Iguẹdjọ 20:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin mi de mu ọnse mẹ ra va ibribro me da gharọ phihọ ubrotọ rẹ Izrẹl na ejobi, kidie ayen gbe ẹgua ayen vwo ọnko vwẹ Izrẹl.

Iguẹdjọ 20:6 Referans Kwoze

Iguẹdjọ 19:29

Rọ vwọ rhe uwevwi rọye nu, ọ da reyọ aphia, o de mu ọnse rọye na gbere otọ ọ da va ibribro ẹko ihwivẹ, ọ da ra gharọ nene ubrotọ rẹ Izrẹl na ejobi.

Iguẹdjọ 19:23

Etiyin ọshare na, ro vwo uwevwi na, de bro ayen ra ta kẹ nẹ, Ẹjo, imoni mẹ, we ru emu omiomiovwi tiọye-e, ovwan mrẹre nẹ ọshare nana bru uvwe rhe uwevwi, ovwan ruẹ igbiruo-o.

Joshua 7:15

Ohwo re muru vẹ obo re vwo ze izobo na ka torhẹ te ọye te obo ro vwori ejobi, fikiridie ọ chọ urhi rẹ ọphọ rẹ Ọrovwohwo na, kidie o ru emu rẹ omaẹvuọ vwẹ Izrẹl.

Jẹnẹsis 34:7

Emọ ri Jekọp de nẹ ẹghwa rhe, rẹ ayen vwo nyo ota na; ivun de miovwo emọ na gangan, kidie o ru emu rẹ ẹkpa vwẹ Izrẹl ro vwo nene ọmọtẹ ri Jekọp mroma, kidie a mrẹ emu ọtiọye dẹvo-o.

Iguẹdjọ 20:10

avwanre ra reyọ eshare rẹ orua rẹ Izrẹl na ejobi, a reyọ eshare ihwe nẹ orua ujori, rhe, a reyọ eshare ujori nẹ orua uriori, a reyọ eshare uriori nẹ orua uriori ihwe, rere ihwo nana ghwa emu nene ihwo na, rere ọke rẹ ihwo nana da rhe rere ayen ra reihri vwẹ obọ ri Gibeah ri Bẹnjamin, fiki rẹ uruemu o omiomiovwi rẹ ayen ruru vwẹ Izrẹl.

Livitikọs 18:24

Ovwan gbe ẹgua vwẹ imu nana ejobi-i, fikiridie irere re Me guọghọ vwẹ irharo rẹ ovwan na, imu nana ayen vwo gbe ẹgua vwẹ oma rayen,

Livitikọs 18:30

Vwẹ ọtiọye ovwan gba yọnrọn iji mẹ na rere ovwan vwo jẹ imu nana eruo e re ruẹ jovwo tavwe rẹ ovwan ke rhe na, rere ovwan vwo jẹ ẹgua e gbe vwẹ oma rayen ejobi. Mẹvwẹ Ọrovwohwo Ọghẹnẹ rẹ ovwan.

Iguẹdjọ 19:22

Ọke rẹ ayen vwọ re emu vẹ oma vwerhe, nighe, eshare rẹ orere na, otu ri gbozighi da gba riariẹ uwevwi na phihọ, ayen da teye ẹchẹ na; ayen da ta kẹ ọmare rẹ ọshare na, ọ ro vwo uwevwi na nẹ, Reyọ ọshare rọ rhe uwevwi na, phihọ otafe rere avwanre vughe.