Iguẹdjọ 21:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Vwẹ ẹdẹ rivẹ ihwo na da fobọ vrẹn, ayen da ra bọn agbada ọvo vwẹ oboyi, ayen de ze izobo ra torhẹre kugbe izobo rẹ ufuoma.

Iguẹdjọ 21:4 Referans Kwoze

2 Samuẹl 24:25

Devid da so agbada phihọ etiyin kẹ Ọrovwohwo, o de ze izobo rẹ ẹtorhẹ vẹ ọ rẹ ufuoma kẹ. Ọye Ọrovwohwo da rhọvwe orẹ vwọ kẹ otọ na, o de si ọga na nẹ Izrẹl.

Hibru 13:10

Avwanre vwo agbada rẹ ihwo re ga vwẹ evun rẹ utughẹ na nu se vwo ogangan re vwọ ria vwọ-ọ.

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

1 Ivie 8:64

Vwẹ ẹdẹ yena ọvuọvo na ovie na de ru uherevie rẹ ọguan na rọ hẹ obaro rẹ uwevwi rẹ Ọrovwohwo na fon; kidie etiyin o de ze izobo rẹ ẹtorhẹ kugbe izobo rẹ ọka kugbe ibro rẹ ivwri rẹ izobo rẹ ufuoma na, fikiridie agbada rẹ ẹrovwo na rọ bẹ obaro rẹ Ọrovwohwo na ọ hanvwe nọ ọ sa gba izobo rẹ ẹtorhẹ na vẹ izobo rẹ ọka na kugbe ibro rẹ eranvwe re vwo ze izobo na-a.

2 Samuẹl 24:18

Gad da rhe ẹdẹ yena bru Devid, ọ da ta kẹ, Yanran kpenu wọ tọn agbada phihọ kẹ Ọrovwohwo vwẹ asan uwevwi rẹ ewunye rẹ Araunah ohwo ri Jebu.

Iguẹdjọ 6:26

rere wọ so agbada ọvo kẹ Ọrovwohwo rẹ Ọghẹnẹ wẹn na vwẹ enu rẹ asan ọgangan na vwẹ etinẹ, rere wo mu ibieragha na kpahe ohwohwo; vwẹ asan rẹ agbada na epha jovwo na, re wọ reyọ erhuẹn rivẹ na vẹ urhe rẹ Ashera ru wo she ghwiotọ na vwo ze izobo ru torhẹre.

Urhi Rivẹ 12:5

Ẹkẹvuọvo we mi kpo asan rẹ Ọrovwohwo Ọghẹnẹ rẹ ovwan na sanọre vwẹ orua rẹ ovwan na ejobi, vwo kpo ẹdia rọye ọ Me dia ẹguọnọ rẹ ovwan, Etiyin ọye wọ ra.

Iguẹdjọ 21:3

Etiyin ayen da tanẹ, E Ọrovwohwo, Ọghẹnẹ rẹ Izrẹl, die nẹrhẹ emu nana ru vwẹ evun rẹ Izrẹl nonẹ na, rọ nẹrhẹ ẹgborho ọvo ghwru nẹ Izrẹl?

1 Samuẹl 7:17

Ọ mi rhe rhivwi rhe Ramah, kidie etiyin uwevwi rọye epha, kẹ etiyin o de suẹn Izrẹl. Ọ da so agbada kẹ Ọrovwohwo vwẹ Etiyin.

Iguẹdjọ 6:24

Etiyin Gidiọn da bọn agbada ọvo kẹ Ọrovwohwo na, o de muo odẹ kẹ nẹ, Ọrovwohwo Ufuoma. Asan na je herọ vwi Ọfra, rẹ ihwo rẹ Abiẹza rhi te ẹdẹ ri nonẹ.

Iguẹdjọ 20:26

Etiyin otu rẹ ofovwi, rẹ ihwo rẹ Izrẹl ejobi na, da yanran ra viẹ vwẹ obi Bẹtẹl; ayen de tidia chiri owẹvwe vwẹ obaro rẹ Ọrovwohwo re te ọke rẹ ovwọnvwọn vwẹ ẹdẹ yena, ayen de ze izobo ra torhẹre kugbe izobo rẹ ufuoma vwẹ obaro rẹ Ọrovwohwo.