Iguẹdjọ 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin Ọrovwohwo da vwe iguẹdjọ vwo mu, ri rhi sivwi ayen nẹ obo ogangan rẹ ihwo ri gborho ayen.

Iguẹdjọ 2:16 Referans Kwoze

Iruo rẹ Iyinkọn na 13:20

Rẹ ọyena vwọ wan nu ọ da kẹ ayen iguẹdjọ bẹsiẹ ro vwo te ọke ri Samuẹl rẹ ọmraro na.

1 Samuẹl 12:11

Ọrovwohwo de ji Jerubbaal vi Barak, kugbe Jefta vi Samuel, ayen de sivwi ovwan nẹ obọ rẹ ivwighrẹ rẹ ovwan vwi kabọ kabọ; wa da dia vwẹ ufuoma.

Nehemaya 9:27

Fiki rẹ ọtiọye na wo de phi ayen phihọ obọ rẹ ivwighrẹ rayen, i de ru ayen ọja, vwe evun re oja rayen ayen de kperi se we wo de nyo ayen ne obo odjuvwu rhe, kirobo re arodọvwẹ wẹn rode epha wọ da vwẹ isivwi kẹ ayen ri sivwi ayen nẹ obọ rẹ ivwighrẹ rayen.

Iguẹdjọ 3:15

Ẹkẹvuọvo ọke rẹ ihwo rẹ Izrẹl na vwo kperi se Ọrovwohwo na, Ọrovwohwo da vwẹ osivwi ọvo, Ehud, ọmọ rẹ Gera, ohwo ri Bẹnjamin, ọhwẹrobọ rẹ ọshare vwo mu kẹ ayen. Ihwo rẹ Izrẹl de toro arhọghọ vwọ kẹ vwo rhe Ẹglọn ovie ri Moab na.

Iguẹdjọ 6:14

Ọrovwohwo da rhẹriẹ opharo kuo ọ da ta kẹ nẹ, Yanran vwẹ evun rẹ ogangan wẹn na rere wo re sivwi Izrẹl nẹ obọ ri Midian; ọ dianẹ Mẹvwẹ ri ji we?

Iguẹdjọ 4:5

Ko tidia otọ rẹ oriẹ ri Dẹbora vwẹ uvwre ri Rama vi Bẹtẹl rẹ orho rẹ ugbenu rẹ Ifrem; ihwo rẹ Izrẹl de bro rhe ẹdjeguo.

Iguẹdjọ 10:1

Ọke rẹ Abimẹlẹk vwo no nu, osivwi ọvo de rhi mu vwẹ Izrẹl, Tola ọmọ ri Pua, ọmọ ri Dodo, ohwo rẹ Issaka ọ da dia evun ri Shama vwẹ ugbenu rẹ Ifrem.

Rutu 1:1

Vwẹ ọke rẹ iguẹdjọ vwo suẹn, owẹvwe de fi vwo otọ na, Ọshare ọvo ri Bẹtlẹhẹm vwi Juda de kpo otọ ri Moab ra dia, ọ vẹ aye rọye kugbe emọ rọye ivẹ.

Iguẹdjọ 3:31

Ọke yena vwọ wan nu Shamga ọmọ re Anat, o da vwẹ ugbọphogho hwe ihwo ri Filistia ujori esan okpuyovwi rọye de ji sivwi Izrẹl.

Iguẹdjọ 11:32

Ọtiọye na Jẹfta da gua vrẹn bru ihwo rẹ Ammọn ra họnre ayen; Ọrovwohwo de phi ayen phihọ obọ rọye.

1 Samuẹl 14:48

Ọ họnre gangan, o de hwe ihwo rẹ Amalẹk, o de sivwi Izrẹl nu abọ rẹ otu ri gborho ayen.

2 Samuẹl 7:11

Nẹ ọke re Me vwọ vwẹ iguẹdjọ mu ni gbe sun ihwo mẹ Izrẹl, mi de ru we nẹ wo vwo ufuoma nẹ obọ rẹ ivwighrẹ wẹn, Ọrovwohwo je ta kẹ wẹ nẹ ọye vwẹ uwevwi kẹ wẹ.