Iguẹdjọ 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana amakashe rẹ Ọrovwohwo da yanran nẹ Gilgal kpo obi Bokim. Ọ da tanẹ, Me reyọ ovwan nẹ Ijipt rhe, mi de phi ovwan phihọ evun rẹ otọ ri Mi ve phihọ kẹ esẹ rẹ ovwan. Me da tanẹ, Me gbe sa guọghọ ọphọ rẹ Me vẹ ovwan rere na-a,

Iguẹdjọ 2:1 Referans Kwoze

Livitikọs 26:42

ke Me cha karophihọ ọphọ mẹ vi Jekọp, ke Me rha karophihọ ọphọ re Me ve Aizik kugbe ọphọ re Me vẹ Ebraham rere, ke Me karophihọ otọ na

Ẹyano 20:2

Mẹvwẹ Ọrovwohwo Ọghẹnẹ wẹn, rọ rọye owẹ nẹ otọ rẹ Ijipt rhe, nẹ uwevwi rẹ ọviẹn rhe.

Ẹyano 23:20

Nighe, Mi jẹ amakashe ka obaro kẹ wẹ, ro sun we vwẹ idjerhe na rọ rọye owẹ te asan re me rhuẹrẹ kẹ wẹ.

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Zekaraya 11:10

Me da reyọ ọkpọ Mẹ re se Ẹserọphẹ, mi de vwirho ro miovwi ọphọ ri mi nene ihwo na re jovwo na.

Jerimaya 14:21

Fiki rẹ odẹ wẹn na, wo hwe avwanre-e, wọ rhaphiẹ ekete rẹ urinrin wẹn na-a; karohọ wo miovwo ọphọ wo nene avwanre re na-a.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Une rẹ Ejiro 89:34

Mẹvwẹ ọvo rha sa chọ urhi rẹ ọphọ mẹ-ẹ, eyẹ se ku ota ro nẹ unu mẹ rhe rhẹriẹ-ẹ.

Iguẹdjọ 13:3

Amakashe rẹ Ọrovwohwo da vwẹ oma phia kẹ aye na ọ da ta kẹ nẹ, Nighe, ẹgan wo ruẹ wo vwo ọmọ-ọ; ẹkẹvuọvo wọ cha mrevun wo che vwiẹ ọmọshare.

Iguẹdjọ 2:5

Ayen de mu odẹ kẹ asan na nẹ Bokim, ayen de ze izobo kẹ Ọrovwohwo na vwẹ Etiyin.

Joshua 3:10

Joshua da ta, Vwẹ oma rẹ ọna wa vwọ riẹn nẹ Ọghẹnẹ ro jeghwo na ọ hẹ uherevie rẹ ovwan, nẹ o che jẹ ihwo ri Kenan, ihwo ri Hẹt, ihwo ri Hiv, ihwo ri Periz, ihwo ri Girgash, ihwo rẹ Amọr, kugbe ihwo ri Jebu ẹ djẹ nẹ obaro wẹ-ẹn.

Urhi Rivẹ 7:9

Vwẹ ọtiọye na wọ Me riẹn nẹ Ọrovwohwo Ọghẹnẹ wẹn na, yẹ Ọghẹnẹ; Ọghẹnẹ rẹ uyota, rọ yọnrọn ọphọ vẹ arodọvwẹ kẹ otu re guọnerọ re je yọnrọn irhi rọye ra ro uvwiẹ uriori; ro ọ Me hwa osa kẹ ohwo ri mu kpahọ gbonozẹ,

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Ukeri 14:34

kirobo rẹ uchẹdẹ rẹ ovwan dorhẹ rẹ otọ na krite, ẹdẹ ujuvẹ na, ẹdẹ ọvo ẹgbukpe ọvo, kọye ovwan ghwa oghwa rẹ orukuruku rẹ ovwan, ikpe ujuvẹ, ku wọ riẹn obo rẹ ivuemiovwo mẹ epha.

Livitikọs 26:44

Rọ vwọ dia ọtiọye dede na, re ayen cha vwọ dia orho re ihwo efa na, mi che si ẹro ne aye-en, mi ji che tue oma rẹ ayen re te obo ri mi vwo bru ayen kufia kakare-e ri mi de miovwo ọphọ re Me vẹ ayen rere-e, kidie Mẹvwẹ Ọrovwohwo Ọghẹnẹ rayen;

Ẹyano 33:14

Etiyin ọ da ta, Ekpuyovwi mẹ nene uwe ra, ke me kẹ wẹ urovwoma.

Ẹyano 14:19

Etiyin amakashe rẹ Ọghẹnẹ rọ ka obaro kẹ ihwo rẹ Izrẹl na de kpo obuko rayen; osunsun rẹ egho de nẹ obaro rayen rhi mudia obuko rayen,

Ẹyano 14:14

Ọrovwohwo na cha họnre kẹ wẹ, oma ọvo we hwemu.

Jẹnẹsis 48:16

amakashe rọ tan vwẹ nẹ idẹbono ejobi, bruphihọ kẹ emọ nana; jẹn odẹ mẹ wan oma rayen va phia, kugbe odẹ rẹ esẹ mẹ Ebraham vẹ Aizik; jẹn ayen bu phihọ ẹgborho vwẹ enu rẹ akpọ na.

Jẹnẹsis 16:13

Kọye o de se asan rẹ Ọrovwohwo da ta ota kẹ na, Wẹ Ọghẹnẹ rọ mrorẹ, kidie ọ tare nẹ, Ke Me ghene mrẹ Ọghẹnẹ, Me mrẹrẹ nu Me da je rhọ?

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Iguẹdjọ 6:8

Etiyin Ọrovwohwo na de ji ọmraro ọvo rhe ihwo rẹ Izrẹl, kọye re ta kẹ ayen nẹ, Enẹ Ọrovwohwo Ọghẹnẹ rẹ Izrẹl na tare! Mẹvwẹ re reyọ ovwan nẹ evun rẹ Ijipt rhe nẹ uwevwi rẹ ọviẹn rhe;

Iguẹdjọ 13:2

Ọshare ọvo da herọ vwi Zọra, ohwo rẹ orua ri Dan, ode rọye Manọa; aye rọye ẹgan o vwo ọmọ-o.

Urhi Rivẹ 1:8

Nighe, mi phi otọ rẹ Ọrovwohwo ve kẹ esẹ rẹ ovwan, kẹ Ebraham, Aizik, kugbe Jekọp, nẹ ọye vwọ kẹ ayen vẹ emọ rẹ ayen che vwiẹ.

Iguẹdjọ 11:24

Ovwan gba reyọ emu ri Kemọsh ẹdjọ rẹ ovwan vwọ kẹ ovwan? Ọtiọye na kohwo kohwo rẹ Ọrovwohwo Ọghẹnẹ rẹ avwanre djẹ nẹ obaro rẹ avwanre, avwanre ke cha reyọ otọ rayen.

Une rẹ Ejiro 89:3

Wọwẹ re tare, Me vẹ ọ re Me jẹreyọ na re ọphọ, Mi duvwu iyori kẹ odibo mẹ Devid nure: