Iguẹdjọ 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Uvwiẹ yena ejobi de ghwu bru esẹ rayen; Etiyin uvwiẹ ọfa de rhi mu kpahe ayen, re riẹn Ọrovwohwo na-a kugbe iruo ro ruru kẹ Izrẹl na-a.

Iguẹdjọ 2:10 Referans Kwoze

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.

Ẹyano 5:2

Ẹkẹvuọvo Fẹro da ta, Ono Ọrovwohwo na, re me kerhọ rọye ri mi vwo jẹn Izrẹl kpo? Me riẹn Ọrovwohwo naa, ọrọ marho mi che jẹn Izrẹl kpoo.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Iruo rẹ Iyinkọn na 13:36

Kidie Devid, vwọ ga iroro rẹ Ọghẹnẹ vwẹ ọke rọye nu o da vwerhẹ, e de sho kugbe esẹ rọye, ọ da mrẹ egbo;

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

2 Samuẹl 7:12

Ọke rẹ ẹdẹ wẹn da ghare, re de shi we kugbe esẹ wẹn ke Me kpare ọmọ wẹn ro nẹ orhẹn wẹn rhe kpenu, ke Me vwẹ uvie rọye vwo mu.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

Jerimaya 22:16

O brorhiẹ rẹ igbere vẹ ọ rẹ uvwohwo, etiyin o de yovwi. O dia ọna a vwọ riẹn vwẹ-ẹ? Enẹ Ọrovwohwo tare.

Jerimaya 9:3

Ayen kpirhi ẹrẹnvwe rayen kerẹ umurhabọ; efian ọ dia uyota-a ọye ma rho vwẹ otọ na, kidie ayen nẹ umwemwu ra ro umwemwu, ye ayen riẹn vwẹ-ẹ, eriyin Ọrovwohwo na tare.

ỌBE RẸ JOB 21:14

Ayen ta kẹ Ọghẹnẹ nẹ, Bi nẹ avwanre oma! Ma guọnọ ẹriẹn rẹ idjerhe wẹ-ẹn.

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Ukeri 27:13

Ọke wọ da mrẹ nu, ekpuyovwi wẹn ko ghwu, kirobo rẹ oniọvo wẹn Erọn ghwuru,

Jẹnẹsis 49:33

Ri Jekọp vwọ ta eta enana ejobi nu kẹ emọ rọye, o de si awọ rọye ro ehwa, o de phi ẹnwẹn họ, e de sho kugbe ihwo rọye.

Jẹnẹsis 25:8

Ebraham de phi ẹnwẹ họ o de ghwu, ọ ghworo hẹrẹn hẹrẹn, ọmare rọ mrẹ ikpe buebu, o de bru ihwo rọye.

Jẹnẹsis 15:15

Vwọ kẹ oma wẹn, ku wo rhivwi bru esẹ wẹn ra egberhẹnẹdẹ, ke shi we vẹ uyovwi esha hẹrẹhẹrẹ.

Jẹnẹsis 25:17

(Enana keye ikpe rẹ akpọ rẹ Ishmael, ikpe erha nuro vwẹ ujughwrẹ, o de phi ẹnwẹn họ, o de ghwu, o de bru uvwiẹ rọye.)

Ẹyano 1:6

Etiyin Josẹf de ghwu, vẹ imoni rọye ejobi, vẹ uvwiẹ yena na ejobi.

Ẹyano 1:8

Ovie ọkpokpọ ro ji Josef ẹriẹn de rhi mu vwẹ Ijipiti.

Joshua 24:31

Izrẹl da ga Ọrovwohwo vwẹ ẹdẹ re akpọ ri Joshua ejobi kugbe ẹdẹ rẹ akpo rẹ ekpako na ejobi re tọn nọ Joshua re riẹn iruo rẹ Ọrovwohwo na ru kẹ Izrẹl.

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Jerimaya 9:5

Dohwo dọrivẹ rọye phiẹnre ọ rọ ta uyota herọ-ọ; ayen yono ẹrẹnvwe rayen obo ra vwọrọn ofian, ayen ruẹ umwemwu yẹ uvwerhi jẹn ayen kurhẹriẹ-ẹ.

Iyẹnrẹ Esiri ri Luk 20:32

Ukuko rọye aye na de ji ghwu rhe.