Iguẹdjọ 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Igbenu ride na ki kpogho vwẹ obaro rẹ Ọrovwohwo, vwẹ abọ oboyi ri Sinae vwẹ obaro rẹ Ọrovwohwo na, Ọghẹnẹ rẹ Izrẹl na

Iguẹdjọ 5:5 Referans Kwoze

Ẹyano 19:18

Ivwirhi de rhi rhurhu Ugbenu ri Sinae, fikiridie Ọrovwohwo wotọ rhe enu rọye vwẹ erhanre; ivwirhi rọye de bru kpenu kerẹ ivwirhi rẹ etu; ugbenu na ejobi de kpogho gangan.

Une rẹ Ejiro 97:5

Igbenu ke wran kere orhọrhe vwẹ obaro rẹ Ọrovwohwo, vwe obaro rẹ Ọrovwohwo re akpọ na ejobi.

Nahum 1:5

Igbenu na ki kpogho vwẹ obaro rọye, igbenu rẹ itete de mu wran; otọ na ejobi kẹ ofefe vwẹ obaro rọye, akpọ na kugbe obo re dia evun rọye ejobi.

Hibru 12:18

Kidie ovwan je rhe yan te obo re je obọ e vwo te-e, ẹkuerhanre ro la grigrigri, kugbe ebri, okuku hwi, kugbe ọgbogho,

Habakọk 3:10

Igbenu na mrẹ wẹ, ki muẹ oma chahe, ame rọ họnra na ra djẹ phihọ obaro, asan ikokodo na de kperi urhuru phia, ọ kpare obọ rọye kpenu.

Une rẹ Ejiro 68:8

otọ na ko kpogho, odjuvwu da rhọ osio phihọ otọ, vwe obaro rẹ Ọghẹnẹ; abọ oboyi ri Sinae de kpogho vwẹ obaro rẹ Ọghẹnẹ, Ọghẹnẹ rẹ Izrẹl na.

Une rẹ Ejiro 114:4

Igbenu na de mu pho kerẹ egho, igbenu rẹ itete na kerẹ imigodẹ

Ẹyano 20:18

Ọke rẹ ihwo na ejobi vwọ mrẹ agbrara na vẹ enu enyavwọ vẹ edo rẹ owanre na vẹ ugbenu na ro bru ivwirhi, oshọ de mu ihwo na ayen ke phariẹ, ayen de mudia vwẹ ogboko,

Une rẹ Ejiro 104:32

ro nẹ otọ na o mi kpogho, rọ vwẹ obọ te igbenu na ke ayen bru ivwirhi!

Une rẹ Ejiro 68:9

Osio da rhọ buebu, E Ọghẹnẹ, wọwẹ re rhọrọ ro asan ejobi; wọwẹ ri rhivwi vwẹ ukuẹriọ wẹn ra rhaphiẹ na rhe;

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.