Iguẹdjọ 5:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Edo re eha ọ vwevwerhe vwẹ asan rẹ ame epha, Etiyin ayen da vwanriẹn ikun rẹ ephiokparobọ rẹ Ọrovwohwo na, ephiokparobọ rẹ eghwẹrẹ rẹ Izrẹl. Etiyin ihwo rẹ Ọrovwohwo na de ne udje kpo ughere na.

Iguẹdjọ 5:11 Referans Kwoze

Maika 6:5

E ihwo mẹ, karohọ iroro ri Balak ovie ri Moab jẹre, kugbe obo ri Balam ọmọ ri Biọ kpahe kẹ, kugbe obo re phiare nẹ Shitim re te Gilgal, rere wọ vwọ riẹn ona rẹ esivwo rẹ Ọrovwohwo na.

1 Samuẹl 12:7

Asakiephana we gbe mudia fọ gbiẹi, rere me vẹ ovwan roro ota na vwẹ obaro rẹ Ọrovwohwo kpahe emu esiri ejobi rẹ Ọrovwohwo ru kẹ ovwan vẹ esẹ rẹ ovwan.

Iguẹdjọ 5:8

Ọke rẹ ayen vwọ jẹn edjọ ekpokpọ reyọ, Etiyin ofovwi de rhi te inurhoro ka mrẹ ekpọfia eyẹ ishuẹ vwẹ ohri rẹ ihwo uriori ujuvẹ vwẹ evun rẹ Izrẹl na?

Uvwerhe 5:9

Vwẹ evun rẹ ughwu etiyin emuọre rẹ avwanre nẹ cha fiki rẹ ọlọkọ rọ hẹ evun rẹ aghwa.

Uvwerhe 5:4

Avwanre hwa osa rẹ ame rẹ avwanre dare avwanre je dẹ irhe.

Jerimaya 7:2

Mudia vwe anurhoro rẹ uwevwi rẹ Ọrovwohwo, wo ghwoghwo ota nana, hlyo ota rẹ Ọrovwohwo na, ovwan ihwo ri Juda ejobi re ro inurhoro nana cha ga Ọrovwohwo na.

Aizaya 28:6

kugbe erhi rẹ ọsoso kẹ ohwo ro tidia brorhiẹ, kugbe ogangan kẹ otu re rhan ofovwi rhivwi vwẹ ughere.

Aizaya 12:3

Aghọghọ wo vwo vo ame nẹ erhanre rẹ esivwo na rhe.

ỌBE RẸ JOB 29:7

Ọke mi vwo kpo ughere rẹ orere na, ri mi de mu ayan phihọ ọsuere,

Urhi Rivẹ 22:24

wọ Me reyọ ayen rhe ughere rẹ orere na, wọ Me vwẹ elalọ phi ayen hwe, phi ọmọtẹ na hwe fikiridie evun rẹ orere ọ epha yẹ o kperi nẹ a rhe chọ ọye uko-o, phi ọshare na hwe kidie ọ gba aye rẹ ọrivẹ rọye du; eriyin ovwan vwọ hworhẹ umwemwu nẹ uherevie rẹ ovwan.

Une rẹ Ejiro 145:7

Ayen che gbe ikun buebu re usi rẹ erhuvwu wẹn, ke van so ine re ọvwata wẹn.

Jẹnẹsis 24:11

Ọ da vwẹ iyesi na shevwerhẹ otọ vwẹ ughere rẹ orere na vwẹ orhoma rẹ orhare vwẹ ọke rẹ ovwọnvwọn, rẹ eya vwo kpo ame evo.

Jẹnẹsis 29:2

Rọ vwọ kpare opharo, ọ da mrẹ orhare vwẹ evun rẹ ẹghwa, o vwo ni, ekru rẹ igodẹ erha rhuẹn kẹrẹ; kidie ame rẹ orhare na ọye igodẹ na da. Oragha rọ unu rọye na pha rhuarho,

Jẹnẹsis 29:3

ọke rẹ ekru rẹ uchuru na rhi vwo si koko, isuigodẹ na ki ghorie oragha na nẹ unu rẹ orhare na, igodẹ na ke da ame, ayen, Me rha vwẹ oragha na rhurhu unu rẹ orhare na.

Urhi Rivẹ 33:21

Ọ sanọ emuesiri rẹ otọ na kẹ oma rọye kidie Etiyin a da sẹro rẹ ẹkẹn rẹ onotu; o de bru igbuyovwi rẹ ihwo na rhe ọ vẹ Izrẹl gba vwẹ irhi na ru iruo kugbe irhi rẹ ọsoso rẹ Ọrovwohwo na.

Iguẹdjọ 11:40

ukpe kukpe kọye emetẹ rẹ Izrẹl ejobi vwo kpo enu rẹ igbenu na da ra viẹ ẹdẹ ẹne kẹ ọmọtẹ ri Jẹfta ohwo ri Giliad na.

Une rẹ Ejiro 71:15

Unu mẹ se gbe ikun rẹ uruemu rẹ ọvwata wẹn, uruemu rẹ esivwo wẹn vwẹ ẹdẹ na ejobi, kidie me sa riẹn unu rayen keri-i.