Iguẹdjọ 4:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ẹkẹvuọvo Jael aye ri Heber da reyọ ubibẹ rẹ utughẹ na, kugbe ubrogba vwẹ obọ, ọ da bẹbẹ yanran bro o de hwe ubibẹ na phihọ afọnrhe rọye, ọ da ruọ fiotọ, vwọ ọke rẹ oma vwọ ghwọrọ rẹ ovwerhe vwo muo kokodo. Etiyin o de ghwu.

Iguẹdjọ 4:21 Referans Kwoze

1 Kọrẹnt 1:27

ẹkẹvuọvo Ọghẹnẹ jẹ otu rẹ akpọ se ọvwugheghẹ na reyọ rere ọ vwọ phọphọ ọvwẹghwanre, Ọghẹnẹ jẹ obo rẹ akpọ se ọvwiẹre reyọ rere ọ vwọ phọphọ otu re ganre.

Une rẹ Ejiro 3:7

Vrẹn, E Ọrovwohwo! Sivwi vwe, E Ọghẹnẹ mẹ! Kidie wẹ re ghwiẹ ivwighrẹ mẹ ọhwa, we re sa kpare ako rẹ oruimwemwu.

Iguẹdjọ 3:21

Ehud da riẹn obọhwẹre rọye, ọ da reyọ agbogu na nẹ ekpoghowọ rẹ obọrhe rọye rhe, ọ de vwo duvwo evun;

1 Kọrẹnt 1:19

Kidie e siro, Me ghwọrọ aghwanre rẹ ọvwẹghwanre, erianriẹn rẹ ọ rọ mariẹn ko she fia.

1 Samuẹl 17:43

Ohwo ri Filistia na da ta kẹ Devid, Mẹvwẹ eranko, ru wọ vwọ kua ikpokpo bru vwe cha? Ohwo ri Filistia na da vwẹ ẹdjọ rọye duvwu Devid iyori.

Iguẹdjọ 15:15

Etiyin ọ da mrẹ ubeku ọkpokpọ rẹ ọhwa rẹ ekẹtẹkẹtẹ ọvo, ọ da reyọ, o de vwo hwe eshare uriori.

Iguẹdjọ 3:31

Ọke yena vwọ wan nu Shamga ọmọ re Anat, o da vwẹ ugbọphogho hwe ihwo ri Filistia ujori esan okpuyovwi rọye de ji sivwi Izrẹl.

Iguẹdjọ 4:9

Ọ da ta kẹ nẹ, mi nene uwe ra, ẹkẹvuọvo urinrin rẹ oyan ri idjerhe na cha dia ọwẹ-ẹn, kidie Ọrovwohwo na shẹ Sisira phihọ obọ rẹ aye nure. Etiyin Dẹbora de vrẹn o de nene Barak kpo obi Kadẹsh.

Iguẹdjọ 4:20

Ọ da ta kẹ aye na nẹ, Mudia vwẹ anurhoro rẹ utughẹ na, kọshare kọshare da rhe nọ wẹ nẹ, ohwo ọvo etinẹ? Wọ Me tanẹ, Ẹjo.

Iguẹdjọ 4:22

Nighere, ri Barak vwọ tua Sisira cha, Jael de rhi dede, ọ da ta kẹ nẹ, Yanrhe, rere mi dje ọshare ru wọ guọnọ na kẹ wẹ. Ọ vwọ ro uwevwi, ọ da mrẹ orivwi ri Sisira rọ riẹn gbere otọ, a kanre ubibẹ muo afọnrhe.