Iguẹdjọ 4:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ko tidia otọ rẹ oriẹ ri Dẹbora vwẹ uvwre ri Rama vi Bẹtẹl rẹ orho rẹ ugbenu rẹ Ifrem; ihwo rẹ Izrẹl de bro rhe ẹdjeguo.

Iguẹdjọ 4:5 Referans Kwoze

Jerimaya 31:15

Enẹ Ọrovwohwo tare: E nyo urhuru vwi Rama, unuebo vẹ oviẹ ọgangan, Rechẹl herọ viẹ kẹ emọ rọye; ọ siẹn uchebrọ fiki rẹ emọ rọye na, fikiridie ayen gbe herọ-ọ.

1 Samuẹl 1:1

Ọshare ọvo herọ vwi Ramataim-zophim vwẹ obo orho rẹ ugbenu rẹ Ifrem, re se odẹ rọye Elkanah, ọmọ rẹ Elihu, rẹ ọmọ ri Tohu, rẹ ọmọ ri Zuf, ohwo rẹ Ifrem.

Joshua 18:25

Gibeọn, Ramah, Beerot,

Joshua 18:22

Betarabah, Zemaraim, Bẹtẹl,

Joshua 16:2

nẹ Bẹtẹl re te Luz, ọ da rha wan etiyin vrẹn re te Atarọt, vwẹ ubrakpọ rẹ Akit,

Ẹyano 18:26

Ayen de guẹdjọ rẹ ihwo na vwẹ ọke ejobi, ẹdjọ rẹ ganre kọye ayen vwo rhe Mosis, ẹkẹvuọvo omota otete ayen mi rhe brorhiẹn rọye.

Ẹyano 18:19

Kerhọ mẹ; me cha jẹ iroro kẹ wẹ, rere Ọghẹnẹ nene uwe dia! wẹ kọye che mudia obaro rẹ Ọghẹnẹ kẹ ihwo na, wọ me ghwẹ eta rẹ ayen rhe Ọghẹnẹ;

Ẹyano 18:13

Vwẹ irhiọke rivẹ Mosis de tidia ro guẹdjọ rẹ ihwo na, ihwo na de mudia yariẹ Mosis nẹ irhiọke re te ovwọnvwọn.

Jẹnẹsis 35:8

Deborah, rẹ ọyọrọmọ ri Rebeka, de ghwu, e de sho vwọ otọ rẹ ọhahe rọ otọ ri Bẹtẹl; kọye o de se odẹ rẹ asan na Allan-bakuth.

1 Samuẹl 25:1

Asakiephana Samuẹl de rhi ghwu; Izrẹl ejobi da ghwẹ koko rhe viẹ, ayen de sho phihọ uwevwi rọye vwi Ramah. Etiyin Devid vrẹnri ọ da yanran kpo aghwa ri Paran.

1 Samuẹl 1:19

Ayen vrẹnri vwẹ irhiọke ayen da ra ga Ọrovwohwo; ayen de rhivwi kpo uwevwi rayen vwi Ramah. Elkanah vẹ aye rọye da mroma, Ọrovwohwo da karophihọ;

Ẹyano 18:16

ayen de rhe vwo ẹghwọ, ayen mi bru vwe rhe ki mi guẹdjọ rẹ ohwo vẹ ọrivẹ rọye, mi mi rhe dje iji rẹ Ọghẹnẹ vẹ erhiẹn rọye kẹ ayen.

Iguẹdjọ 4:4

Ọke nana Dẹbora, re ọmraro rẹ aye, aye ri Lapidọt, ko guẹdjọ rẹ Izrẹl vwẹ ọke yena.

1 Samuẹl 22:6

Asakiephana Sọl de rhe nyo nẹ a mrẹ Devid, kugbe ihwo re vẹ ọye gba herọ. Yi Sọl tidia vwi Gibeah, vwẹ otọ rẹ oghriki vwẹ enu rẹ ugbenu, vẹ ubiri rọye vwẹ obọ, idibo rọye ejobi de mudia riariẹ phihọ.

1 Samuẹl 7:17

Ọ mi rhe rhivwi rhe Ramah, kidie etiyin uwevwi rọye epha, kẹ etiyin o de suẹn Izrẹl. Ọ da so agbada kẹ Ọrovwohwo vwẹ Etiyin.