Iguẹdjọ 2:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ kẹ ọke nana yanran Me gbe cha djẹ ihwo na nẹ ẹgborho ri Joshua ghwu jovwo kẹ ayen na no-o,

Iguẹdjọ 2:21 Referans Kwoze

Joshua 23:13

wa gba riẹn gbagba nẹ Ọrovwohwo Ọghẹnẹ rẹ ovwan gbe sa djẹ ẹgborho na nẹ obaro kẹ ovwa-an; ẹkẹvuọvo ayen ke dia ufi vẹ ugodo kẹ ovwan, ubi ro che vurhu uwe ẹfẹn, kugbe unwẹ ro che duvwu uwe ẹro, bẹsiẹ wa cha vwọ ghwọrọ nẹ otọ oyoyovwi nana rẹ Ọrovwohwo Ọghẹnẹ rẹ ovwan vwọ kẹ ovwan na.

Iguẹdjọ 2:3

Fiki rẹ ọtiọye na Me vwọ tanẹ, Me gbe cha djẹ ayen nẹ obaro rẹ ovwa-an, ẹkẹvuọvo ayen ki che hirhe phihọ ukon kẹ ovwan, edjọ rayen ke cha dia owọ ẹkprọ kẹ ovwan.

Izikiẹl 20:24

Fikiridie ayen vwẹ irhi mẹ ru iruo-o ẹkẹvuọvo ayen da siẹn iji mẹ ayen de gbe ẹdidjala mẹ ẹgua, ayen da tọn ẹru vi edjọ rẹ esẹ rayen.

Iguẹdjọ 3:3

Enana ẹgborho na: ehọnvwọnre iyori rẹ ihwo ri Filistia, kugbe ihwo ri Kenan na ejobi, kugbe ihwo ri Sidọn, kugbe ihwo ri Hiv re dia ugbenu rode ri Lẹbanọn, nẹ obo ugbenu rode ri Baal-hermọn re te asan ra wan ruọ Hamat.

Joshua 23:4

Nighere, me ghare ẹgborho ri chekọ na utute kẹ erua rẹ ovwan re ọ dia ẹkẹn uku rẹ ovwan, vwọ ba ẹgborho ri mi bru kufia nure na, nẹ Jọdan re te Abadi Rode na vwẹ obuko ọnre.

Joshua 23:5

Ọrovwohwo Ọghẹnẹ che bi ayen phihọ obuko kẹ ovwan, ọ da djẹ ayen nẹ obaro rẹ ovwan; ku wa reyọ otọ rayen, kirobo rẹ Ọrovwohwo Ọghẹnẹ rẹ ovwan ve kẹ ovwan.

Iguẹdjọ 1:1

Ukuko rọye ri Joshua vwo ghwu nu, ihwo re Izrẹl na da ra nọ Ọrovwohwo na ne, kono ri ke bru ihwo ri Kenan na ra họnre ayen ke avwanre?

Iguẹdjọ 3:1

Enana eye ẹgborho rẹ Ọrovwohwo na jovwo, rere a vwẹ ayen davwe Izrẹl ni, kọye ihwo rẹ Izrẹl ejobi re riẹn obo re phi ofovwi ri Kenan na-a,