Iguẹdjọ 19:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọke rẹ ọnse rọye na vẹ ọye vwọ ghwọ, etiyin aye na da yan jovwo kpo uwevwi rẹ ọsẹ rọye vwi Bẹtlẹhẹm ri Juda, ọ da dia oboyi emeranvwe ẹne.

Iguẹdjọ 19:2 Referans Kwoze

Izikiẹl 16:28

Wọ vẹ ihwo rẹ Asiria ji gbe igberadja rhe, fikiridie evun vọn wẹ-ẹ uyota, wọ vẹ ayen gbe igberadja, dede na yẹ evun vọn wẹ-ẹ.

Urhi Rivẹ 22:21

kẹ ayen reyọ ọmọtẹ na kpo anurhero rẹ uwevwi rẹ ọsẹ rọye, eshare rẹ orere rọye Me vwẹ elalọ phio hwe, fikiridie o gbe ugheghẹ vwẹ evun rẹ Izrẹl rọ vwọ dia uwevwi rẹ ọsẹ rọye de gbe ọfanrhiẹ; eriyin wọ vwọ hworhẹ umwemwu nẹ uherevie rẹ ovwan.

Livitikọs 21:9

Nighe ọmọtẹ rẹ orherẹn, ro miovwo oma rọye vwẹ ehware ebro, yo gbe ọsẹ rọye ẹgua; ka torhẹ kufia vwẹ evun rẹ erhanre.

Iguẹdjọ 17:7

Emeghene ọvo ri Bẹtlẹhẹm ri Juda da herọ ọ rẹ orua ri Juda, ohwo ri Livae o ruẹ, ọ da kpare oyan kpo oboyi.

Iguẹdjọ 19:1

Vwẹ ọke yena, rẹ Izrẹl rhe vwo ovie-e na, Etiyin ohwo ri Livae ọvo da kua kpo ẹbẹre rẹ orere rẹ ugbenu rẹ Ifrem ọ da jẹn ọnse ọvo vwi Bẹtlẹhẹm ri Juda.

Iguẹdjọ 19:3

Etiyin ọshare rọye na de bro ra rere o rhivwi bro rhe uwevwi. Ọ da reyọ idibo rọye kugbe ekẹtẹkẹtẹ ivẹ nene oma yanran. Ọ da rhe uwevwi rẹ ọsẹ rẹ aye na; ọke rẹ ọsẹ rẹ ọmọtẹ na vwọ mrẹ, ọ da rhe vwa vẹ aghọghọ.