke re awanre.

Aizaya 63:15

Ki ni otọ nẹ obo odjuvwu rhe re wọ mrẹ, nẹ ẹdia ọfuanfon rẹ urinrin wẹn. Tivọ oruru wẹn vẹ ẹgba wẹn epha? Ẹrọerhe re udu wẹn kugbe ehrọre wẹn e si ayen nu kẹ vwẹ.

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Une rẹ Ejiro 89:49

Ọrovwohwo, tivọ ẹguọnọ wẹn ro jẹ rhẹriẹ nẹ awanre rhe na epha, ru wọ vwẹ esegbuyota wẹn vwo duvwu iyori ki Devid?

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.

Jẹnẹsis 25:22

Emọ na ki phre vwẹ evun na, o da ta, Ọ da dia enẹ, kidie Me guọnọ vwẹ akpọ? Etiyin o de re duotọ rọye vwẹ obọ rẹ Ọrovwohwo.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Jerimaya 23:33

Ọke rẹ ọvo vwẹ usun rẹ ihwo nana, eyẹ ọmraro ọvo, eyẹ orherẹn ọvo da nọ wẹ nẹ, Die tobọ hẹ oghwa rẹ Ọrovwohwo vwo? ku wo nyo kẹ ayen nẹ, ovwan oghwa na mi phi ovwan kufia, eriyin Ọrovwohwo tare.

Une rẹ Ejiro 27:9

Wo si opharo wẹn nẹ kẹ vwẹ-ẹ. Wọ vwẹ ophu djẹ odibo wẹn yanra-an, we rẹ ọchuko mẹ rhabae. Wọ djẹ vwẹ kufia-a, wo sen vwẹ-ẹ, E Ọghẹnẹ re esivwo mẹ na.

Urhi Rivẹ 29:24

uyota, ẹgborho na ejobi ke cha tanẹ, Die nẹrhẹ Ọrovwohwo ru otọ nana ọtiọna? Die ghwa ogidi rẹ ophu rode nana rhe?

Iguẹdjọ 6:1

Ihwo rẹ Izrẹl de ru obo re chọre vwẹ obaro rẹ Ọrovwohwo na; Ọrovwohwo de phi ayen phihọ obọ ri Midian ikpe ighwrẹn.

Iguẹdjọ 6:12

Amakashe rẹ Ọrovwohwo na da vwẹ oma phia kẹ ọ da ta kẹ nẹ, Ọrovwohwo na vẹ owẹ herọ, wọwẹ ọgba na ọshare vẹ udu

Une rẹ Ejiro 44:9

Dede na wẹ re dje avwanre kufia wọ da vwẹ avwanre gbotọ, wọ rha yan nene unuofovwi rẹ avwanre-e.

Une rẹ Ejiro 44:2

Wọ da vwe obọ wẹn ọvo djẹ ẹgborho na kufia, ẹkẹvuọvo ayen kọye wọ kọn phihọ, wọ da vwẹ osọnọ vwọ re ihwo na, ẹkẹvuọvo ayen kọye wo siobọ nu,

Aizaya 63:11

Etiyin ọ da karophihọ ọke re awanre, ọke ri Mosis odibo rọye. Tivọ ọ re mu nẹ ame rhe na epha osuigodẹ re ihwo rọye na? Tivọ ọ re phihọ uherevie rayen na epha Erhi ọfuanfon rọye na,