Iguẹdjọ 4:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọtiọna Ọghẹnẹ ghota phihọ unu rẹ Jabin ovie ri Kenan vwẹ obaro rẹ emọ rẹ Izrẹl vwẹ ẹdẹ yena.

Iguẹdjọ 4:23 Referans Kwoze

Une rẹ Ejiro 18:47

Ọghẹnẹ ro reihri kẹ vwẹ rọ vwẹ ihwo na hwa otọ kẹ vwẹ,

Nehemaya 9:24

Ọtiọye na uvwiẹ rayen da yanran re vwo otọ na, wọ da djẹ ihwo re dia otọ na jovwo no, ihwo ri Kenan, wo de phi ayen phihọ obọ rayen, vẹ ivie rayen kugbe Ihwo rẹ otọ na, rere ayen ru obo ri je ayen kẹ ayen.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

1 Kọrẹnt 15:28

Ọke ra da vwẹ emu na ejobi hwa otọ kẹ chiyi nu, ekpuyovwi rẹ Ọmọ na kọ je vwẹ oma kpotọ kẹ ohwo rọ vwẹ emu na ejobi hwa otọ kẹ chiyi na, rere Ọghẹnẹ vwọ dia kemu kemu kẹ ohwo ọvuọvo.

Une rẹ Ejiro 81:14

Nanana ki mi phi ivwighrẹ rayen kua, re mi hirhe abọ mẹ ku ivwighrẹ rayen.

Une rẹ Ejiro 47:3

O phi ihwo na kua kẹ avwanre, ẹgborho na kẹ obotọ re awọ rẹ avwanre epha.

Une rẹ Ejiro 18:39

Kidie wẹ re vwe ogangan chobiẹ ovwẹ kere amwa hẹrhẹ ofovwi, we re nẹrhẹ ihwo ri hwe vwe she teyo obotọ rẹ awọ mẹ.

1 Ikun rẹ Ivie 22:18

ọ dia Ọrovwohwo Ọghẹnẹ vẹ ovwan gba herọ? Ọ vwẹ ufuoma kẹ ovwan vwi kabọ kabọ. Kidie o phi ihwo rẹ otọ na phihọ obọ mẹ; Ọrovwohwo phi otọ na vẹ ihwo rọye kparobọ.

Iguẹdjọ 4:22

Nighere, ri Barak vwọ tua Sisira cha, Jael de rhi dede, ọ da ta kẹ nẹ, Yanrhe, rere mi dje ọshare ru wọ guọnọ na kẹ wẹ. Ọ vwọ ro uwevwi, ọ da mrẹ orivwi ri Sisira rọ riẹn gbere otọ, a kanre ubibẹ muo afọnrhe.

Iguẹdjọ 4:24

Ihwo rẹ Izrẹl de phi Jabin ovie ri Kenan na kparobọ, ayen da guọghọ Jabin rẹ ovie ri Kenan na.