Iguẹdjọ 6:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Me da ta kẹ ovwan, nẹ, Mẹvwẹ Ọrovwohwo Ọghẹnẹ rẹ ovwan, ovwan gbe vwẹ ọghọ kẹ edjọ rẹ ihwo rẹ Amọr na-a, ri otọ rẹ ovwan dia na. Ẹkẹvuọvo ovwan nyo urhuru mẹ-ẹ.

Iguẹdjọ 6:10 Referans Kwoze

Jerimaya 10:2

Enẹ Ọrovwohwo na tare: Wo yono uruemu rẹ ẹgborho na-a, wọ je djẹ oshọ rẹ eka rẹ obenu na-a, kidie ẹgborho na e je djẹ oshọ rayen,

Jerimaya 9:13

Ọrovwohwo tare nẹ: Fiki rẹ obo rẹ ayen vwọ siẹn urhi mẹ ri mi phihọ obaro rẹ ayen na, re ayen rhe nyo urhuru mẹ-ẹ na, vwọ yan nene-e na,

Jerimaya 43:7

Ayen da rhe otọ rẹ Ijipt, kidie ayen nyo urhuru rẹ Ọrovwohwo-o. Ayen de rhi te Tapanhes.

Jerimaya 43:4

Eriyin na Johanan ọmọ ri Karia vẹ isun rẹ ofovwi na ejobi kugbe ihwo na ejobi rhe nyo urhuru rẹ Ọrovwohwo-o, vwọ dia otọ ri Juda na-a.

Jerimaya 42:21

Mi ghwoghwiro kẹ ovwan nonẹ na, ẹkẹvuọvo emu ọvuọvo rẹ Ọrovwohwo Ọghẹnẹ rẹ ovwan na ju vwe nẹ me ta kẹ ovwan o ri we nyori herọ-ọ.

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Iguẹdjọ 2:2

nẹ ovwan vẹ ihwo rẹ otọ nana re ọphọ-ọ, ovwan ke cha guọghọ egbada rayen. Ẹkẹvuọvo ovwan mu ọghọ kẹ urhi mẹ-ẹ. Ọnana ki didi emu ovwan ruru na?

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

Ọbe ri Pọl si rhe Ihwo ri Rom 10:16

Ẹkẹvuọvo ọ dia ayen ejobi re kerhọn rẹ iyẹnrẹ esiri na-a; kidie Aizaya tare, Ọrovwohwo, ono se iyẹnrẹ esiri rẹ avwanre ghwoghwori na gbuyota?

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Isẹ 5:13

Me kerhọn rẹ urhuru rẹ ihwo ri yono uvwe-e, eyẹ me sa davwerhọn rẹ eyono mẹ-ẹ.

Ivie rẹ Ivẹ 17:33

Kẹ ayen djẹ oshọ rẹ Ọrovwohwo ẹkẹvuọvo yẹn ayen je gọ edjọ robọ rayen kirobo rẹ a gọ ayen vwẹ ẹgborho ra kua ayen nurhe.

Joshua 24:15

O da dianẹ ovwan gbe sa rhọvwe ga Ọrovwohwo na-a, gba jẹ nonẹ na ohwo rẹ ovwan ga, kẹ edjọ rẹ esẹ rẹ ovwan gọre vwẹ ubrakpọ rọ obo ovrẹn rẹ Urhie na, eyẹ edjọ rẹ ihwo rẹ Amọr rẹ ovwan dia otọ rẹ ayen na; ẹkẹvuọvo vwọ kẹ vwẹ vẹ uwevwi mẹ, Ọrovwohwo ọvo ọye avwanre ga.

Iguẹdjọ 6:9

mi de sivwi ovwan ne obọ re ihwo re Ijipt nẹ obọ rẹ ihwo ri shenyẹ ovwan, Me da djẹ ayen nẹ obaro rẹ ovwan; Me da vwẹ otọ rayen kẹ ovwan,

Ivie rẹ Ivẹ 17:7

Ọnana o ruru, fikiridie ihwo rẹ Izrẹl ru umwemwu kpahe Ọrovwohwo Ọghẹnẹ rayen, rọ reyọ ayen nẹ otọ rẹ Ijipt rhe, nẹ abọ ri Fero, ovie rẹ Ijipt na kẹ ayen djẹ oshọ rẹ edjọ efa;

Ẹyano 34:12

Gba kẹnoma wẹn, we de rhe nene ihwo rẹ otọ re wa ra na re ọphọ, ọ da rha dia ufi vwẹ ohri rẹ ovwan.

Ẹyano 34:14

(kidie wa ga Ọghẹnẹ ọfa-a, fiki rẹ Ọrovwohwo rẹ odẹ rọye hẹ Omẹriọ na, ọye Ọghẹnẹ rọ rioma).

Ivie rẹ Ivẹ 17:13

Dede na yẹn Ọrovwohwo ji ọmraro kọmraro kugbe ọmrẹ kọmrẹ ra nẹ Izrẹl vi Juda iroro, nẹ, Kurhẹriẹ nẹ idjerhe umwemwu rẹ ovwan na rere ovwan sẹro rẹ irhi mẹ kugbe iji mẹ, ovwan yọnrọn ayen kirobo ri mi ji urhi vwọ kẹ esẹ rẹ ovwan, kirobo ri mi ji idibo mẹ emraro na rhi yono ovwan.

Nehemaya 9:29

Wọ da ta kẹ ayen nẹ ayen rhoma yọnrọn urhi na. Dede na ayen mu oma kpenu ayen mu ọghọ kẹ irhi wẹ-ẹn, ẹkẹvuọvo ayen de ru umwemwu kpahe iji wẹn, re ohwo da yọnrọn ọ me rhọ, ayen de si igabọ te ohọre vẹ udu kpohro e gbe rha davwerhọ-ọn,

Jerimaya 17:23

Dede na ayen kerhọ-ọn ayen je vwẹ erhọn rẹ ayen kpo otọ-ọ, ẹkẹvuọvo ayen de ru udu rayen gan rere ayen vwo mrasan je nyo rere ayen vwo reyọ uyono.