Iguẹdjọ 19:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Vwẹ ẹdẹ rẹ iyori o de vrẹn vwẹ urhiọke ride rere ọ yanran kpo; etiyin ọsẹ rẹ ọmọtẹ na da ta kẹ nẹ, Ru ẹnwẹn wẹn gan rere wọ hẹrhẹ bẹsiẹ rẹ ọke vwọ lọhọ oma. Ọtiọye na ayen ihwo na ivẹ da re emu kugbe.

Iguẹdjọ 19:8 Referans Kwoze

Iguẹdjọ 19:5

Vwẹ ẹdẹ rẹne vwi irhiọke ride ayen vwọ rhọvwọ nu, ọ da choma rere ọ yanran kpo; ẹkẹvuọvo ọsẹ rẹ ọmọtẹ na da ta kẹ ọgọ rọye nẹ, Vwẹ emu te evun rere udu wẹn ga, rere wo ki kpu

Iguẹdjọ 19:7

Ọke rẹ ọshare na vwo vrẹn rere ọ yanran kpo, etiyin ọgọ rọye na da vwẹ eta daji, kẹsiẹye ọ ke rhoma vwerhẹ Etiyin.

Iguẹdjọ 19:9

Ọke rẹ ọshare na kugbe ọnse rọye kugbe odibo rọye vwo vrẹn rere ayen yanran kpo, etiyin ọgọ rọye, ọsẹ rẹ ọmọtẹ na da ta kẹ nẹ, Nighe, ọke na kpo ovwọnvwọn re; biko da oma ji vwẹ ason nana. Nighe, ọke na kpo re, vwerhẹ etinẹ rere wo jẹn oma vwerhẹ owẹ; rere irhiọke ride rẹ odẹ rọ cha, wọ ke yanran kpo.

Une rẹ Ejiro 104:15

kugbe udi rọ vwe omavwerhe ke udu rẹ ohwo, ori rere opharo rọye vwo lo, kugbe ikara rọ nẹrhẹ udu re ohwo gan.