Iguẹdjọ 19:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọke yena, rẹ Izrẹl rhe vwo ovie-e na, Etiyin ohwo ri Livae ọvo da kua kpo ẹbẹre rẹ orere rẹ ugbenu rẹ Ifrem ọ da jẹn ọnse ọvo vwi Bẹtlẹhẹm ri Juda.

Iguẹdjọ 19:1 Referans Kwoze

Iguẹdjọ 18:1

Vwẹ ọke yena Izrẹl vwo ovie-e. Vwẹ ọke yena orua ri Dan ke guọnọ otọ rayen vwọ riuku kẹ omobọ rayen, fikiridie ọke nana orua rẹ Izrẹl etọ rayen vwọ riuku kẹ oma raye-en

Iguẹdjọ 17:8

Ọshare na de vrẹn nẹ orere ri Bẹtlẹhẹm ri Juda, rọ vwọ guọnọ asan rọ dia; rọ vwọ yan oyan na, o de te orere rẹ ugbenu rẹ Ifrem rẹ uwevwi ri Mika epha.

Matiu 2:6

Wẹ Bẹtlẹhẹm, vwẹ otọ ri Juda Ọ dia owẹ re ma hanvwe vwẹ isun ri Juda ejobi; Kidie ohri wẹn osun che nurhe ro che sun ihwo mẹ Izrẹl.

Malakae 2:15

Ọ dia Ọghẹnẹ ọvuọvo na rọ ma avwanre na ọye je vwẹ erhi rẹ arhọ na yọnrọn avwanre na? Kidie ọ guọnọre? Omamọ ẹkpẹvwẹ rẹ uyota. Gba kẹnẹ oma wẹn, rere ohwo kohwo vwo jẹ ọfanrhiẹn e gbe rhurhu aye rẹ ọke-emọ rọye.

Iguẹdjọ 21:25

Vwẹ ọke yena Izrẹl vwo ovie-e; dohwo dobo ri jere vwẹ ẹro rọye kọye o ruẹ.

Iguẹdjọ 17:6

Vwẹ ọke yena, Izrẹl vwo ovie ọvuọvo-o; dohwo vẹ obọ ri jere vwẹ ẹro kọye o ruẹ kẹ oma rọye

Joshua 24:33

Eleazar re ọmọ rẹ Erọn de ghwu; ayen de shọ phihọ Gibeah, orho ri Finehas rẹ ọmọ rọye, ra vwọ kẹ vwẹ obo orere rẹ ugbenu rẹ Ifrem.

Joshua 24:30

ayen de sho phihọ ẹkẹn ukueriọ rọye vwi Timnatserah, rọ obo orere rẹ ugbenu rẹ Ifrem, obọhwẹre ọnre vwẹ ugbenu ri Gaash.

Daniẹl 5:3

Etiyin ayen da ghwẹ ekuakua rẹ oro vẹ idọnọ efuanfọn na ra ghwẹ nẹ uwevwi rẹ Ọghẹnẹ vwi Jerusalẹm rhe; te ovie na te ehọnvwọre rọye, te eya rọye te esen rọye da vwẹ ayen da udi.

Ẹsta 2:14

Ovwonvwon na o da yanran, vwẹ irhiọke ọ mi rhivwi rhe obo egodo rivẹ rẹ ense rọye ri Shaashgaz rẹ oghwara rẹ ovie vwẹ ẹro te na, o gbi rhivwi bru ovie na ọfa-a, jokpa nẹ ovie na guọnerọ rọ de se odẹ nẹ ọ rhe.

2 Ikun rẹ Ivie 11:21

Maakah ọmọtẹ rẹ Absalọm na kọye me je Rehoboam nọ eya vẹ esẹn ri chekọ (ọ reyọ eya ihwe gbe ẹrenre kugbe esẹn ujorha, o de rhe vwiẹ emeshare uje kugbe emetẹ ujorha);

1 Ivie 11:3

O vwo eya ujori ighwrẹn, emetẹ rẹ ivie, kugbe esẹn ujori erha; eya rọye de ku udu rọye rhẹriẹ.

2 Samuẹl 20:3

Devid de rhi te uwevwi rọye vwi Jerusalẹm; ọye ovie da reyọ ẹsen ihwe na rọ yan jovwo ne vwẹ ẹro te uwevwi rọye; o de phi ayen phihọ uwevwi ọ da vwẹ ohwo rhẹrẹ ayen, jọ kẹ ayen emu ria, ẹkẹvuọvo o gbi bru ayen kpo ovwerhẹ-ẹ. Ọtiọye ọ kare ẹchẹ gbe ayen rhiri kerẹ eyauku re te ẹdẹ ughwu rayen.

2 Samuẹl 19:5

Etiyin Joab da ro uwevwi bru ovie ra ọ da ta, Wọ vwẹ omẹvuọ rhurhu epharo rẹ idibo wẹn vwẹ ẹdẹ ri nonẹ, re sivwi we, vẹ emọ wẹn rẹ eshare kugbe ere emetẹ, vẹ eya wẹn kugbe esen wẹn

2 Samuẹl 16:22

Etiyin ayen da tan utughe phihọ obenu rẹ uwevwi kẹ Absalọm; Absalọm de bru ẹsen rẹ ọsẹ rọye kpo ovwerhẹ vwẹ irharo rẹ Izrẹl ejobi.

2 Samuẹl 5:13

Devid da rhe jẹn ẹsen buebu, ọ da rhe reyọ eya vwi Jerusalẹm ro vwo nẹ Hebrọn rhe nu, Devid de vwiẹ emeshare vẹ emetẹ;

2 Samuẹl 3:7

Ọke yena Sọl vwo ọnse, re se nẹ Rizpah, ọmọtẹ ri Aiah; Ishboshet da ta kẹ Abner, Die sorọ wọ vẹ ọnse rẹ ọsẹ mẹ vwọ rọvwọn?

Iguẹdjọ 17:1

Ọshare ọvo da herọ vwẹ orere rẹ ugbenu rẹ Ifrem, ode rọye Mika.

Jẹnẹsis 35:19

Etiyin Rachel de ghwu, e de sho vwẹ idjerhe rẹ Efrat (kọye Bẹtlẹhẹm),

Jẹnẹsis 25:6

Ẹkẹvuọvo emọ rẹ ayeobọ na ejobi ẹse kọye o di ru kẹ ayen, ọke rẹ ekpuyovwi rọye vwọ akpọ na ọ da hẹriẹ ayen abọ nẹ oma rẹ Aizik, vwo kpo orho rọ abọ rẹ ọnre da vacha.

Jẹnẹsis 22:24

Ọsẹ rọye re se Reumah de rhe vwiẹ Teban, Gaham Tahash, kugbe Maʼakah.

Iguẹdjọ 17:7

Emeghene ọvo ri Bẹtlẹhẹm ri Juda da herọ ọ rẹ orua ri Juda, ohwo ri Livae o ruẹ, ọ da kpare oyan kpo oboyi.

Iguẹdjọ 19:2

Ọke rẹ ọnse rọye na vẹ ọye vwọ ghwọ, etiyin aye na da yan jovwo kpo uwevwi rẹ ọsẹ rọye vwi Bẹtlẹhẹm ri Juda, ọ da dia oboyi emeranvwe ẹne.

Iguẹdjọ 19:16

Nighe, ọmare rẹ ọshare ọvo ro nẹ aghwa rọye cha vwẹ ovwọnvwọn; ọshare rẹ orere rẹ ugbenu rẹ Ifrem o ruẹ, ọrhorha o ruẹ vwi Gibeah, ihwo rẹ asan na emọ rẹ Bẹnjamin ayen ruẹ.

Iguẹdjọ 3:27

Ọke ro te uwevwi nu, ọ de hworo owanre vwẹ evun rẹ ugbenu rẹ orho rẹ Ifrem; ihwo rẹ Izrẹl de bro rhe orho rẹ ugbenu na ọ da ka obaro kẹ ayen.

Iguẹdjọ 12:8

Okuko rọye Ibzan ri Bẹtlẹhẹm de guẹdjọ rẹ Izrẹl.

Iguẹdjọ 18:13

Ayen da wanvrẹn oboyi kpo orere rẹ ugbenu rẹ Ifrem, rhe uwevwi ri Mika.

1 Ivie 4:8

Enana keye odẹ rayen: Bẹnhọ, vwẹ obo orho rẹ ugbenu rẹ Ifrem;