Iguẹdjọ 20:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin eshare ri Gibeah da kpare ohọnre bru uvwe rhe, ayen da gba riariẹ uwevwi re me epha phihọ vwẹ ason na; rere ayen rhi vwo hwe vwe, ayen de mu ọnse mẹ yanran re hwe.

Iguẹdjọ 20:5 Referans Kwoze

Iguẹdjọ 19:22

Ọke rẹ ayen vwọ re emu vẹ oma vwerhe, nighe, eshare rẹ orere na, otu ri gbozighi da gba riariẹ uwevwi na phihọ, ayen da teye ẹchẹ na; ayen da ta kẹ ọmare rẹ ọshare na, ọ ro vwo uwevwi na nẹ, Reyọ ọshare rọ rhe uwevwi na, phihọ otafe rere avwanre vughe.

Urhi Rivẹ 22:24

wọ Me reyọ ayen rhe ughere rẹ orere na, wọ Me vwẹ elalọ phi ayen hwe, phi ọmọtẹ na hwe fikiridie evun rẹ orere ọ epha yẹ o kperi nẹ a rhe chọ ọye uko-o, phi ọshare na hwe kidie ọ gba aye rẹ ọrivẹ rọye du; eriyin ovwan vwọ hworhẹ umwemwu nẹ uherevie rẹ ovwan.

Urhi Rivẹ 22:21

kẹ ayen reyọ ọmọtẹ na kpo anurhero rẹ uwevwi rẹ ọsẹ rọye, eshare rẹ orere rọye Me vwẹ elalọ phio hwe, fikiridie o gbe ugheghẹ vwẹ evun rẹ Izrẹl rọ vwọ dia uwevwi rẹ ọsẹ rọye de gbe ọfanrhiẹ; eriyin wọ vwọ hworhẹ umwemwu nẹ uherevie rẹ ovwan.

Iguẹdjọ 19:28

Ọ da ta kẹ aye na nẹ, Vrẹn, rere avwanre yanran, Ẹkẹvuọvo ọ kpahe kẹ-ẹ. Etiyin o de mu aye na phihọ enu rẹ ekẹtẹkẹtẹ, ọ da gua kpo uwevwi rọye

Iguẹdjọ 20:4

Etiyin ihwo ri Livae na, ọshare re hwe aye rọye na, da kpahe tanẹ, Me rhe obi Gibeah vwẹ otọ ri Bẹnjamin, Me vẹ ọnse mẹ de re shevwerhẹ etiyin ason yena.

Livitikọs 18:24

Ovwan gbe ẹgua vwẹ imu nana ejobi-i, fikiridie irere re Me guọghọ vwẹ irharo rẹ ovwan na, imu nana ayen vwo gbe ẹgua vwẹ oma rayen,

Joshua 7:15

Ohwo re muru vẹ obo re vwo ze izobo na ka torhẹ te ọye te obo ro vwori ejobi, fikiridie ọ chọ urhi rẹ ọphọ rẹ Ọrovwohwo na, kidie o ru emu rẹ omaẹvuọ vwẹ Izrẹl.