Iguẹdjọ 19:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Nighe, ọmare rẹ ọshare ọvo ro nẹ aghwa rọye cha vwẹ ovwọnvwọn; ọshare rẹ orere rẹ ugbenu rẹ Ifrem o ruẹ, ọrhorha o ruẹ vwi Gibeah, ihwo rẹ asan na emọ rẹ Bẹnjamin ayen ruẹ.

Iguẹdjọ 19:16 Referans Kwoze

Une rẹ Ejiro 104:23

Ohwo me yanran kpo iruo rọye ọ me wian rhiri re te ovwọnvwọn.

Iguẹdjọ 19:1

Vwẹ ọke yena, rẹ Izrẹl rhe vwo ovie-e na, Etiyin ohwo ri Livae ọvo da kua kpo ẹbẹre rẹ orere rẹ ugbenu rẹ Ifrem ọ da jẹn ọnse ọvo vwi Bẹtlẹhẹm ri Juda.

2 Tẹsalonaika 3:10

Tobọ ọke rẹ avwanre vẹ ovwan vwọ herọ na, ọnana hẹ urhi rẹ avwanre ji kẹ ovwan nẹ; a wianre-e, a ria-a.

Ẹfesọs 4:28

E jẹn ohwo ro cho uji jẹ uji vwo, ẹkẹvuọvo e jẹ ọ vwẹ obọ rọye wian, ọ vwẹ abọ rọye ru iruo ro vwo ọghọ, rere ọ mrẹ vwọ kẹ ayen otu rẹ akpọ bẹn.

Aghwoghwo 5:12

Ovwerhẹ rẹ ọgbowian miẹmiẹ, owenẹ ọ re emu bu eyẹ ọ re bu-u; ẹkẹvuọvo efe obuebu ja mrẹ ovwerhẹ vwerhẹ-ẹ.

Aghwoghwo 1:13

Me da vwẹ iroro mẹ ejobi vwọ kpahe ẹghwanre, vwọ guọnọ otọ rẹ emu ejobi re ruẹ vwẹ otọ rẹ odjuvwu na; iruo rẹ ivuemiovwo rẹ Ọghẹnẹ vwọ kẹ emọ rẹ ihwo rẹ akpọ rere ayen vwọ de laghẹ oma.

Isẹ 24:27

Ghwẹ ekuakua re ona wẹn kpo ọsuere, tọrọ ekọn wẹn ejobi kpahe vwẹ obo aghwa,

Isẹ 14:23

Vwẹ evun rẹ owian ejobi erere herọ, ẹkẹvuọvo ota ofefe diodi ghwa ọbẹvwẹ cha.

Isẹ 13:11

Efe rẹ okpakpa obobotọ ọ ra, ẹkẹvuọvo ohwo rọ kọn ọkọn ememerha, ko che vwo buebu.

Une rẹ Ejiro 128:2

Wọ cha re obo wọ vwẹ obọ wẹn kọn koko, wọ cha ghọghọ, kọ yovwi kẹ we.

Iguẹdjọ 19:14

Ọtiọye na ayen da wanvrẹn yanran; ọke de she ayen vwi Gibeah, ri Bẹnjamin.

Jẹnẹsis 3:19

Ọdja kọ dia opharo wẹn wọ ke cha re emu, bẹsiẹ wo che vwo rhivwi kpo otọ ri wo nurhe, ekpẹn wo ji che hirhe ra.

Iguẹdjọ 19:15

Ayen da vwẹriẹ etiyin, rere ayen vwerhe vwi Gibeah vwẹ ason yena. Ọke rọ vwọ ro evun rọye nu o de tidia vwẹ uphẹphẹ rẹ orere na; kidie ayen mrẹ ohwo ro phi ayen phihọ uwevwi vwerhẹ vwẹ ason yena-a.

Iguẹdjọ 19:17

Ọshare na vwọ kpare opharo kpenu, ọ da mrẹ ọrhorha rẹ ọshare ọvo vwẹ uphephẹ rẹ orere na; ọmare rẹ ọshare na da ta kẹ nẹ, Tivọ wọ ra? Bovọ wo nurhe?

Hosia 9:9

Ayen gbe oma rayen ku putu putu kerẹ ọke ri Gibeah; kọ karohọ orukuruku rayen, kọ guọghọ imwemwu rayen.