Iguẹdjọ 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ki mi si Sisira rọ uphẹphẹ, ọgba rẹ ofovwi ri Jabin, kọ cha vwa wẹ vwẹ oma rẹ urhie ri Kishọn vẹ idjighere rẹ ofovwi rọye kugbe otu rẹ ofovwi rọye; ki Mi phio phihọ obọ wẹn.

Iguẹdjọ 4:7 Referans Kwoze

1 Ivie 18:40

Ilaija da ta kẹ ayen, We shabọ phihọ emraro ri Baal na; we jẹn ọvuọvo rẹ ayen djẹ vabọ-ọ. Ayen de shabọ phihọ ayen; Ilaija de sun ayen kpo uto ri Kishọn, o de hwe ayen vwẹ etiyin.

Iguẹdjọ 5:21

Ọkẹre ri Kishọn de hwerhe ayen yanran, ọkẹre rẹ urhie rọ djẹ gbugbu, ọkẹre ri Kishọn na. Erhi mẹ, ne udje yanran, vẹ ogangan!

1 Samuẹl 24:18

Wọ ta kẹ vwẹ nonẹ obo wọ vẹ ovwẹ yenri te, ru wo vwo ju vwe ehwe yẹ Ọrovwohwo phi vwe phihọ ovwẹ obọ.

1 Samuẹl 24:10

Nighe, nonẹ na ẹro wẹn mrẹre obo rẹ Ọrovwohwo phi we phihọ obọ mẹ vwẹ evun rẹ emwa na; evo da ta kẹ vwẹ nẹ mi hwe we, ẹkẹvuọvo me vwẹ obọ te we-e. Me da ta, Me sa vwẹ obọ te ọrovwovwe-e, kidie Ọrovwohwo vwẹ evwri ghworo nure.

Iguẹdjọ 4:14

Dẹbora da ta kẹ Barak, Vrẹn kidie nonẹ ẹdẹ re Ọrovwohwo na vwo phi Sisira phihọ obọ wẹn. Ọ dianẹ Ọrovwohwo na re ka obaro kẹ wẹ Ọtiọye na Barak da yanran nẹ Ugbenu rode ri Tabọr na vẹ eshare uriori ihwe re yan nene.

Joshua 10:8

Ọrovwohwo da ta kẹ Joshua, Wọ djẹ oshọ rẹ aye-en, kidie mi phi ayen phihọ obọ wẹn nure, o vwo ohwo ọvo vwẹ usun rayen ro che se hirhe aro ku we-e

Joshua 8:7

etiyin ku we vrẹn nẹ asan wa hwa phihọ na rhe, ku wa ro orere na, kidie Ọrovwohwo Ọghẹnẹ wẹn che phio phihọ obọ wẹn.

Ẹyano 21:13

Ẹkẹvuọvo ọ da dianẹ ọ hwa phihọ hẹrhẹ-ẹ, ẹkẹvuọvo Ọghẹnẹ ruro ro de she phihọ obọ, ki mi che dje asan rọ cha djẹ ra kẹ wẹ.

Ẹyano 14:4

Ki mi ru udu ri Fero gan, kọ cha vwọ tua ayen ki mi che vwo urinrin vwẹ enu ri Fero vẹ urogho rọye; ihwo rẹ Ijipt na ke cha riẹn nẹ Mẹvwẹ Ọrovwohwo na. Ayen de ru ọtiọye.

Joshua 11:20

Kidie ọnana irueru rẹ Ọrovwohwo rere o ru udu rayen gan re ayen kpare ofovwi bru ihwo rẹ Izrẹl, rere a vwọ mrẹ asan vwọ ghwọrọ ayen kakare, aro rẹ ayen gbe dọ ohwo-o ẹkẹvuọvo ke hwerhe ayen nẹ otọ na kakare, kirobo rẹ Ọrovwohwo ji urhi kẹ Mosis.

Joshua 11:6

Ọrovwohwo da ta kẹ Joshua nẹ, Wọ djẹ oshọ rẹ aye-en, kidie odẹ rọ cha na vwẹ utiẹ ọkẹ ọtiọnana mi che phi ayen ejobi kua kẹ Izrẹl; ku we churu iyesi rayen kugbe wa me torhẹ idjighere rayen.

Iguẹdjọ 4:8

Barak da ta kẹ nẹ, Wo de nene uvwe ra, ke Me ra; ẹkẹvuọvo wo rhe nene uvwe ra-a, Me rha ra-a.

Ẹyano 14:8

Ọrovwohwo de ru udu ri Fero ovie rẹ Ijipt gan ọ da vwọ tua ihwo rẹ Izrẹl na rẹ ayen vwọ yanran vẹ udu gbae.

Ẹyano 14:17

Ki mi che ru udu rẹ ihwo rẹ Ijipt na gan, rere ayen ruọ nene ayen ki mi vwo urinrin vwẹ enu ri Fero vẹ urogho rọye, vwẹ enu rẹ akpẹrẹ rọye, vẹ ihwo re gua iyesi rọye.