Iguẹdjọ 21:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin ihwo rẹ Izrẹl da tanẹ, Ọvo herọ vwẹ orua na ejobi ro jẹ ukoko rẹ Ọrovwohwo na ẹcha? Kidie ayen duvwu iyori rode kpahe ohwo ro jẹ ukoko rẹ Ọrovwohwo ẹ ra vwi Mizpah, ohwo yena e hwe kpo erivwi.

Iguẹdjọ 21:5 Referans Kwoze

Iguẹdjọ 5:23

Harhọn Merọz, Ọtiọye amakashe rẹ Ọrovwohwo tare, harhọn ihwo rọye ejobi gangan, fikiridie ayen rhe chọ Ọrovwohwo na uko-o, ayen rhe chọ Ọrovwohwo na uko vwọ họnre egba na-a.

Jerimaya 48:10

Ekan kẹ ohwo ro ru iruo rẹ Ọrovwohwo na yoyodo; ekan kẹ ohwo rọ vwẹ ọlọkọ rọyẹ sun ọbara-a.

1 Samuẹl 11:7

Ọ da reyọ ekru rẹ irhuẹn, ọ da va ayen kẹnẹ kẹnẹ o de ji ihwo ghare ayen nene otọ rẹ Izrẹl ejobi, tanẹ, Kohwo kohwo ro rhe nene Sọl vi Samuelu-u, kẹ ọtiọna e ru kẹ kirobo re ru irhuẹn rọye na Etiyin oshọ rẹ Ọrovwohwo da ro ihwo na oma, ayen ejobi de bru use na.

Iguẹdjọ 21:18

Dede na avwanre cha rhọvwe vwẹ emetẹ rẹ avwanre kẹ ayen vwọ rọvwọ-ọ. Kidie ihwo rẹ Izrẹl duvwu iyori nure nẹ, Iyori dia kẹ ohwo rọ vwẹ aye kẹ Bẹnjamin vwọ rọvwọ.

Iguẹdjọ 21:1

Ọke nana eshare rẹ Izrẹl de duvwu iyori vwẹ obi Mizpah nẹ, E jẹn ohwo ọvo vwẹ usun rẹ avwanre na vwẹ ọmọtẹ kẹ Bẹnjamin vwọ rọvwọ-ọ.

Iguẹdjọ 21:6

Etiyin ẹro ri Bẹnjamin rẹ omoni rayen da don ihwo rẹ Izrẹl, ayen da tanẹ, E bru ọvo kufia nẹ oma rẹ Izrẹl nonẹ na.

1 Samuẹl 14:24

Oma da ghwọrọ ihwo rẹ Izrẹl vwẹ ẹdẹ yena; kidie Sọl duvwu iyori kẹ ihwo na tanẹ, Ekan kẹ ohwo rọ re emu bẹsiẹ rẹ ovwọnvwọn vwo te re me vwọ re ihri vwẹ obọ rẹ ivwighrẹ mẹ nu. Ọtiọye na ayen ọvuọvo gbe davwe emu-u.