Iguẹdjọ 20:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.

Iguẹdjọ 20:1 Referans Kwoze

Iguẹdjọ 11:11

Ọtiọye na Jẹfta vẹ ekpako rẹ Giliad na da yanran kpo, ihwo na da vwọ ma onotu kugbe osun rayen; Jẹfta da ra ta eta rọye ejobi vwẹ obaro rẹ Ọrovwohwo vwi Mizpah.

2 Samuẹl 3:10

ne wene uvie rẹ uwevwi ri Sọl, ra vwẹ uvie ri Devid mu vwẹ Izrẹl vi Juda, ni Dan re te Biẹshẹba.

1 Samuẹl 10:17

Asakiephana Samuẹl de se ihwo na koko bru Ọrovwohwo vwi Mizpah;

1 Samuẹl 3:20

Izrẹl ejobi nẹ Dan re te Beer-sheba da riẹn Samuẹl nẹ orherẹn rẹ Ọrovwohwo vwo mu.

Iguẹdjọ 21:5

Etiyin ihwo rẹ Izrẹl da tanẹ, Ọvo herọ vwẹ orua na ejobi ro jẹ ukoko rẹ Ọrovwohwo na ẹcha? Kidie ayen duvwu iyori rode kpahe ohwo ro jẹ ukoko rẹ Ọrovwohwo ẹ ra vwi Mizpah, ohwo yena e hwe kpo erivwi.

Joshua 22:12

Ọke rẹ ihwo Izrẹl vwo nyo, ọghwẹgbe rẹ lzrẹl ejobi de rhi koko vwi Shiloh, rere a ra họnrọ ayen.

Nehemaya 8:1

Ihwo na ejobi da rhe ghwẹ koko gbidi vwe asan unuada re se Anurhoro rẹ Ame, ayen da ta kẹ Ẹzra osiọbe na nẹ ọ reyọ ọbe rẹ urhi ri Mosis rẹ Ọrovwohwo vwọ kẹ Izrẹl na rhe.

2 Samuẹl 24:2

Etiyin Ovie da ta kẹ Joab vẹ inotu rẹ ofovwi rọye, re vọye gba herọ, yan nene orua rẹ Izrẹl ejobi, nẹ Dan re te Beersheba we kere ihwo na, rere me riẹn uche ihwo re herọ.

Ezra 3:1

Vwe ọke rẹ emeranvwe righwrẹn vwọ gba re, rẹ emọ rẹ Izrẹl vwọ hẹ evun rẹ irere na, ihwo na da ghwẹ oma koko kerẹ ohwo ọvo vwọ rhe Jerusalẹm.

2 Ikun rẹ Ivie 30:5

Etiyin ayen de ji iji nẹ e gbe ghwoghwo ona wan Izrẹl ejobi, nẹ Bẹẹrsheba re te Dan, nẹ ihwo na rhe rhe re orẹ rẹ ẹwanvrẹn na kẹ Ọrovwohwo Ọghẹnẹ rẹ Izrẹl, vwi Jerusalẹm; kidie ihwo buebu gbidi je riọ kirobo ra riọ jovwo-o,

1 Ikun rẹ Ivie 21:2

Devid da ta kẹ Joab vẹ ilori rẹ ofovwi na, Yanran, re kere Izrẹl nẹ Beersheba re te Dan, wa rhe nẹ iyẹnrẹn kẹ vwẹ, rere me riẹn unu rayen.

Ivie rẹ Ivẹ 25:23

Asakiephana ilotu rẹ ofovwi vẹ ihwo rayen vwo nyo nẹ ovie ri Babilọn vwi Gedalaya ma osun ayen vẹ ihwo rayen de bru Gedalaya rhe Mizipa, Ishmẹl ọmọ ri Netanaya, Johanan ọmọ ri Karia, kugbe Seraya ọmọ ri Tanhumet, ohwo ri Netorat, vi Jazanaya ọmọ rẹ Maakat.

2 Samuẹl 19:14

O de phieghe ẹwẹn rẹ ihwo rẹ Juda ejobi kerẹ ẹwẹn rẹ ohwo ọvo; e de ji ohwo bru ovie Rhivwi te owẹ te idibo wẹn ejobi.

2 Samuẹl 2:9

ọ da vwọ ma ovie vwọ kẹ Giliad kugbe Ashur vẹ Jẹzreel vẹ Ifrem, Bẹnjamin kugbe Izrẹl ejobi.

Iguẹdjọ 20:26

Etiyin otu rẹ ofovwi, rẹ ihwo rẹ Izrẹl ejobi na, da yanran ra viẹ vwẹ obi Bẹtẹl; ayen de tidia chiri owẹvwe vwẹ obaro rẹ Ọrovwohwo re te ọke rẹ ovwọnvwọn vwẹ ẹdẹ yena, ayen de ze izobo ra torhẹre kugbe izobo rẹ ufuoma vwẹ obaro rẹ Ọrovwohwo.

Iguẹdjọ 20:18

Ihwo rẹ Izrẹl na de vrẹn yanran kpo Bẹtẹl, ra nọ Ọghẹnẹ nẹ, Kono vwẹ usun rẹ avwanre na re cha ka yanran ra họnre ihwo ri Bẹnjamin na? Etiyin Ọrovwohwo da tanẹ, Juda re cha ka yanran.

Iguẹdjọ 20:11

Ọtiọye na eshare rẹ Izrẹl na ejobi de rhi koko vwọ so orere na, ayen de kuomagbe kerẹ ohwo ọvo.

Iguẹdjọ 20:8

Etiyin ihwo na ejobi de vrẹn kerẹ ohwo ọvo, tanẹ, Avwanre ohwo ọvuọvo che kpo utughẹ rọye-e, avwanre ohwo ọvuọvo che rhivwi kpo uwevwi rọye-e.

Iguẹdjọ 20:2

Ehọnvwọre ride rẹ Orua rẹ Izrẹl, eshare re vwẹ owọ yan re vwẹ ọlọkọ họnra, uriori uriuvẹ da rhe vwẹ oma phia vwẹ ukoko rẹ ihwo rẹ Ọghẹnẹ

Iguẹdjọ 18:29

Etiyin ayen de mu odẹ kẹ orere na nẹ Dan vwọ kpahe odẹ rẹ ọsẹ rayen rode re se Dan, ohwo re vwiẹ kẹ Izrẹl, ẹkẹvuọvo Laish ọye odẹ re ke mu kẹ orẹre na jovwo.

Iguẹdjọ 10:17

Etiyin ihwo rẹ Ammọn de se otu ofovwi rọye koko, ayen de re mu erhọn phihọ Giliad; ihwo rẹ Izrẹl na de soma koko, ayen de mu erhọn phihọ Mizpah.

Joshua 17:1

Etiyin a da ghare ẹkẹn kẹ orua ri Manasse, kidie ọye ọmọkpako ri Josef. Vwọ kẹ Maka ọmọkpako ri Manasse, ọsẹ ri Gilead, a da ghare Gilead kugbe Bashan kẹ, fikiridie ọgba ofovwi ọ ruẹ.

Ukeri 32:1

Asakiephana emọ ri Rubẹn kugbe emọ ri Gad de vwo uchuru buebu gbidi; ayen da mrẹ otọ ri Jazer kugbe otọ ri Giliad, nighe, asan na da dia asan rẹ uchuru.

Joshua 18:26

Mizpeh, Kefira, Moza.

Joshua 15:38

Dilean, Mizpeh, Jokteel,

Ukeri 32:40

Mosis da vwi Giliad ke Makaya rẹ ọmọ ri Manasse, ọ da dia evun rọye.

Jerimaya 40:6

Etiyin Jermiaya da yan bru Gedalaya ọmọ rẹ Ahikam, vwẹ Mizpa, o de nene dia vwẹ uherevie rẹ ihwo ri cheko vwẹ otọ na.

Joshua 4:13

kere ihwo uriori ujuvẹ re choma rẹ ofovwi da ka obaro kẹ Ọrovwohwo re hẹrhẹ ofovwi, vwẹ uphephẹ ri Jeriko.

Joshua 22:9

Etiyin ihwo ri Rubẹn vẹ ihwo ri Gad kugbe abọvo vwẹ orua ri Manasse de rhivwi kpo, ayen da hẹriẹ oma nẹ ihwo rẹ Izrẹl vwi Shiloh, rọ hẹ otọ ri Kenan, vwo kpo otọ ri Gilead, otọ rẹ obọ rayen re ayen vwọ kẹ omobọ rayen vwẹ urhi rẹ Ọrovwohwo wan unu ri Mosis ji.

Iguẹdjọ 11:34

Ọke ri Jẹfta vwo rhivwi rhe uwevwi rọye vwẹ obi Mizpa; nighe, ọmọtẹ rọye da rhe vwa vẹ eha vẹ ihwehworo; ọmọtẹ na ọvo ọye ọmọ ro vwiẹri; o vwo ọmọshare ọfa-a eyẹ ọmọtẹ ọfa-a

1 Ivie 5:5

Ọtiọye na ke me jẹ iroro nẹ me bon uwevwi kẹ odẹ rẹ Ọrovwohwo Ọghẹnẹ mẹ, kirobo rẹ Ọrovwohwo ta kẹ Devid ọsẹ mẹ, ọmọ wẹn, ri mi che vwo tidia enu rẹ ekete wẹn vwẹ asan wo nuru, kọye cha bọn uwevwi kẹ odẹ mẹ.

Nehemaya 11:27

vwi Hazashual, vwi Bẹẹrsheba ve ẹko rọye,