Iguẹdjọ 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọrovwohwo, ọke wọ vwọ yan phia nẹ Seir, ọke wo vwo mu oyan nẹ ubrakpọ rẹ Edọm, otọ na de kpogho, odjuvwu na ejobi de sunrhe, uyota, ame de sun nẹ idedeghe rhe,

Iguẹdjọ 5:4 Referans Kwoze

Urhi Rivẹ 33:2

Ọ da ta, Ọrovwohwo nẹ Sinae rhe, ọ da bẹre mu avwanre vwi Sia; o lo nẹ ugbenu ri Peran rhe, o nẹ obọ rẹ ihwo efuanfon uriori ihwe rhe, vẹ erhanre rọ la vwẹ obọrhe rọye.

2 Samuẹl 22:8

Etiyin otọ na de phieghe o de kpogho: uchivwo rẹ irharheghe na da phariẹ, o de kpogho fikiridie ophu muo,

Une rẹ Ejiro 77:17

irharheghe na de ku ame phihọ otọ, agbrara da va nẹ obenu rhe, edada wẹn da nyavwaro vwi kabọ kabọ.

ỌBE RẸ JOB 9:6

ọ ro kpogho otọ na nẹ uchivwo rọye, re uchivwo rọye de kpọghọ;

Hibru 12:26

Vwẹ ọke yena urhuru rọye ko kpogho akpọ na; ẹkẹvuọvo asakiephana o vẹri nure, Kẹ ẹsiẹvo ri chekọ o diane kẹ akpọ na ọvo mi che kpogho-o ẹkẹvuọvo ji te odjivwu rhe.

Une rẹ Ejiro 68:9

Osio da rhọ buebu, E Ọghẹnẹ, wọwẹ re rhọrọ ro asan ejobi; wọwẹ ri rhivwi vwẹ ukuẹriọ wẹn ra rhaphiẹ na rhe;

Une rẹ Ejiro 77:18

Ovan rẹ aghrara wẹn na da hẹ evun rẹ ogiribo; enu ẹnyavwọ na da vwẹ orẹmrẹ kẹ akpọ ejobi, akpọ na phariẹre o de kpogho.

Jẹnẹsis 32:4

ọ da vuẹ ayen nẹ, Enẹ wa ta kẹ ọrovwovwe Isọ: Enẹ odibo wẹn Jekọp tare, Mi suosuo bru Laban, Me vẹ ọye da dia rhi te ọke na,

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.