Iguẹdjọ 20:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Asakiephana ovwan reyọ ihwo ri gbe ozighi vwi Gibeah rhe avwanre, rere avwanre hwe ayen kufia, rere a mrasan si ogbiru nẹ Izrẹl. Ẹkẹvuọvo ihwo ri Bẹnjamin kerhọ rẹ urhuru rẹ ihwo rẹ Izrẹl rẹ imoni rayen na-a.

Iguẹdjọ 20:13 Referans Kwoze

Iguẹdjọ 19:22

Ọke rẹ ayen vwọ re emu vẹ oma vwerhe, nighe, eshare rẹ orere na, otu ri gbozighi da gba riariẹ uwevwi na phihọ, ayen da teye ẹchẹ na; ayen da ta kẹ ọmare rẹ ọshare na, ọ ro vwo uwevwi na nẹ, Reyọ ọshare rọ rhe uwevwi na, phihọ otafe rere avwanre vughe.

Urhi Rivẹ 17:12

Ohwo ro phuoma ro gbi mu ọghọ kẹ orherẹn rọ mudia vwẹ obaro rẹ Ọrovwohwo rẹ Ọghẹnẹ rẹ ovwan na-a, eyẹ oguẹdjọ na-a; ohwo yena ko ghwu; eriyin ovwan vwọ hworhẹ umwemwu nẹ Izrẹl na.

Urhi Rivẹ 13:13

Erharhe rẹ ihwo evo yan nẹ uherevie wẹn, rẹ ayen de si ihwo evo yan nẹ uherevie wẹn re ayen de si ihwo rẹ orere na nene oma, re da ta kẹ ayen, nẹ, Jẹn avwanre yanran ra ga ẹdjọ, e rẹ ovwan riẹnre-e;

Ọbe ri Pọl si rhe Ihwo ri Rom 1:32

Dede na yẹ ayen riẹn ekan rẹ Ọghẹnẹ harhẹ ihwo ri ru oghẹre rẹ imu tiọna na nẹ i fo ughwu na, yẹ ayen ghwe ruẹ ayen, ihwo efa ri ji ghwe ruẹ na ayen ghwe kuvwie nene ayen.

Hosia 10:9

Ne ọke ri Gibeah rhe, ọye wo vwo ru umwemwu, E Izrẹl, ayen ji phi obọ phihọ rhi te nonẹ na. Kẹ ofovwi rhe phi ayen kua vwi Gibeah?

Hosia 9:9

Ayen gbe oma rayen ku putu putu kerẹ ọke ri Gibeah; kọ karohọ orukuruku rayen, kọ guọghọ imwemwu rayen.

Aghwoghwo 11:10

Si ophu nẹ iroro wẹn, rere wo si odjadja nẹ oma wẹn, kidie ọmọha vẹ ẹsosuọ rẹ akpọ na idiodi i ruẹ.

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

2 Ikun rẹ Ivie 25:20

Ẹkẹvuọvo Amazaya da vwerhọ-ọn; kidie obọ rẹ Ọghẹnẹ o nurhe, rere o vwo phi ayen phihọ obọ rẹ ivwighrẹ rayen, kidie ẹdjọ rẹ Idọm kọye ayen bru ra re duotọ rẹ oma.

2 Ikun rẹ Ivie 25:16

Ẹkẹvuọvo rọ ghwa vwọ ta ota na ovie na da ta kẹ, Avwanre vwẹ owẹ ru oboiroro rẹ ovie? Fotovwi! Die nẹrhẹ a teye owẹ hwe? Etiyin ọmraro na de fotovwi, ẹkẹvuọvo ọ da ta, Me riẹnre nẹ Ọghẹnẹ jẹ iroro rọ vwọ ghwọrọ owẹ, fikiridie wo ru ọnana wọ rha kerhọn rẹ uchebro mẹ-ẹ.

2 Ikun rẹ Ivie 13:7

Ye erharhe rẹ ihwo ẹvo fanfanrhie da ghwẹ rhurho obuko ri gbobọ se Rehoboam ọmọ ri Solomọn, vwẹ ọke ri Rehoboam vwọ hẹ omotete ro nẹ emuọvo so-o yẹ udu rọye je sa gba aye-en.

1 Ivie 21:13

Erharhe rẹ ihwo ivẹ na da rhe rhi hirhe aro kuo; erharhe rẹ ihwo ivẹ na da vwẹ urhi mu Nabọt, vwẹ irharo rẹ ihwo na, tanẹ, Nabọt harhe Ọghẹnẹ kugbe ovie. Ọtiọye na ayen de sionẹ orere na, ayen da vwẹ ibieragba phio hwe.

2 Samuẹl 23:6

Ẹkẹvuọvo ihwo ri vwo Ọghẹnẹ-ẹ họhọ inwe ra kpare kufia; Kidie a sa vwe obo mu aye-en.

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

1 Samuẹl 30:22

Etiyin ihwo umwemwu re pha rharhaphiẹ vwẹ usun ri Devid da tanẹ, Fikirobo rẹ ayen nene avwanre ra-a na, avwanre gbe kẹ ayen emu re gborhori rẹ avwanre mie ayen na-a, jokpa nẹ ohwo ọvuọvo vẹ aye rọye kugbe emọ reyọ re ayen yanran kpo.

1 Samuẹl 2:25

ọ da dianẹ ohwo ru umwemwu kpahe ohwo, Ọghẹnẹ kọye re rhuẹrẹ ayen phihọ ẹkẹvuọvo ohwo de rhe ru umwemwu kpahe Ọrovwohwo, kono re rẹ orẹ kẹ? Ẹkẹvuọvo ayen gbe kerhọ rẹ urhuru rẹ ọsẹ raye-en; kidie ẹguọnọ rẹ Ọrovwohwo rere ọ vwọ teyọ ayen hwe.

Urhi Rivẹ 24:7

Ọ da dianẹ ohwo ro cho ohwo ọvo vwẹ usun rẹ imoni rọye na, rẹ ihwo rẹ Izrẹl na, ro de ruo kerẹ ọviẹn eyẹ ọ da shẹ, oji yena ko ghwu; rere wọ vwọ hworhẹ umwemwu na nẹ uherevie wẹn.

Urhi Rivẹ 22:24

wọ Me reyọ ayen rhe ughere rẹ orere na, wọ Me vwẹ elalọ phi ayen hwe, phi ọmọtẹ na hwe fikiridie evun rẹ orere ọ epha yẹ o kperi nẹ a rhe chọ ọye uko-o, phi ọshare na hwe kidie ọ gba aye rẹ ọrivẹ rọye du; eriyin ovwan vwọ hworhẹ umwemwu nẹ uherevie rẹ ovwan.

Urhi Rivẹ 22:21

kẹ ayen reyọ ọmọtẹ na kpo anurhero rẹ uwevwi rẹ ọsẹ rọye, eshare rẹ orere rọye Me vwẹ elalọ phio hwe, fikiridie o gbe ugheghẹ vwẹ evun rẹ Izrẹl rọ vwọ dia uwevwi rẹ ọsẹ rọye de gbe ọfanrhiẹ; eriyin wọ vwọ hworhẹ umwemwu nẹ uherevie rẹ ovwan.

Urhi Rivẹ 21:21

Etiyin eshare rẹ orere na Me vwẹ elalọ phio ghwu ke etiọye vwọ hworhẹ umwemwu nẹ uherevie wẹn; Izrẹl ejobi de nyo, oshọ ko mu ayen.

Urhi Rivẹ 19:19

wo mi ruo kirobo ra guọnọre nẹ eru ọrivẹ rọye na; rere wọ vwọ sa hworhẹ umwemwu nẹ uherevie wẹn.

Urhi Rivẹ 17:7

Iseri na kọ ka vwẹ obọ te ohwo re che hwe na tavwe, kẹsiẹye ihwo ri chekọ ejobi ke vwẹ obọ te hwe. Kẹ ọtiọye ovwan vwọ hworhẹ umwemwu na nẹ ohri rẹ ovwan.

Urhi Rivẹ 13:5

Ẹkẹvuọvo ọmraro yena, eyẹ ọvwerhẹ evwerhẹ yena ke hwe ghwu; fikiridie ọ ta ota ọbrabra kpahe Ọrovwohwo Ọghẹnẹ rẹ ovwan ro si ovwan nẹ otọ rẹ Ijipt rhe na, rọ tan ovwan nẹ uwevwi rẹ ọviẹn, ro vwo sun ovwan nẹ idjerhe rẹ Ọrovwohwo Ọghẹnẹ rẹ ovwan vuẹ ovwan nẹ we nene. Ọtiọye ku we si hworhẹ umwemwu na nẹ uherevie rẹ ovwan.

1 Kọrẹnt 5:13

Ọghẹnẹ ri guẹdjọ rẹ otu re hẹ obo otafe. Djẹ ohwo umwemwu na nẹ ohri rẹ ovwan.

2 Kọrẹnt 6:15

Didi okugbe re herọ kẹ Kristi vẹ Bẹliai? Eyẹ die otu ri segbuyota vẹ otu ri je segbuyota vwo kẹ oma?

Iguẹdjọ 20:12

Etiyin orua rẹ Izrẹl na ejobi de ji eshare bru orua ri Bẹnjamin, tanẹ, Ọna didi ogbiru re phia vwẹ oma rẹ ovwan na?

Iguẹdjọ 20:14

Etiyin ihwo ri Bẹnjamin de nẹ irere rẹ Gibeah rhe, ayen da kpare ofovwi vwọ so ihwo rẹ Izrẹl na!

Urhi Rivẹ 13:6

Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;