Iguẹdjọ 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Fiki rẹ ọtiọye na Ọrovwohwo de mu ophu ọgangan kpahe Izrẹl, o de phi ayen phihọ abọ re igbunegbu ri gborhe emu rayen; ọ da shẹ ayen vwọ kẹ ogangan rẹ ivwighrẹn re yariẹ ayen phihọ, ọtiọye na ayen rhe vwo ogangan vwẹ oma rẹ ivwighrẹn rẹ aye-en.

Iguẹdjọ 2:14 Referans Kwoze

Ivie rẹ Ivẹ 17:20

Ọrovwohwo da siẹn ekrun rẹ Izrẹl ejobi, Ọ da vwẹ oja re ayen, o de siobọ nẹ ayen kẹ ihwo re ghwọrọ ihwo, bẹsiẹ rọ rhe vwọ djẹ ayen ejobi nẹ obaro rọye.

Urhi Rivẹ 32:30

Mavọ ohwo ọvo ru djẹ uriori, ihwo ivẹ da sa nẹrhẹ uriori ihwe djẹ, jokpa nẹ Oragha rayen shẹ ayen, rẹ Ọrovwohwo na da sen ayen?

Iguẹdjọ 10:7

Ophu rẹ Ọrovwohwo na da gan kpahe Izrẹl, ọ da shẹ ayen phihọ obọ ri Philitia kugbe obọ rẹ ihwo rẹ Ammọn.

Iguẹdjọ 4:2

Ọrovwohwo da shẹ ayen phihọ obọ ri Jabin rẹ ovie ri Kenan, rẹ re uvie vwi Hazọr; onotu rẹ ofovwi rọye ki Sisira, rọ dia evun rẹ Haroshẹtagoiim.

Livitikọs 26:37

Ke ayen cha dje she teye ohwohwo, kerẹ ihwo re mrẹ ọlọkọ dje, ye ohwo ọvuọvo vwọ tua aye-en, ovwan rhe che vwo ogangan vwo mudia nene ivwighrẹ rẹ ovwan họnre-e.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

Jerimaya 37:10

Kidie owenẹ ovwan se hwe otu rẹ ofovwi rẹ ihwo ri Kaldia na soso re họnre ovwan na, rẹ ihwo re woma ọvo de chekọ, vwẹ dohwo dutughẹ rẹ ayen epha, ayen de vrẹn ayen cha vwẹ erhanre torhe orere nana.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Une rẹ Ejiro 44:12

Wẹ re shẹ ihwo wẹn fiki re emu ghevweghe. wọ nọ ekpẹn re emuọvo mie aye-en.

2 Ikun rẹ Ivie 15:5

Vwẹ ọke yena o rhe vwo ufuoma kẹ ohwo ro kpo otafe eyẹ ọ ro kpo uwevwi-i, kidie okpetu da rhe so ihwo ejobi re dia otọ na.

Iguẹdjọ 1:34

Ihwo re Amọr de keke ihwo rẹ Dan kpo obo orere rẹ ugbenu na, kidie ayen rhọvwe kẹ ihwo na rere ayen dia otọ rẹ ophẹphẹ na-a,

Iguẹdjọ 1:19

Ọrovwohwo vi Juda da herọ, ọ da reyọ orere rẹ ugbenu na, ẹkẹvuọvo ọ sa djẹ ihwo re dia otọ rẹ ophẹphẹ na no-o, fikiridie ayen vwo idjighere rẹ utehru rẹ ofovwi buebu.

Urhi Rivẹ 28:58

Ọ da dianẹ ovwan rha jomaotọ dẹndẹn vwọ yọnrọn eta rẹ urhi nana re si phihọ ọbe nana-a rẹ ovwan da djẹ oshọ rẹ odẹ rẹ urinrin ro mu oshọ na, Ọrovwohwo Ọghẹnẹ rẹ ovwan na-a;

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Urhi Rivẹ 28:20

Ọrovwohwo kọ vwẹ ekan, te ozighi kugbe oma ẹlaghọ rhe enu rẹ emu kemu rẹ ovwan ruẹ ejobi, bẹsiẹ rẹ ovwan vwọ ghwọrọ phrẹphrẹphrẹ, vwi fiki rẹ uruemu omiomiovwi rẹ ovwan, fikiridie ovwan sen vwẹ.

Ukeri 32:14

Nighere, ovwan kọye rhe mu vwẹ ẹdia rẹ esẹ rẹ ovwan na, uvwiẹ rẹ ihwo umwemwu na, rẹ ovwan rhanriẹ ophu rẹ Ọrovwohwo na kpahe Izrẹl!

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Iguẹdjọ 2:20

Ọtiọye na ophu rẹ Ọrovwohwo da rhe tua phihọ kpahe Izrẹl, ọ da ta, Fikiridie ihwo nana ru umwemwu kpahe ọphọ mẹ ri mi ji urhi rọye kẹ esẹ rayen, ayen mu ọghọ kẹ urhuru mẹ-ẹ,

Iguẹdjọ 3:12

Ihwo rẹ Izrẹl na da rhoma ru obo ri miovwiri vwẹ obaro rẹ Ọrovwohwo; Ọrovwohwo de ru Ẹglọn ovie ri Moab na ga oma vwo mu kpahe Izrẹl, fikiridie ayen ru obo ro miovwiri vwe obaro re Ọrovwohwo na.

2 Samuẹl 7:11

Nẹ ọke re Me vwọ vwẹ iguẹdjọ mu ni gbe sun ihwo mẹ Izrẹl, mi de ru we nẹ wo vwo ufuoma nẹ obọ rẹ ivwighrẹ wẹn, Ọrovwohwo je ta kẹ wẹ nẹ ọye vwẹ uwevwi kẹ wẹ.

Ivie rẹ Ivẹ 13:3

Ophu rẹ Ọrovwohwo da rhe tua kpahe Izrẹl, kọke kọke kọye o vwo phi ayen phihọ obọ ri Hazẹl ovie ri Siria kugbe obọ ri Bẹnhadad ọmọ ri Hazẹl.

Nehemaya 9:27

Fiki rẹ ọtiọye na wo de phi ayen phihọ obọ rẹ ivwighrẹ rayen, i de ru ayen ọja, vwe evun re oja rayen ayen de kperi se we wo de nyo ayen ne obo odjuvwu rhe, kirobo re arodọvwẹ wẹn rode epha wọ da vwẹ isivwi kẹ ayen ri sivwi ayen nẹ obọ rẹ ivwighrẹ rayen.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Ukeri 32:13

Ophu rẹ Ọrovwohwo da rhe tua kpahẹ Izrẹl, ọ da nẹrhẹ ayen suosuo ikpe ujuvẹ vwẹ evun rẹ aton, bẹsiẹ rẹ uvwiẹ na ejobi ri ru umwemwu vwẹ obaro rẹ Ọrovwohwo na vwọ ghwọrọ re.

Joshua 23:16

ọ da dianẹ ovwan gbe ọphọ rẹ Ọrovwohwo Ọghẹnẹ rẹ ovwan na ẹgua, rọ vẹ ovwan rere na, wa da ra ga ẹdjọ efa we de digue tẹ otọ kẹ ayen. Etiyin ophu rẹ Ọrovwohwo kọ cha tua kpahe ovwan, ku wa ghwọrọ re nẹ otọ esiri nana rọ vwọ kẹ ovwan na.

2 Samuẹl 24:1

Ophu rẹ Ọrovwohwo da rhoma tua kpahe emọ rẹ Izrẹl, o de fovwo Devid vwọ kpahe ayen nẹ, yanran re kere Izrẹl vi Juda.

2 Ikun rẹ Ivie 28:5

Fiki rẹ ọtiọye na Ọrovwohwo Ọghẹnẹ rọye de phio phihọ obọ rẹ ovie ri Siria, o de phio kparobọ o de mu ihwo rọye buebu ighuvwu o de mu ayen kpo Damaskọs. E de ji phio phihọ obọ rẹ ovie rẹ Izrẹl, o de phio kparobọ o de hwe ihwo rọye buebu.

Une rẹ Ejiro 44:11

We ri ru avwanre kere igodẹ re che hwe, wọ da hra avwanre ro ẹgborho na ejobi

Aizaya 42:24

Ono ri siobọ nẹ Jekọp ke Ofurhie na, Izrẹl keẹ ogbọrhi gborho na? O dia Ọrovwohwo, rẹ ayen ru umwemwu kpahe na, rẹ ayen sa yan phihọ idjerhe rọye-e na rẹ urhi rọye ayen ji se mu ọghọ kẹ-ẹ na?