Iguẹdjọ 20:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ avwanre ra reyọ eshare rẹ orua rẹ Izrẹl na ejobi, a reyọ eshare ihwe nẹ orua ujori, rhe, a reyọ eshare ujori nẹ orua uriori, a reyọ eshare uriori nẹ orua uriori ihwe, rere ihwo nana ghwa emu nene ihwo na, rere ọke rẹ ihwo nana da rhe rere ayen ra reihri vwẹ obọ ri Gibeah ri Bẹnjamin, fiki rẹ uruemu o omiomiovwi rẹ ayen ruru vwẹ Izrẹl.

Iguẹdjọ 20:10 Referans Kwoze

Iguẹdjọ 20:9

Ẹkẹvuọvo ọtiọna avwanre che ru kpahe Gibeah: avwanre brotu kpo ofovwi na,

Iguẹdjọ 20:11

Ọtiọye na eshare rẹ Izrẹl na ejobi de rhi koko vwọ so orere na, ayen de kuomagbe kerẹ ohwo ọvo.

Livitikọs 18:24

Ovwan gbe ẹgua vwẹ imu nana ejobi-i, fikiridie irere re Me guọghọ vwẹ irharo rẹ ovwan na, imu nana ayen vwo gbe ẹgua vwẹ oma rayen,

Urhi Rivẹ 22:21

kẹ ayen reyọ ọmọtẹ na kpo anurhero rẹ uwevwi rẹ ọsẹ rọye, eshare rẹ orere rọye Me vwẹ elalọ phio hwe, fikiridie o gbe ugheghẹ vwẹ evun rẹ Izrẹl rọ vwọ dia uwevwi rẹ ọsẹ rọye de gbe ọfanrhiẹ; eriyin wọ vwọ hworhẹ umwemwu nẹ uherevie rẹ ovwan.

Joshua 7:15

Ohwo re muru vẹ obo re vwo ze izobo na ka torhẹ te ọye te obo ro vwori ejobi, fikiridie ọ chọ urhi rẹ ọphọ rẹ Ọrovwohwo na, kidie o ru emu rẹ omaẹvuọ vwẹ Izrẹl.

Iguẹdjọ 20:6

Etiyin mi de mu ọnse mẹ ra va ibribro me da gharọ phihọ ubrotọ rẹ Izrẹl na ejobi, kidie ayen gbe ẹgua ayen vwo ọnko vwẹ Izrẹl.

Iguẹdjọ 21:1

Ọke nana eshare rẹ Izrẹl de duvwu iyori vwẹ obi Mizpah nẹ, E jẹn ohwo ọvo vwẹ usun rẹ avwanre na vwẹ ọmọtẹ kẹ Bẹnjamin vwọ rọvwọ-ọ.