Iguẹdjọ 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Enana eye ẹgborho rẹ Ọrovwohwo na jovwo, rere a vwẹ ayen davwe Izrẹl ni, kọye ihwo rẹ Izrẹl ejobi re riẹn obo re phi ofovwi ri Kenan na-a,

Iguẹdjọ 3:1 Referans Kwoze

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Urhi Rivẹ 7:22

Erherha Ọrovwohwo Ọghẹnẹ wẹn na cha djẹ ẹgborho na ejobi nẹ obaro wẹn; wọ ghwọrọ ayen ẹsiẹvuọvo-o, eranvwe rẹ aghwa de rhi bunọ kẹ wẹ.

Jerimaya 6:27

Me vwẹ owẹ mu kerẹ ovwanvwọ vwẹ ohri rẹ ihwo mẹ rere wọ riẹn vwo vughe idjerhe rayen,

ỌBE RẸ JOB 23:10

Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

Iguẹdjọ 2:10

Uvwiẹ yena ejobi de ghwu bru esẹ rayen; Etiyin uvwiẹ ọfa de rhi mu kpahe ayen, re riẹn Ọrovwohwo na-a kugbe iruo ro ruru kẹ Izrẹl na-a.

Urhi Rivẹ 8:16

ọ rọ vwẹ mana ghẹrẹ owẹ vwẹ evun rẹ aghwa na, mana rẹ esẹ wẹn riẹnre-e; ro vwo ru we vwẹ oma kpotọ, rọ vwọ davwẹ owẹ ni, ro vwo ru we yovwi vwẹ oba rẹ akpọ wẹn;

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

1 Pita 4:12

Imoni, we jẹ ọdavwini rẹ odjadja rẹ erhanre ro bru ovwan rhe rhe davwe ovwan ni na gbe ovwan unu-u, kerẹsiẹ ra mrẹ nẹ emu ọkpokpọ re phia kẹ ovwan.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

Iyẹnrẹ Esiri ri Jọn 2:24

ẹkẹvuọvo Jesu ghwa gba oma rọye vwra ayen nọ-ọ,

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

2 Ikun rẹ Ivie 32:31

Vwọ kpahe ota rẹ ihwo rẹ ovie ri Babilọn ji rhe, ne rhe guọnọ otọ rẹ oka rọ cha phia vwẹ otọ na, Ọghẹnẹ da yan jovwo kẹ oma rọye; rere ọ vwọ davwọ ni rọ vwọ riẹn obo re hẹ udu rọye.

Ẹyano 15:25

O de kperi se Ọrovwohwo; Ọrovwohwo de dje urhe ọvo kẹ, o de phio phihọ ame na, ame na da vwerhe. Etiyin Ọrovwohwo da vwẹ iji kẹ ayen ọ da davwe ayen ni,

Iguẹdjọ 1:1

Ukuko rọye ri Joshua vwo ghwu nu, ihwo re Izrẹl na da ra nọ Ọrovwohwo na ne, kono ri ke bru ihwo ri Kenan na ra họnre ayen ke avwanre?

Iguẹdjọ 2:23

Ọtiọye na o de jẹn ẹgborho yena vwo, ọ gbe djẹ ayen no ofuọvo-o, o gbi phi ayen phihọ ogangan rẹ obọ ri Joshua-a.

Iguẹdjọ 3:2

rere uvwiẹ ejobi rẹ ihwo rẹ Izrẹl sa vwọ riẹn obo re phi ofovwi, rere ọ mrẹ vwọ yono ihwo re riẹn obo re phi ofovwi-i.

1 Ivie 9:21

uvwiẹ rayen ri chekọ kẹ ayen vwẹ otọ na, rẹ ihwo rẹ Izrẹl sa guọghọ re kakare-e–enana keye Solomọn vwo ru eviẹn rọ gba vwo ru iruo, kẹ ọtiọye ayen epha rhi te nonẹ na,