Iguẹdjọ 20:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo ọtiọna avwanre che ru kpahe Gibeah: avwanre brotu kpo ofovwi na,

Iguẹdjọ 20:9 Referans Kwoze

Iruo rẹ Iyinkọn na 1:26

Ayen de duvwu ite kẹ ayen, itẹ na de mu Matayas; e de vwo mu kugbe iyinkọn uhwọvo na.

Jona 1:7

Ayen ohwohwo da ta kẹ ohwo, Wa yanrhe, re avwanre duvwu ite, se avwanre sa riẹn ohwo rẹ okpetu nana wan obọ rọye bru avwanre rhe. Etiyin ayen de duvwu itẹ, itẹ na de mu Jona.

Isẹ 16:33

E mu itẹ kpahe ekpoghowọ, ẹkẹvuọvo orhiẹn rọye obọ rẹ Ọrovwohwo o nẹ cha.

Nehemaya 11:1

Asakiephana isun rẹ ihwo na ke Jerusalẹm edia, ihwo ri chekọ de mu itẹ re a reyọ ohwo ọvo vwẹ usun rẹ ihwe na rọ rhe dia Jerusalẹm orere ọfuanfon na, rere irhiri ri chekọ rha dia irho efa.

1 Ikun rẹ Ivie 24:5

E mu ama vwọ gharẹ ayen, ọtiọye e ru ayen ejobi, fikiridie ihwo re vwẹ ẹro te ẹshẹ na vẹ iruiruo rẹ Ọghẹnẹ vwẹ ohri rẹ emọ rẹ Eleaza, vẹ Itama.

Joshua 14:2

Uku rayen na ite a vwọ gharọ, kirobo rẹ Ọrovwohwo ji urhi ki Mosis nọ gharọ kẹ orua irhiri gbe ubro na;

Iguẹdjọ 20:8

Etiyin ihwo na ejobi de vrẹn kerẹ ohwo ọvo, tanẹ, Avwanre ohwo ọvuọvo che kpo utughẹ rọye-e, avwanre ohwo ọvuọvo che rhivwi kpo uwevwi rọye-e.

Iguẹdjọ 20:10

avwanre ra reyọ eshare rẹ orua rẹ Izrẹl na ejobi, a reyọ eshare ihwe nẹ orua ujori, rhe, a reyọ eshare ujori nẹ orua uriori, a reyọ eshare uriori nẹ orua uriori ihwe, rere ihwo nana ghwa emu nene ihwo na, rere ọke rẹ ihwo nana da rhe rere ayen ra reihri vwẹ obọ ri Gibeah ri Bẹnjamin, fiki rẹ uruemu o omiomiovwi rẹ ayen ruru vwẹ Izrẹl.