Iguẹdjọ 2:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọke rẹ ayen de kpo ofovwi obọ rẹ Ọrovwohwo kọ tua kpahe ayen vwi Kasan kasan rẹ ayen teri fiki rẹ imwemwu rayen, kirobo rẹ Ọrovwohwo ta kẹ ayen vẹrhe, kirobo rẹ Ọrovwohwo duvwu iyori kẹ ayen vẹrhe; ayen da mrẹ ọdjarhe buebu.

Iguẹdjọ 2:15 Referans Kwoze

2 Kọrẹnt 4:8

A lagha avwanre vwẹ idjerhe kidjerhe, ẹkẹvuọvo yẹ a pẹtiẹ avwanre-e; ofu dje avwanre, ẹkẹvuọvo ye siẹro nu-u;

Maika 2:3

Eriyin na, enẹ Ọrovwohwo na tare: nighe Me herọ jẹ iroro umwemwu vwọ kpahe orua nana, we se si ọhọre rẹ ovwan no-o; ovwan sa yan phuoma-a fikiridie ọke yena cha dia ọke ọbrabra .

Jerimaya 44:27

Nighe, Me ra rhẹrẹ ayen fiki rẹ umiovwo ọ dianẹ fiki rẹ erhuvwu-u, ihwo ri Juda ejobi re hẹ otọ rẹ Ijipt cha ghwọrọ vwẹ ọ rẹ ọlọkọ vẹ owẹvwe bẹsiẹ rẹ ayen vwo fuere.

Jerimaya 44:11

Fiki rẹ ọtiọye na enẹ Ọrovwọhwo rẹ otuofovwi, Ọghẹne rẹ Izrẹl, tare. Nighe, mi che mu opharo mẹ vwọ kpahe ovwan fiki rẹ umiovwo, ri mi de bru Juda ejobi kufia.

Jerimaya 21:10

Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 18:8

ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.

1 Samuẹl 14:24

Oma da ghwọrọ ihwo rẹ Izrẹl vwẹ ẹdẹ yena; kidie Sọl duvwu iyori kẹ ihwo na tanẹ, Ekan kẹ ohwo rọ re emu bẹsiẹ rẹ ovwọnvwọn vwo te re me vwọ re ihri vwẹ obọ rẹ ivwighrẹ mẹ nu. Ọtiọye na ayen ọvuọvo gbe davwe emu-u.

1 Samuẹl 13:6

Ọke rẹ ihwo rẹ Izrẹl vwọ mrẹ nẹ ayen hẹ ahwarha (kidie ohọnre na ganre gangan), ihwo na de siona nu vwẹ ẹmwa vẹ egbogho vẹ etọ rẹ eragha kugbe ishi vẹ iphrophro rẹ ame,

Iguẹdjọ 10:9

Ihwo rẹ Ammọn na da gua wanvrẹn Jọdan ra họnre Juda kugbe Bẹnjamin kugbe uwevwi rẹ Ifrem; ọtiọye na Izrẹl da mrẹ ọdjarhọ gangan.

Rutu 1:13

Ovwan sa hẹrẹ bẹsiẹ rẹ ayen vwọ rho? We se jẹ orọvwe vwo? Ẹjo, emetẹ mẹ, ẹjo emetẹ mẹ; ọ da vwẹ gangan fiki rẹ ovwan rẹ obo rẹ Ọrovwohwo vwo gbe kpahe ovwẹ.

Urhi Rivẹ 18:20

Ẹkẹvuọvo ọmraro rọ de ta ota ọvo vwẹ odẹ mẹ ro dia ota ri mi jiro-o, eyẹ ohwo rọ vwẹ odẹ rẹ ẹdjọ ta ota, ọmraro yena ko ghwu.

1 Samuẹl 12:15

ẹkẹvuọvo we gbi nyo ota rẹ Ọrovwohwo-o, we de miovwi urhi rẹ Ọrovwohwo na, Etiyin obọ rẹ Ọrovwohwo kọ cha tua kpahe ovwan kugbe ovie rẹ ovwan na

2 Ikun rẹ Ivie 12:1

Ọke rẹ uvie ri Rehoboam rhe vwọ ghwaotọ kọkọroko nure, ọ da sen urhi rẹ Ọrovwohwo, ọ da vwẹ Izrẹl ejobi ba oma.