Iguẹdjọ 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ihwo rẹ Izrẹl de ru emu umwemwu vwẹ obaro rẹ Ọrovwohwo ayen da ga Baal,

Iguẹdjọ 2:11 Referans Kwoze

Iguẹdjọ 10:6

Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.

Iguẹdjọ 6:1

Ihwo rẹ Izrẹl de ru obo re chọre vwẹ obaro rẹ Ọrovwohwo na; Ọrovwohwo de phi ayen phihọ obọ ri Midian ikpe ighwrẹn.

Iguẹdjọ 4:1

Ihwo rẹ Izrẹl na da rhoma ru uruemu miomiovwi vwẹ obaro rẹ Ọrovwohwo na, rẹ Ehud vwo ghwu nu.

Iguẹdjọ 3:7

Ihwo rẹ Izrẹl de ru obo ro miovwiri vwẹ obaro rẹ Ọrovwohwo, Ọrovwohwo rẹ Ọghẹnẹ na da chọrọ ayen ẹro, ayen da ra ga Baal kugbe Ashera.

Iguẹdjọ 8:33

Ri Gidiọn ghwe vwo ghwu nu, ihwo rẹ Izrẹl da ghwa rhoma rhi gbe oma rayen ẹgua fiki ri Baal, ayen da vwẹ Baalberit ru ọghẹnẹ rẹ ayen.

1 Ivie 18:18

Ọ da kpahe, Mi kpokpo Izrẹli-i, ẹkẹvuọvo wẹ, uwevwi rẹ ọsẹ wẹn, fikiridie wọ sen iji rẹ Ọrovwohwo na wo de nene Baal.

Iguẹdjọ 13:1

Ihwo rẹ Izrẹl na da rhoma ru emu omiomiovwi vwẹ obaro rẹ Ọrovwohwo; Ọrovwohwo de phi ayen phihọ obọ rẹ Philistia ikpe ujuvẹ.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Jerimaya 2:23

Mavọ wo ru ta nẹ, mi gbe ẹgua-a, Mi nene Baal rẹ? Gbe ni idjerhe wẹn vwẹ iyara na; re wọ riẹn obo wo ruru Iyesi ọboba rọ kọghọ ra vwẹ ufi gba obẹnẹ rọye.

Ezra 8:12

Vwẹ emọ rẹ Azgad, Johanan rẹ ọmọ ri Hakkatan, kugbe eshare ujori gbẹ ihwe ri nenire.

2 Ikun rẹ Ivie 33:6

Ọ da torhẹ emọ rọye vwo ze izobo vwẹ evun rẹ iyara rẹ emọ ri Hinnọm, ayen ke mraro, ghwere isẹ bọ epha, ki nene irivwi vẹ erieda ta ota. O ru emu imiomiovwi buebu vwẹ obaro rẹ Ọrovwohwo, re kpaerọ ophu.

2 Ikun rẹ Ivie 28:2

Ẹkẹvuọvo ọ da vwẹ ẹro kere ivie rẹ Izrẹl. Ọ tọbo duvwu ukẹdjọ ra wraure kẹ Baal;

1 Samuẹl 7:4

Etiyin Izrẹl de siobọ nẹ Baal kugbe Ashera na, ayen da ga Ọrovwohwo ọvo.

Iguẹdjọ 10:10

Ihwo rẹ Izrẹl de kperi se Ọrovwohwo na, tanẹ, Avwanre ru umwemwu kpahe owẹ, avwanre da je sen wẹ rẹ Ọghẹnẹ rẹ avwanre, avwanre da ra ga Baal.

Iguẹdjọ 3:12

Ihwo rẹ Izrẹl na da rhoma ru obo ri miovwiri vwẹ obaro rẹ Ọrovwohwo; Ọrovwohwo de ru Ẹglọn ovie ri Moab na ga oma vwo mu kpahe Izrẹl, fikiridie ayen ru obo ro miovwiri vwe obaro re Ọrovwohwo na.

Jẹnẹsis 38:7

Ẹkẹvuọvo Ẹr rẹ ọwanra ri Juda, da dia ohwo umwemwu vwẹ obaro rẹ Ọrovwohwo; Ọrovwohwo de hwe.

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Iguẹdjọ 6:25

Ason yena Ọrovwohwo da ta kẹ nẹ, Reyọ erhuẹn rẹ ọshare rẹ ọsẹ wẹn, erhuẹn rivẹ rẹ ikpe ighwrẹn, rere wo gere agbada ri Baal rẹ ọsẹ wẹn vwori na she, rere wo she Ashera rọ akakọ rọye na teye otọ,

1 Ivie 22:53

Ọ da ga Baal ọ da gọ, ọ da kpare ophu rẹ Ọrovwohwo, Ọghẹnẹ rẹ Izrẹl, vwi kidjerhe kidjerhe ejobi rẹ ọsẹ rọye ruru.

Nehemaya 9:26

Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.

Une rẹ Ejiro 78:56

Dede na ayen davwerọ ayen de mu kpahe Ọ rọ Me Kpenu Ọghẹnẹ, ayen gbe vwẹ ẹro te iseri rọye-e,

Jerimaya 11:10

Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Ukeri 25:3

Etiyin Izrẹl de ku ọghrọrọ ri Baal ri Peọr phihọ ohọre rọye. Ophu rẹ Ọrovwohwo da rhe tua kpahe Izrẹl.

Urhi Rivẹ 4:25

Ọke wo de rhi vwiẹ emọ kugbe emọ rẹ emọ wẹn re wa da rhe dia otọ na krekri re, we de rhi miovwi omobọ rẹ ovwan re, rhe kanre oma re emu kemu re, we de rhi ru umwemwu vwẹ obaro rẹ Ọrovwohwo Ọghẹnẹ wẹn na, wọ da nẹrhẹ ophu muo.

1 Samuẹl 7:3

Etiyin Samuẹl da ta kẹ uwevwi rẹ Izrẹl ejobi, Wa da vwẹ udu rẹ ovwan ejobi kurhẹriẹ bru vwe rhe, we gbe ku edjọ erhorha na kufia kugbe Ashera na nẹ ohri rẹ ovwan, re we hirhe udu rẹ ovwan ku Ọrovwohwo, re wa ga ọye ọvo, ko sivwi ovwan nẹ obọ rẹ ihwo ri Filistia.

1 Samuẹl 12:10

Ayen da viẹ kẹ Ọrovwohwo, tanẹ Avwanre ru umwemwu, fikiridie avwanre sen Ọrovwohwo na, avwanre da gọ Baal kugbe Ashera, ẹkẹvuọvo asakiepbana sivwi avwanre nẹ obọ rẹ ivwighrẹ rẹ avwanre, kẹ avwanre ga wẹ.

1 Ivie 11:5

Kidie Solomọn kẹ Ashera rẹ ẹdjo rẹ ihwo ri Sidọn kọye o nene, kugbe Milkọm rẹ ẹgua rẹ ihwo rẹ Ammọn.

2 Ikun rẹ Ivie 28:3

ọ da torhẹ insẹns vwẹ iyara rẹ emọ ri Hinnọm, ayen da torhẹ emọ rayen vwo ze izobo, kerẹ uruemu ro tuoma rẹ ẹgborho rẹ Ọrovwohwo djẹ nẹ obaro rẹ Izrẹl na epha.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.