Iguẹdjọ 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ayen da sen Ọrovwohwo na, ayen da ga Baal kugbe Ashera.

Iguẹdjọ 2:13 Referans Kwoze

Iguẹdjọ 10:6

Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.

Une rẹ Ejiro 106:36

Ayen da ga ema rayen, re rhoma hirhe phihọ ufi kẹ ayen.

Iguẹdjọ 3:7

Ihwo rẹ Izrẹl de ru obo ro miovwiri vwẹ obaro rẹ Ọrovwohwo, Ọrovwohwo rẹ Ọghẹnẹ na da chọrọ ayen ẹro, ayen da ra ga Baal kugbe Ashera.

1 Kọrẹnt 8:5

Kidie owenẹ edjọ buebu herọ vwẹ odjuvwu eyẹ vwẹ akpọ na–dẹn na edjọ buebu herọ kugbe irivwohwo buebu–

Ivie rẹ Ivẹ 23:13

Ovie na de gbe egbada rẹ hẹ obaro ọnrẹ vwi Jerusalẹm na ẹgua rhiri re te obọhwẹre ọnre rẹ ugbenu rẹ ogbiru, ri Solomọn ovie rẹ Izrẹl bọnre kẹ Ashtarọt ẹgua rẹ ihwo ri Saidọn, rọ bọnre ki Shemosh ẹgua ri Moab, rọ bọnre kẹ Milkọm ẹgua rẹ ihwo rẹ Amọn.

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

1 Ivie 11:5

Kidie Solomọn kẹ Ashera rẹ ẹdjo rẹ ihwo ri Sidọn kọye o nene, kugbe Milkọm rẹ ẹgua rẹ ihwo rẹ Ammọn.

1 Samuẹl 31:10

Ayen da ghwa ekuakua rẹ ofovwi rọye phihọ uwevwi rẹ Ashra; ayen de churu orivwi rọye si igbẹhẹ ri Bẹtshan.

Iguẹdjọ 2:11

Ihwo rẹ Izrẹl de ru emu umwemwu vwẹ obaro rẹ Ọrovwohwo ayen da ga Baal,

1 Samuẹl 7:3

Etiyin Samuẹl da ta kẹ uwevwi rẹ Izrẹl ejobi, Wa da vwẹ udu rẹ ovwan ejobi kurhẹriẹ bru vwe rhe, we gbe ku edjọ erhorha na kufia kugbe Ashera na nẹ ohri rẹ ovwan, re we hirhe udu rẹ ovwan ku Ọrovwohwo, re wa ga ọye ọvo, ko sivwi ovwan nẹ obọ rẹ ihwo ri Filistia.

1 Samuẹl 12:10

Ayen da viẹ kẹ Ọrovwohwo, tanẹ Avwanre ru umwemwu, fikiridie avwanre sen Ọrovwohwo na, avwanre da gọ Baal kugbe Ashera, ẹkẹvuọvo asakiepbana sivwi avwanre nẹ obọ rẹ ivwighrẹ rẹ avwanre, kẹ avwanre ga wẹ.

2 Ikun rẹ Ivie 7:22

Etiyin ke ayen cha ta, Fikiridie ayen sen Ọrovwohwo Ọghẹnẹ rẹ esẹ rayen rọ reyọ ayen nẹ otọ rẹ Ijipt rhe, ayen da djẹ gbane ẹdjọ efa, ayen da gọ ayen; fiki rẹ ọtiọye na ọye ọ vwọ ghwẹ ukpokpogho nana brn ayen rhe.

Ukeri 25:3

Etiyin Izrẹl de ku ọghrọrọ ri Baal ri Peọr phihọ ohọre rọye. Ophu rẹ Ọrovwohwo da rhe tua kpahe Izrẹl.

2 Ikun rẹ Ivie 12:2

Vwẹ ukpe riyori rẹ Ovie Rehoboam, fikiridie ayen rhe se Ọrovwohwo gbuyota-a na, Shishak ovie rẹ Ijipt da rhe họnre Jerusalẹm

2 Ikun rẹ Ivie 28:3

ọ da torhẹ insẹns vwẹ iyara rẹ emọ ri Hinnọm, ayen da torhẹ emọ rayen vwo ze izobo, kerẹ uruemu ro tuoma rẹ ẹgborho rẹ Ọrovwohwo djẹ nẹ obaro rẹ Izrẹl na epha.

2 Ikun rẹ Ivie 33:3

Kidie ọ rhoma bọn asan ri kpenu rẹ ọsẹ rọye Hẹzekaya kporo she jovwo, ọ da so egbada kẹ Baal, o de kuere oghriki, ọ da gọ ekuakua rẹ obo odjuvwu ejobi, ọ da ga ayen.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,