Iguẹdjọ 4:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Barak da vwọ tua otu ri idjighere na vẹ otu ofovwi rọye re te Harọshẹtagoiim, a da vwẹ ọlọkọ hwe otu ofovwi ri Sisira ejobi; ọshare ọvuọvo gbi chekọ-ọ.

Iguẹdjọ 4:16 Referans Kwoze

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Ọbe ri Pọl si rhe Ihwo ri Rom 2:12

Ihwo ri ru umwemwu vwẹ obuko rẹ urhi je cha ghwọrọ vwẹ obuko rẹ urhi, ayen ejobi ri ru umwemwu vwẹ otọ rẹ urhi kẹ urhi na gu ayen ẹdjọ.

Aizaya 43:17

rọ vwe akpẹre rẹ ofovwi vẹ iyesi cha, utuofovwi vẹ onotu rẹ ofovwi; ayen sherhẹ te otọ, ayen gbi se vrẹ-ẹn, e furhie ayen,ayen furhie tẹ otọ kerẹ erhanre rẹ urhukpẹ,

Une rẹ Ejiro 104:35

Jẹn a torhẹ iruimwemwu nẹ otọ na, e gbi jẹ ohwo umwemwu dia-a. Bruphihọ keẹ Ọrovwohwo, E erhi mẹ! Jiri Ọrovwohwo na!

Une rẹ Ejiro 83:9

Ru kẹ ayen kirobo we ru ki Midian, vwọ ke Sisira vi Jabin vwẹ asan urhie ri Kishọn,

Joshua 11:8

Ọrovwohwo de phi ayen phihọ obọ rẹ Izrẹl, ayen de hwe ayen ayen da djẹ ayen re te Sidọn Rode kugbe Misrefọtmaim, vwẹ obaro ọnre rhiri re te iyara ri Mizpeh; ayen de hwe ayen, bẹsiẹ rẹ ohwo ọvuọvo gbi chekọ-ọ.

Ẹyano 14:28

Ame na de hirhe o de rhurhu akpẹrẹ na vẹ ihwo re gua iyesi na vẹ urogho ri Fero ejobi ri nene ayen ro evun rẹ abadi na, ọvuọvo rọye chekọ-ọ.

Iguẹdjọ 4:2

Ọrovwohwo da shẹ ayen phihọ obọ ri Jabin rẹ ovie ri Kenan, rẹ re uvie vwi Hazọr; onotu rẹ ofovwi rọye ki Sisira, rọ dia evun rẹ Haroshẹtagoiim.

Iguẹdjọ 4:17

Ẹkẹvuọvo Sisira da vwẹ owọ djẹ ra ro utughẹ ri Jael, aye ri Hebẹr ohwo ri Ken, fikiridie ufuoma herọ vwẹ uvwre ri Jabin ovie ri Hazọr vẹ uwevwi ri Heber ohwo ri Ken.

Joshua 10:10

Ọrovwohwo da djẹ uguegue phihọ ayen oma vwẹ obaro rẹ Izrẹl, e de hwe ayen buebu vwi Gibeọn, a da djẹ ayen wan idjerhe rẹ ọghwrọrọ ri Bethọrọn e de hwe ayen rhiri re te Azekah vi Makedah.

Une rẹ Ejiro 83:10

ra ghwọrọre vwẹ Ẹndọr, ri hirhe phihọ isọn kẹ otọ na.