Iguẹdjọ 21:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ayen da tanẹ, Didi orua ọvo vwẹ Izrẹl na ri jẹ Ọrovwohwo na bro cha vwi Mizpa? E vwo no, nughe, ohwo ọvuọvo nẹ erhọn ri Jabesh Giliad rhe ukoko nana-a.

Iguẹdjọ 21:8 Referans Kwoze

Iguẹdjọ 21:7

Kidie avwanre che ru kẹ eya kugbe ihwo ri chekọ na, rẹ avwanre vwọ vwẹ Ọrovwohwo duvwu iyori nẹ avwanre vwẹ emetẹ rẹ avwanre vwọ kẹ ayen vwọ rọvwọ-ọ?

Iguẹdjọ 21:9

Fikiridie ọke re vwo se ihwo na koko dẹvọ, nighe, ohwo ọvuọvo rẹ ihwo ri Jabesh Giliad hẹ etiyiin.

1 Samuẹl 11:7

Ọ da reyọ ekru rẹ irhuẹn, ọ da va ayen kẹnẹ kẹnẹ o de ji ihwo ghare ayen nene otọ rẹ Izrẹl ejobi, tanẹ, Kohwo kohwo ro rhe nene Sọl vi Samuelu-u, kẹ ọtiọna e ru kẹ kirobo re ru irhuẹn rọye na Etiyin oshọ rẹ Ọrovwohwo da ro ihwo na oma, ayen ejobi de bru use na.

1 Ikun rẹ Ivie 10:11

Ẹkẹvuọvo ọke rẹ ihwo ri Jabesh Gilead vwo nyo obo rẹ ihwo ri Filistia ru kẹ Sọl,

Iguẹdjọ 5:23

Harhọn Merọz, Ọtiọye amakashe rẹ Ọrovwohwo tare, harhọn ihwo rọye ejobi gangan, fikiridie ayen rhe chọ Ọrovwohwo na uko-o, ayen rhe chọ Ọrovwohwo na uko vwọ họnre egba na-a.

1 Samuẹl 11:9

Ayen da ta kẹ ikọn re ji rhe na, E nẹ wa ta kẹ ihwo ri Jabesh Gilead: Odẹ, bẹsiẹ rẹ ọnre vwọ bẹre muotọ, kẹ ovwan cha mrẹ esivwo. Ọke rẹ ikọn na rhe vwọ vuẹ ihwo ri Jabesh, oma da vwerhe ayen.