Iguẹdjọ 6:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Etiyin amakashe rẹ Ọrovwohwo ọvo da rhe o de tidia obotọ rẹ ọhahe vwi Ọfra, ri Joash ọmọ rẹ Abiẹza, vi Gidiọn rẹ ọmọ rọye re wonro eka vwẹ asan re de miẹ udi, rere o ovwo si ayen nu fiki rẹ ihwo ri Midian.

Iguẹdjọ 6:11 Referans Kwoze

Joshua 17:2

A da ghare ẹkẹnkẹn vwọ kẹ orua ri Manasse ro chekọ, vwẹ oruorua rayen, Abieza, Helẹk, Asriel, Shekẹm, Hefa, kugbe Shemida, enana kẹ emeshare vwẹ uvwiẹ ri Manasse ọmọ ri Josef, vwẹ oruorua rayen.

Hibru 11:32

Kidie ọfa me ta? Kidie a sa mrẹ ọke vwo gbe ikun ri Gidiọn, Berak, Samsin, Jẹfta, ọ ri Devid kugbe Samuẹl kugbe emraro na–

Iguẹdjọ 13:3

Amakashe rẹ Ọrovwohwo da vwẹ oma phia kẹ aye na ọ da ta kẹ nẹ, Nighe, ẹgan wo ruẹ wo vwo ọmọ-ọ; ẹkẹvuọvo wọ cha mrevun wo che vwiẹ ọmọshare.

Iguẹdjọ 8:2

Ọ da ta kẹ ayen nẹ, Didi emu mi ruru re vwo dje ovwan? Emamọ rẹ orhọ ri otie rẹ Ifrem rhe yovwi nọ ọ rẹ Abiẹza?

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Jẹnẹsis 48:16

amakashe rọ tan vwẹ nẹ idẹbono ejobi, bruphihọ kẹ emọ nana; jẹn odẹ mẹ wan oma rayen va phia, kugbe odẹ rẹ esẹ mẹ Ebraham vẹ Aizik; jẹn ayen bu phihọ ẹgborho vwẹ enu rẹ akpọ na.

Jẹnẹsis 16:7

Amakashe rẹ Ọrovwohwo da mrẹ vwẹ asan ogbugbu rẹ ame vwẹ evun rẹ aghwa, ogbugbu rọ orhoma rẹ idjerhe re de kpo Shur na.

Iguẹdjọ 5:23

Harhọn Merọz, Ọtiọye amakashe rẹ Ọrovwohwo tare, harhọn ihwo rọye ejobi gangan, fikiridie ayen rhe chọ Ọrovwohwo na uko-o, ayen rhe chọ Ọrovwohwo na uko vwọ họnre egba na-a.

Joshua 18:23

Avvim, Para, Ofra,

Ukeri 26:30

Enana keye emọ ri Giliad: ọ rẹ Ieza, rẹ orua rẹ ihwo rẹ Ieza; ọri Hẹlẹk, rẹ orua rẹ ihwo ri Hẹlẹk;

Iguẹdjọ 6:12

Amakashe rẹ Ọrovwohwo na da vwẹ oma phia kẹ ọ da ta kẹ nẹ, Ọrovwohwo na vẹ owẹ herọ, wọwẹ ọgba na ọshare vẹ udu

Iguẹdjọ 13:6

Etiyin aye na da rhe ta kẹ ọshare rọye nẹ, Ohwo rẹ Ọghẹnẹ ọvo bru vwe rhe, oma rọye da họhọ oma rẹ amakashe rẹ Ọghẹnẹ, o mu oshọ gangan; me nọrọn asan rọ nurhe-e, o ji se odẹ rọye kẹ vwẹ-ẹ;

Iguẹdjọ 9:5

O de kpo uwevwi rẹ ọsẹ rọye vwẹ obi Ọfra, o de re hwe emesẹ rọye emọ ri Jerubbaal, eshare ujorha gbe ihwe, phihọ enu rẹ oragha ọvo; ẹkẹvuọvo Jotam rẹ ubrevwiẹ ri Jerubbaal kọye ọvo ri chekọ kidie o si oma nu jovwo

1 Ivie 19:19

Ọtiọye o de vrẹn nẹ etiyin, ọ da mrẹ Ilaesha rẹ ọmọ ri Shafat, rọ vwẹ ekru rẹ irhuẹn ihwivẹ voro ivoro, ọ vẹ ekru rẹ ọ rihwivẹ na ri gbe mudia kẹrẹ oma. Ilaija da wanvrẹn o de phi okpan rọye na yan.