Iguẹdjọ 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ẹdẹ yena Dẹbora vi Barak ọmọ rẹ Abinoam da so ine:

Iguẹdjọ 5:1 Referans Kwoze

Ẹyano 15:1

Etiyin Mosis vẹ ihwo rẹ Izrẹl da so une nana kẹ Ọrovwohwo, ayen da ta, Me so une kẹ Ọrovwohwo, kidie o phi kparobọ vẹ urinrin, tẹ iyesi vẹ ohwo rọ gua ọ kpare ayen phihọ abadi na.

Une rẹ Ejiro 18:1

Me guọnọ owẹ, E Ọrovwohwo, ogangan mẹ.

Iyẹnrẹ Esiri ri Luk 1:46

Meri da ta, Erhi mẹ jiri Ọrovwohwo,

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 25:1

E Ọrovwohwo, wẹ ọye Ọghẹnẹ mẹ, Me kpare owẹ kpenu, mi Jiri ode wẹn; kidie wo ru emu rẹ igbunu, iroro wọ jẹre awanre rhe, uyota gbagba.

ỌBE RẸ JOB 38:7

Ọke rẹ isio rẹ irhiọke vwọ sua ine kuẹgbe, rẹ emọ rẹ Ọghẹnẹ de kperẹ vẹ aghoghọ?

2 Ikun rẹ Ivie 20:27

Etiyin ayen de rhivwi, kohwo kohwo ri Juda vi Jerusalẹm, Jehoshafat da ka obaro kẹ ayen, ri vwo rhivwi kpo Jerusalẹm vẹ aghọghọ, kidie Ọrovwohwo nẹrhẹ ayen ghọghọ vwẹ enu rẹ ivwighrẹ rayen.

2 Ikun rẹ Ivie 20:21

Rẹ ọ ve ihwo na vwọ jẹ iroro nu, ọ da vwẹ ihwo re cha so ine kẹ Ọrovwohwo mu ri ku iwun efuanfon phihọ vwo jiro, jẹ ayen ka obaro kẹ unuofovwi re sua, ayen me ta, vwẹ ẹkpẹvwẹ kẹ Ọrovwohwo na, kidie ẹguọnọ ro jẹrhẹriẹ rọye na dia bẹdẹ.

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.

Ukeri 21:17

Etiyin Izrẹl da so une nana: Djẹ phia E orhare, so une kẹ!

Ẹyano 15:21

Miriam da so une ke ayen: So une kẹ Ọrovwohwo, fikiridie o phi kparobọ vẹ urinrin; tẹ iyesi tẹ ohwo ro gua ọ kpare ayen phihọ abadi na.

Iguẹdjọ 4:24

Ihwo rẹ Izrẹl de phi Jabin ovie ri Kenan na kparobọ, ayen da guọghọ Jabin rẹ ovie ri Kenan na.

ỌBE RẸ JOB 36:24

Karohọ re wo jiri iruo rọye, ọ rẹ ihwo so une rọye na.

Une rẹ Ejiro 32:7

Wẹ asan odjahọ mẹ, Wẹ ri sivwi vwe nẹ ukpokpogho, wẹ re reyọ esivwo vwo rhuo vwe yariẹ.

Iguẹdjọ 4:4

Ọke nana Dẹbora, re ọmraro rẹ aye, aye ri Lapidọt, ko guẹdjọ rẹ Izrẹl vwẹ ọke yena.

2 Samuẹl 22:1

Devid da ta kẹ Ọrovwohwo eta rẹ une nana vwẹ ẹdẹ rẹ Ọrovwohwo vwo si ayen nẹ obọ rẹ ivwighrẹ rọye ejobi kugbe obọ ri Sọl.