Iguẹdjọ 21:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọke nana eshare rẹ Izrẹl de duvwu iyori vwẹ obi Mizpah nẹ, E jẹn ohwo ọvo vwẹ usun rẹ avwanre na vwẹ ọmọtẹ kẹ Bẹnjamin vwọ rọvwọ-ọ.

Iguẹdjọ 21:1 Referans Kwoze

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.

Iyẹnrẹ Esiri ri Mak 6:23

O de ve kẹ nẹ, Emu kemu wọ nọ vwẹ obọ mẹ, Me vwọ kẹ wẹ, ọ da tobọ dia abọvo rẹ uvie mẹ na.

Iruo rẹ Iyinkọn na 23:12

Rẹ ọke vwo rhie, ihwo ri Ju de re se umẹ ayen de duvwu iyori kẹ oma nẹ ayen hwe Pọl nu-u ayen re emu-u ayen da ame-e.

Aghwoghwo 5:2

Wọ ta ota gbaegbae-e, eyẹ wo jẹ udu wẹn bru okpakpa ta ota vwẹ obaro rẹ Ọghẹnẹ-ẹ, kidie odjuvwu Ọghẹnẹ epha, akpọ na kọye wo rha epha; eriyin na jẹ eta wẹ dia krẹn.

Iguẹdjọ 21:18

Dede na avwanre cha rhọvwe vwẹ emetẹ rẹ avwanre kẹ ayen vwọ rọvwọ-ọ. Kidie ihwo rẹ Izrẹl duvwu iyori nure nẹ, Iyori dia kẹ ohwo rọ vwẹ aye kẹ Bẹnjamin vwọ rọvwọ.

Iguẹdjọ 20:8

Etiyin ihwo na ejobi de vrẹn kerẹ ohwo ọvo, tanẹ, Avwanre ohwo ọvuọvo che kpo utughẹ rọye-e, avwanre ohwo ọvuọvo che rhivwi kpo uwevwi rọye-e.

Ọbe ri Pọl si rhe Ihwo ri Rom 10:2

Mi se se oseri nẹ oruru rẹ ẹga rẹ Ọghẹnẹ rhe ayen, ẹkẹvuọvo idjerhe rẹ ughenghẹn kọye ayen neneri.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

1 Samuẹl 14:24

Oma da ghwọrọ ihwo rẹ Izrẹl vwẹ ẹdẹ yena; kidie Sọl duvwu iyori kẹ ihwo na tanẹ, Ekan kẹ ohwo rọ re emu bẹsiẹ rẹ ovwọnvwọn vwo te re me vwọ re ihri vwẹ obọ rẹ ivwighrẹ mẹ nu. Ọtiọye na ayen ọvuọvo gbe davwe emu-u.

Iguẹdjọ 21:7

Kidie avwanre che ru kẹ eya kugbe ihwo ri chekọ na, rẹ avwanre vwọ vwẹ Ọrovwohwo duvwu iyori nẹ avwanre vwẹ emetẹ rẹ avwanre vwọ kẹ ayen vwọ rọvwọ-ọ?

Iguẹdjọ 21:5

Etiyin ihwo rẹ Izrẹl da tanẹ, Ọvo herọ vwẹ orua na ejobi ro jẹ ukoko rẹ Ọrovwohwo na ẹcha? Kidie ayen duvwu iyori rode kpahe ohwo ro jẹ ukoko rẹ Ọrovwohwo ẹ ra vwi Mizpah, ohwo yena e hwe kpo erivwi.

Iguẹdjọ 20:10

avwanre ra reyọ eshare rẹ orua rẹ Izrẹl na ejobi, a reyọ eshare ihwe nẹ orua ujori, rhe, a reyọ eshare ujori nẹ orua uriori, a reyọ eshare uriori nẹ orua uriori ihwe, rere ihwo nana ghwa emu nene ihwo na, rere ọke rẹ ihwo nana da rhe rere ayen ra reihri vwẹ obọ ri Gibeah ri Bẹnjamin, fiki rẹ uruemu o omiomiovwi rẹ ayen ruru vwẹ Izrẹl.

Iguẹdjọ 20:48

Etiyin eshare rẹ Izrẹl na da rhẹriẹ oma ra họnre ihwo ri Bẹnjamin na, a da vwẹ ọlọkọ hwe ayen, te eshare te eranvwe ejobi re ayen mrẹre. Ayen da vwẹ erhanre torhẹ irere na ejobi rẹ ayen mrẹre.

Iguẹdjọ 21:22

Ọke rẹ esẹ rayen eyẹ imoni rayen rẹ eshare da rhe nẹ iyenrẹn kẹ avwanre, avwanre ke cha ta kẹ ayen nẹ, vwẹ arodọvwẹ wẹn siobọ nẹ ayen kẹ avwanre; fikiridie avwanre mrẹ aye rẹ ọshare ọvuọvo vwọ kẹ vwẹ evun rẹ ofovwi yena-a, eyẹ ovwan ji mu ayen vwọ kẹ aye-en, a joma otọ-ọ ovwan cha riabe.

Jerimaya 40:6

Etiyin Jermiaya da yan bru Gedalaya ọmọ rẹ Ahikam, vwẹ Mizpa, o de nene dia vwẹ uherevie rẹ ihwo ri cheko vwẹ otọ na.