Iguẹdjọ 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² ayen da sen Ọrovwohwo Ọghẹnẹ rẹ esẹ rayen, ohwo rọ reyọ ayen nẹ otọ rẹ Ijipt rhe, ayen de nene edjọ efa, edjọ rẹ ihwo re dia yariẹ ayen phihọ na, ayen da vwẹ uyovwi te otọ kẹ ayen; ayen da kpare ophu rẹ Ọrovwohwo na.

Iguẹdjọ 2:12 Referans Kwoze

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

Urhi Rivẹ 29:25

Ihwo ke ta nẹ, Fiki rẹ obo rẹ ayen vwọ sen ọphọ rẹ Ọrovwohwo Ọghẹnẹ rẹ esẹ rayen na, ro nene ayen re vwẹ ọke ro vwo si ayen nẹ otọ rẹ Ijipt rhe,

Urhi Rivẹ 13:5

Ẹkẹvuọvo ọmraro yena, eyẹ ọvwerhẹ evwerhẹ yena ke hwe ghwu; fikiridie ọ ta ota ọbrabra kpahe Ọrovwohwo Ọghẹnẹ rẹ ovwan ro si ovwan nẹ otọ rẹ Ijipt rhe na, rọ tan ovwan nẹ uwevwi rẹ ọviẹn, ro vwo sun ovwan nẹ idjerhe rẹ Ọrovwohwo Ọghẹnẹ rẹ ovwan vuẹ ovwan nẹ we nene. Ọtiọye ku we si hworhẹ umwemwu na nẹ uherevie rẹ ovwan.

Urhi Rivẹ 29:18

Wa kẹnoma eyẹ a da rhe mrẹ ọshare eyẹ aye eyẹ orua eyẹ uvwiẹ ọvo, rẹ udu rọye kurhẹriẹ jẹ Ọrovwohwo Ọghẹnẹ rẹ avwanre vwo nonẹ na ra ga edjọ rẹ ẹgborho yena; eyẹ a da rhe mrẹ ọvo rọ mọ omamọ ro vwo obi kugbe omamọ ro muenu vwẹ uherevie rẹ ovwan,

Urhi Rivẹ 5:9

wo shiguẹ kẹ aye-en, wọ ga aye-en; kidie Mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, Ọ vwẹ imwemwu rẹ esẹ ruru nene emọ, nẹ uvwiẹ re rerha re te ọrẹne rẹ ayen ri mu kpahe ovwẹ;

Iguẹdjọ 5:8

Ọke rẹ ayen vwọ jẹn edjọ ekpokpọ reyọ, Etiyin ofovwi de rhi te inurhoro ka mrẹ ekpọfia eyẹ ishuẹ vwẹ ohri rẹ ihwo uriori ujuvẹ vwẹ evun rẹ Izrẹl na?

Urhi Rivẹ 33:17

Erhuẹn re otuvwiẹ rọye vwo ẹgba, ighoro rọye kerẹ ighoro rẹ erhuẹn rọ djoma; kọ cha vwẹ ayen djẹ ihwo na, djẹ ayen ejobi, kpo oba rẹ akpọ na, ọtiọye uriori ihwe rẹ Ifrem epha, ọtiọye je uriori ri Manasse.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Iguẹdjọ 8:33

Ri Gidiọn ghwe vwo ghwu nu, ihwo rẹ Izrẹl da ghwa rhoma rhi gbe oma rayen ẹgua fiki ri Baal, ayen da vwẹ Baalberit ru ọghẹnẹ rẹ ayen.

Iguẹdjọ 10:11

Ọrovwohwo na da ta kẹ ihwo rẹ Izrẹl nẹ, Ọ dianẹ Mẹvwẹ ri sivwi ovwan mie ihwo rẹ Ijipt kugbe ihwo rẹ Amọr, kugbe ihwo rẹ Ammọn kugbe ihwo ri Philistia?

Une rẹ Ejiro 78:58

Ayen da vwẹ umukpe ra teye kpenu na vwọ kparọ ophu ayen da vwe ema re ayen kare vwọ kparọ ophu

Une rẹ Ejiro 106:36

Ayen da ga ema rayen, re rhoma hirhe phihọ ufi kẹ ayen.

Ẹyano 13:3

Mosis da ta kẹ ihwo na, Karophihọ ẹdẹ ri nonẹ, ri wo vwo nẹ otọ rẹ Ijipt rhe na, nẹ uwevwi rẹ ọviẹn, fiki rẹ ogangan rẹ obọ rẹ Ọrovwohwo ọ vwọ reyọ owẹ nẹ etinẹ na; wa re ikara ro phuẹ-ẹ.

Ẹyano 13:9

Kọ cha dia oka vwẹ obọ wẹn kugbe ẹkarophihọ vwẹ ẹto wẹn, rere urhi rẹ Ọrovwohwo vwọ dia unu wẹn, kidie obọ ọgangan Ọrovwohwo vwọ rọye owẹ nẹ Ijipt rhẹ.

Ẹyano 13:14

vwẹ ọke rọ cha rẹ ọmọshare wẹn da nọ wẹ, Die otọ rẹ ọnana? ku wọ ta kẹ, Obọ ọgangan Ọrovwohwo vwo si avwanre nẹ otọ rẹ Ijipt rhe, nẹ uwevwi rẹ oviẹn.

Ẹyano 13:16

Kọ cha dia oka vwẹ obọ wẹn yẹrẹ, egbene wo vwo mu arhare; kidie obọ ọgangan Ọrovwohwo vwọ rọye avwanre nẹ Ijipt rhe.

Urhi Rivẹ 4:25

Ọke wo de rhi vwiẹ emọ kugbe emọ rẹ emọ wẹn re wa da rhe dia otọ na krekri re, we de rhi miovwi omobọ rẹ ovwan re, rhe kanre oma re emu kemu re, we de rhi ru umwemwu vwẹ obaro rẹ Ọrovwohwo Ọghẹnẹ wẹn na, wọ da nẹrhẹ ophu muo.

Urhi Rivẹ 6:12

ọke yena wọ Me jomaotọ Ọrovwohwo da rha chọrọ owẹ ẹro, Ọ ro si we nẹ otọ rẹ Ijipt rhe na, nẹ uwevwi rẹ ọviẹn.

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,